تعافيت به

تعافيت به ٤

شمس عاينت ليها وابتسمت ابتسامه خبيثه وقالت ليها اااي اسامه م قرب مني ولا حاول يعمل لي حاجه اصلا... شيرين جات عليها بسرعه ومسكتها من ايدها وقالت ليها انت كيف تعملي حاجه زي دي جنيتي خلاص قالت ليها اي جنيت جنيت بي حبهه شمس اللي الدنيا كلها عايزه ترتبط بيها هو بتجاهلا كانهه م شايفه اناقلته ليك لو اسامهه م كان لي م حيكون لغيري فهمتي شيرين قالت ليها طيب حصل شنو احكي لي قالت ليها الحصل انهه لمن انت رفضتي تساعديني انا اتصلته بي مروه صحبتي طبعا أنا كنت بحكي ليها عن اسامهه كتير ونسبهة لأنه اسامه صاحب اخوها شديد وقرأ معاهو الجامعه وكانو في نفس الدفعه فكان ساهل انها تجيب لي معلومات عنهه اتصلت عليها وكلمتها بالحصل وأنه كيف اسامهه بتجاهلني وكدا فقالت لي انها عرفت انهه اسامهه مرتبط وناوي على عرس وورتني انه اخوها قال ليها اسامه مرتبط بي واحده قرت معاهم وعايز يخطبها وأنها بت من أسره فقيره ويتيمهه قاعده مع عمها ومرتهه ومطلعين عينها وعمها عايز يعرس ليها راجل كبير عشان القروش واسامه عشان كدا عايز يتقدم ليها الأسبوع الجاي طبعا ساعتها راسي شطب وم عرفته اعمل شنو مروه قالت لي انا متأكده انه اسامه م بحبها بس شفقان عليها وماف حل غير أنه نحن نعمل حاجه تجبر اهلك يعرسو ليك اسامهه غصب عنهه لأنه مستحيل هو يوافق من تلقاء نفسه فبعد تفكير عرفنا الخطهه اللي هي... بعدها كنت منتظره الوقت المناسب اللي اكون فيهو انا واسامهه برانا.....
فلااش بااااااك
بعد شمس طلعت فوق تنادي اسامهه عشان يشرب الشاي دقت باب الغرفه الكان شبهه مفتوح بس م جاها رد لزت الباب ودخلت لقت الغرفه فاضيه بقت تندهه على اسامه بس ماف رد شافت باب البلكونه فاتح عرفت انهه هناك اسامه كان بتكلم مع لينهه بالتلفون وهو مبسوط قال ليها انا فتحت لي امي الموضوع سلفا والليله حفتحهه لي ابوي أن شاء الله الاسبوع الجاي حنجيكم في البيت ونطلب ايدك رسمي بس انت م تخافي وعمك دا م ح يقدر يعمل حاجه طبعا شمس كانت واقفه وراهو وسمعت الكلام كله اسامه م كان حاسي بيها وواصل كلامه عادي وقال ليها طيب خير ان شاء الله مع السلامه عشان معانا ضيوف حرجع ليك بعدين فصل الخط وأتلفت  وراهو لقى شمس واقفه ومربعهه يدينها قال ليها شمس! اهلين من متين وانت هنا؟! قالت ليهو من انت بتفتح في مواضيع وعامل فيها عاشق ولهان قال ليها كيف م فهمتك؟؟؟ قالت ليهو م فهمته شنو بالضبط كنت بتتكلم مع منو قال ليها نعم!؟ قالت ليهو اي بتتكلم مع منهه قال ليها معليش يعني داموضوع شخصي م اظن بخصك كتير  قربت عليهو شديد ومسكته من ايدينو وضمت ايديهو لي صدرها وقالت ليهو بخصني ي اسامهه انت م عارف انا بحبك قدر شنو اسامهه انا بحبك من زمان وانت م حاسي بالحب دا ودايما بتتجاهلني اسامهه رجعها منهه لي ورى وفك ايدينو من ايدها وقال ليها شمس انت بتقولي في شنو قالت ليهو السمعته كيف انت قادر تحب زول غيري ناقصني شنو انا قال ليها م ناقصك شي ي شمس  وتستاهلي الأحسن مني بس صدقيني انا م بحبك وم حاحبك في يوم لأنه انا بحب واحده تانيه وح اتزوجها وانت اكيد ربنا حيعوضك بي راجل يحبك ويصونك قالت ليهو كيف يعني تتزوجها اسامهه صدقني ماف زول حيحبك قدري افهمني بس واديني فرصهه  انا عارفه انت شفقان عليها وم بتحبها تعال نديها قرشين ونخليها تمشي في حالا أو نشوف ليها شغل بس م تتزوجها وقربت عليهو وهي بتحاول تحضنهه بعدها منهه وقال ليها شمس كدا كتير على فكره وي ريت تحترمي نفسك لحدي هنا وبعدين منو هي الشفقان عليها وبتعرفيها من وين اصلا قالت ليهو م ضروري تعرف بس انا عارفه عنك كل حاجهه اسامهه انا بحبك بالجد انت بس افهمني وهي لسه بتحاول تقرب منو اسامهه لمن أخلاقه ضاقت شديد لزاها واداها كف في وشها لمن ايدو علمت عليها رفعت رأسها وهي مصدومه وقالت ليهو بتضربني انا ي اسامهه قال ليها اي بضربك ولو م طلعت اسي من الغرفه دي حاضربك تاني وانت الظاهر الدلع الدلعتو ليك عمتي وهوسك بنفسك نساك انت منو وبت منو ونساك تحترمي نفسك وتتعلمي الأدب م خجلانه من البتعملي فيهو دا انت قالت ليهو اسكت انا أشرف منك ومن الجربوعه الانت بتعرفها دي انت قايلني م بعرفها مش دي البت الشحاده ديك زاتها القرت معاك الجامعه واسمها لينهه انت قايل انها بتحبك دي طمعانهه فيك تطلعها من القرف اللهي فيهو وبتحلم تعيش بت عز هنا قال ليها معليش ياخ بس م كل الناس بتفكر زيك ي شمس وم كل الناس رخيصهه زيك انا م عارف انت بتعرفي الحاجات دي كيف بس العارفهه انهه الحاجات دي حقيقه وانا حاتزوج لينهه سوا عجبك أو لا وبالله انت راجعي نفسك  كويس وشوفي الغلط الانت بتعملي فيهو ولو سمحتي اطلعي بره من غرفتي سريع قالت ليهو اسمعها مني ي اسامهه انا مستحيل انسى الحصل دا وحاندمك عليهه ندم م تعرف ليهو رجاء لأنه شمس م اتعودت تتهان زي م انت هنتها كدا وجربوعتك دي انا بعرف اطفشها منك كيف وطوالي مسكت كم الفستان حقها وشرطتهه ونكشت شعرها ونزلت وهي بتبكي تحت وخلت اسامهه في حاله من الصدمهه فوق وبعدها كلنا عرفنا الحصل شنو،....
بااااااك
شيرين قالت ليها لالا انت م طبيعيه خالص كيف قدرتي تعملي كدا امك لو عرفت لو في زول عرف والله امك تكسر رقبتك وتقتلك انت م عارفها بتكره اسامه قدر شنو لو عرفت انك كذبتي حتضبحك والله ابوك يعلقك في الشارع قالت ليها هشششش اسكتي ماف زول حيفضحني غيرك انت وكلامك الكتير واصلا كلكم كنتو تحت وماف زول غيرنا كان فوق بس انا في حاجه محيراني للان ليه اسامهه سكت وم قال حاجهه وانا متأكده انهه لو كان حكى الحقيقه كان خالي صدقو طوالي شيرين قالت ليها فعلا والله غريب شديد سكوته دا قالت ليها م مهم اسي المهم انت ناويه تعملي شنو بعد المصيبه العملتيها دي شمس قالت ليها انتظري بس وشوفي آخر المصيبه دي حيكون اسامهه لي وتوته توته تخلص الحتوته شيرين قالت ليها لالا انا م بقدر اتحملك واتحمل جنونك دا اكتر من كدا اعملي العايزاهو وطلعيني من الموضوع دا وطلعت خلتها شمس نزلت لي امها تحت بي وش المكسوره الحزينه الموجوعه قعدت جنبها وختت رأسها في حضنها وبقت تبكي امها قالت ليها خلاص ي بتي م تبكي انا حقك بجيبو ليك وبدخل الولد دا السجن انت اصبري بس  قالت ليها لالا ي امي اوعك تعملي كدا اسامهه في النهايه ولد خالي وانا م بقدر اشوف خالي زعلان قالت ليها يعني انا البقدر اشوفك بي حاله زي دي ابوك بكره حيجي ونمش نشتكي في الشرطه طوالي شمس قالت ليها يعني الشرطه حتعمل لي شنو حتصلح الانكسر فيني حترجع ثقتي الاتهزت بي نفسي حتمحي وجعي قالت ليها لكن ي بتي اها نسوي ليهو شنو اكتر من كدا قالت ليها ي امي انت فاكره انهه انا حاقدر اتقبل فكره شرطهه تجي وتحقق معاي في مواضيع زي دي في حياتي  ولا في زول حيقبلني بعد يعرفو انت م عارفه مجتمعنا بنظر للحاجات دي من ياتو ناحيهه وم تنسى انهه سوسن مرت خالي بتكرهك وبتكرهنا بكره تنشر الموضوع وتكبرو في نص العيله والناس كلها تتكلم بينا ويشوهو سمعتنا والناس حتاكل وشنا في النهايه ولدها راجل وانا الح اضرر امها سكتت مسافه وقالت ليها خير ي بتي انت اسي امشي نومي والصباح رباح بكره خيلانك وجدك وحبوبتك كلهم حيجتمعو في بيت عماد أخوي ونشوف البحصل شنو هنا ابتسمت شمش ابتسامه خبيثه لأنها عرفت انهه الكانت عايزه توصلو لي امها وصل والفي رأسها حيتحقق واستغلت نقطهه انه امها مره بوباره ولسانها طويل في الناس وم حتتحمل فضيحه زي دي،أنا في بيتنا وبعد ليله كانت من أقسى الليالي المرت علينا في حياتنا بس ما الاخيره صحيت من النوم لقيت الساعه ماشه على ١١ ضهر رفعته راسي الكان حينفجر من الصداع نسبهه لأنه امبارح ساهرته شديد وم عارفه نمته متين قمت من السرير بي صعوبهه شلته ملابسي من الدولاب دخلته الحمام اخدتهه دش واتوضيت صليت نزلته المطبخ م شايفه زول كبيت لي شاي شربتهه طلعت من المطبخ عايزه اشوف ناس ماما وين فجأه سمعته أصوات كتيره جايهه من الصالون مشيت عليهم لقيت العيله الكريمه كلها موجوده اعمامي كلهم موجودين وجدو وحبوبهه وعمتي وراجلا وماما وبابا واسامه اخوي قلته ليهم السلام عليكم ردو السلام دخلته سلمته عليهم كلهم حبوبهه قالت لي تعالي ي نور اقعدي جمبي قعدته جمب حبوبهه وبقيت بستمع للنقاش الكان حاصل عمتي قالت لي بابا شوف ي عماد نحن في النهايه اخوان وانا عشان الخوه دي جيتك هنا انا بنتي م رخيصهه عشان اخلي حقها ودي الخيارات الأنا اديتك ليها انت وولدك وعندكم الحريه تختارو من بينهم الأنسب ليكم طبعا انا طاشهه وم عارفه البتتكلم عنها عمتي جدو قال ليها لكن م كدا ي بتي الولد غلط واعتذر ماف داعي نكبر الموضوع اكتر من كدا وبتك سليمه الحمد لله م عليها عوجه وهدا ابوهو أمس ضربو وبهدلو ليك في قدامك وهو اسي اعتذر منك ومن راجلك وقال ليك مستعد يمشي يعتذر لي شمس ووعد انهه تاني م يقرب عليها ابدا خلينا نقفل الموضوع على كدا خلاص حبوبهه قالت ليها اي ي بتي م تقوي راسك الله يرضى عليك الوليد صغير وشاب واصلا دي أمور الشباب البعملوها وهو ندم وعرف غلطته كويس عمي عبدالله قال ليها اي ي منى ي اختي م تكبري الموضوع اكتر من كدة قالت ليهو قصدك انا بتاعت كبير مواضيع ي ابوي وانت ي عبدالله لو كانت واحده من بناتك كنت سكتهه يعني نحن لو م كنا تحت كان حيعمل فيها شنو اكتر من كدا يغتصبها ولا بتي حاجهه رخيصهه وم بتهمكم عمي عبدالرحمن قال ليهم منى عندها حق وانا بشوف انه لازم يتربى خالد راجل عمتي منى قال ليهم والله انا لو م بعاين لعماد اسي اتربسو بباقي اليوم دا طبعا بابا كان ساكت و م أدى اي ردت فعل  واسامه اخوي كان مدنقر راسهه وشارد اما ماما فبتحاول مع عمتي هي وحبوبهه واعمامي وجدو وخالد راجل عمتي فكانهه بتجادلو وبتناقشه في الموضوع وبتبادلو الحديث بينهم انا كنت مره بسمع لي ديل ومره لي ديل مرات بشارك في الكلام وأحيانا بسكت وأثناء م نحن بنتناقش واي زول بقول رايهه بابا فجأة رفع رأسه وقال ليها شوفي ي منى انا ولدي بكره يعقد على شمس ودا آخر كلام عندي.....

#تعافيت- به
#هويدا عبدالله