تعافيت به

تعافيت به ٢

بعد خلصنا انا وماما الشغل كله دخلته غرفتي اخدته دش وغيرته ملابسي سرحته شعري ونزلته لي ماما تحت لقيتها جهزت اي حاجه وفاتحه التلفزيون وراقده قلته ليها مالهم اتاخرو الساعه ماشه على ٢ أن شاء الله يكونو غيرو رأيهم زاتو 🐸أثناء م انا بتكلم سمعنا صوت الجرس مشيت على الباب وفتحته لقيتهم في وشي بس المره دي غير سلام حار وشوق واحضان وحاجات اول مره تحصل من عمتي لمن انا وماما استغربنا طبعا فضلناهم ودخلو جوا جات عمتي ومعاها بناتها شروق ودي الكبيره درست مختبرات واتخرجت واسي شغاله عمرها٢٥ ومخطوبه لي ود عمها مسكينه لكن مرات عندها حركات نفسنه وشمس ودي بعد شروق طوالي لكن عكس شروق تماما بت مفلهمه ودلوعه ومايصهه وم بتتبلع نهاي غير أنها شايفه نفسها ملكه جمال على شنو م بعرف وبعد دا لسانها طويل وقليلة أدب وانا وهي م بنتفق اساسا ودايما ناقر ونقير🙂 وطبعا خاته عينها على اسامه اخوي وهو م بطيقها عمرها ٢١ سنه بتقرا تالته اداره 🐸😂وشيرين ودي طبعا بت امها طالعه زيها شمشااره ووهميه لي درجه بعيده وهي قدري في العمر 🙂 طبعا بين شرين وشادي في شازلي ودي الشخصيه الممكن تقول عليها ظابطه في كوم الوهم دا 🐸 أصغر مننا بي تلاته سنه عمرو ١٥ بقرا أولى ثانوي ولد محبوب وهادي لي درجه كبيره اما شادي فدا آخر العنقود عمرو ١٠ سنوات شافع لميض ولسانهه طويل عاد لازم يكون كدا امهه منو 🐸 المهم العصابه دي كلها دخلناها في الصالون ماما سألت عمتي عن شازلي وقالت ليها ممتحن م قدر يجي اول م قعدواشتغلت لجنه التحقيقات كالعادة متين غيرتو دا ومتين جبتو دا وحركات عمتي الواحده الما بتخليها هي وست شمس طبعا انا غايته م قدرته اقعد معاهم عشره دقايق مشيت جبته ليهم المويه والعصير وجيت قعدته وانا ساكته المهم بعد كلام كتير ونقهه م عندها لزوم قامت عمتي سألت ماما قالت ليها انت ي سوسن وين اسامه طوالي شمس عيونها بقو قلوب وقالت ليها اي ي خالتو اسامهه ويييين بي مياصهه كدا 😍 ماما قالت ليها اسامه في الشغل مع ابو طوالي عمتي لوت خشمها وقالت ليها هم م عارفننا جاين يعني ولا م عايزين يشوفونا 😏ماما قالت ليها العفو ي منى م كدا بس عندهم شغل وان شاء الله م بتاخرو قالت ليها شن الشغل ي اختي م كلنا عندنا أشغال خليناها ورانا وجينا نشوفكم ولا الشغل أهم مننا وبعدين شغل شنو ليهو انتو الولد دا م ناويين... وقبل م تكمل كلامها ماما قاطعتها وقالت ليها ابدا والله بس كان شغل ضروري وبجو اسي أن شاء الله طبعا انا استغربت عمتي كانت عايزه تقول شنو لمن ماما اتوترت كدا واتغظت منها شديد قربته ارد عليها لكن ماما حمرت لي وقالت لي يلا ي نور عشان نجهز الاكل مشيت مع ماما المطبخ وانا بغلي وقلته ليها م بقدر اتحملهم اكتر من كده بنفجر فيهم والله 🙂 ماما قالت لي ي بت انا قلته ليك شنو الصباح خلي الليله تعدي على خير، واصلا ابوك واسامه حيكونو على وصول ينشغلو بيهم شويه المهم بدينا انا وماما نرص ونجهز في الغدا وفعلا سمعنا صوت عربيه بابا وسمعنا أصواتهم وهم بسلمو عليهم طلعنا من المطبخ و مشيت سلمته على بابا وقلته لي اسامهه في زول كدا الليله حيعمل حاجات كتير م نفسهه يعملها وبقيت اضحك طبعا حمر لي وانا اضحك وعمتي تعاين لي اسامه بطرف عينا ( طبعا م بتحبهه مع انه بحترمها اكتر مني) هي وبناتها م عاجبهم الوضع على شنو م بعرف نطت شمس قالت لي حاجات شنو الما عايز تعملها ي اسامهه رديت ليها انا وقلته ليها خصوصيات بين اخ واختهه 😏 طبعا شمتني شم بعدهااسامهه استأذن وقال انا طالع غرفته ياخد دش ويرتاح شويه بعد اسامهه طلع فوق انا رجعته المطبخ وماما قعدت معاهم بديت اجهز في الصفره جات شروق وشرين لاحقني في المطبخ شروق قالت لي اساعدك في حاجه ي نور قلته ليها شكرا ليك والله خلصته اي حاجه ارتاحي انت بس طوالي شرين ضحكت وقالت ليها الشلاقه م بتخليك مالك ومال المساعده كمان نحن ضيوف ولا هم 😏 قلته ليها والله كتر خيرها انها حبت تساعد من باب الزوق الدور والباقي على الناس الما عندها زوق 😏 طبعا م قدرت تقول لي حاجه وكلامي اكل معاها حمرت لي بس وسكتت فجأه شادي جاء داخل قال ليها ي شرين اديني تلفونك العب بيهو قالت ليهو م بدي اي تلفون امش شيل حق امي قال ليها ماما م جابت تلفونها قالت ليهو م بديك تلفون ي زول زح مني عشان م اديك كف قلته ليها براحهه علي الولد دا شافع عفكره وقلته لي شادي هاك تلفوني انا العب بيهو شالو وقال لي شيرين امشي ي شينهه ي عويره اصلا نور احلى منك ي عود الاقاشي طبعا انا وشروق متنا عليهو بالضحك وهي حمرت ليهو وقالت ليهو الليله م بخليك طوالي قام جاري وطلعت وراهو في جانب تاني ماما وبابا وعمتي كانو في الصالون بتناقشهه نقاش حاد واصواتهم عاليه عمتي قالت ليه وان شاء الله الوضع دا حيستمر لمتين انت م شايف بتك بقت قدر شنو ابوي قال ليها انا ميه مره قلته ليك الموضوع دا يتقفل ي منى قالت ليهو يتقفل كيف يعني انت مشكلتك مُعيش نفسك في وهم مصدقو ماما قالت ليها ي منى اسي ماف داعي للكلام دا البنات ديل برا قالت ليهم كيف يعني انتو عايزين تدسو الحقيقه دي لمتين مصيرها تظهر وتتكشف وبعدين الشركه الماشي وجاي فيها دي انت ناسي انهه انا عندي نصيب فيها وزاتو خالد راجلي شغله واقف وعايز يجي يشتغل فيها بابا قال ليها بس انت عارفه خالد م ليهو في الشغل الزي دا ي منى قالت ليهو ليه مش هو تاجر ليهه م ليهو وبعدين انت معاهو وتعلموا شويه شويه مش احسن ليك خالد من الغرباء قال ليها خير ي منى خير كدي اسي اقفلي المواضيع دي واحكي لي اخبارك شنو انت م تخلي نفسك حار في أي حاجه ياخ قالت ليهو انا كويسهه الحمد لله وخلي حركاتك دي لما نشوف آخرك شنو ، اما شرين وشمس وشادي كانو في الصاله شرين داخله الواتس وشادي بلعب وبتصور في تلفوني فجأه شمس قالت لي شرين يخسي عليك ي شيري يعني م عايزه م تساعديني انا م أختك خلي مطنشاني كدا شرين قالت ليها شوفي انا قلته ليك الولد دا م عندو ليك حاجه لكن انت لايوقهه اسي عليك الله ولد سمح زي دا يعاين ليك انت وبعدين هو باين م عندو حنك مواضيع الحب والكلام الفارغ دا فابلله أكسري حنكهه وشوفي ليك زول تاني قالت ليها هي كيف يعني م يعاين لي مالي ناقصه ايد ولا رجل شوف الكلبه دي بالله انا عارفه انه تقيل ودي الحاجه المكسراني فيهو لكن والله انا بحبه وم بقدر اعيش بدونه قالت ليها خلاص امشي قولي ليهو ولو أداك شاكوش م على انا وقعدت تضحك 😂قالت ليها انت اصلا واحده ثقيله وغياظهه وم منك فايده وغلطانه انا البطلب مساعدتك وشالت تلفونها واتصلت على مروه صاحبتها حكت ليها الحاصل بعد قفلت ابتسمت ابتسامه خفيفه وقالت حتكون لي يعني حتكون لي ي اسامه بي كيفك أو غصب عنك أما أنا وشروق كنا بنتونس عن الجامعه والحاصل فيها ونحن بنجهز في الصفر بعد خلصنا قلته ليها حطلع انادي اسامه وانت نادي ناس بابا قالت لي تمام طلعت لي اسامه فوق غرفته كانت فاضيه ندهت عليهو ي سجم رد لي من الحمام مالك ي بقره قلته ليه بقره في عينك م عايز تتغدا قال لي جاي ي زوله قولي ليهم اكلو م تستنوني بخلص حمام وبنزل قلته ليه تمام نزلته تحت لقيتهم ملمومين في الصفره ماما قالت لي وين اخوك ي بت مالو م نزل معاك قلته ليها بستحمى قال بخلص وبنزل اكلهه م تنتظرو نطت عمتي حمام شنو مع الغدا ولا م عايز ياكل معانا غايته جنس شي بابا قال ليها كيف م ياكل معاكم هو لاقيكم وين عشان م ياكل معاكم معقوله لكن بكون مسخن وتعبان من الشغل واكيد بخلص حمام وبنزل المهم بدينا نتغدا كلنا وعمتي م ريحتنا من تعليقاتها على الاكل داسمح لكن مسيخ ودا ملحهه كتير ودا م بعرف شنو بابا قال ليها حرام البتسوي سوسو كلهه حلو ياخ وضحك😂 شروق قالت ليهو فعلا ي خالو نفس خالتو سوسن حلو شديد في الأكل وشادي قال ليها اي احلا من أكل ماما قعدنا نضحك عليهه 😂بابا قال ليها وشهد شاهد من أهله 😂 ضحكنا عليها طوالي عمتي حمرت لي شادي خاف منها وسكت قالت لي بابا وسوسو تسوي لمتين م تعلم بتها الشغله ولا عايزاها تقعد خايبه لمتين والله م بعرسوها ليك تقعد معاك هنا طبعا انا عايزه ارد عليها ماما رفعت لي حاجبها اني اسكت طوالي بابا قال ليها لا والله بتي ست البنات بتعرف شغل البيت كويس وكمان اكلها وهو بعاين لي ماما احلا من حق امها وضحك 😂😂ماما بعفويهه ضحكت قالت لي بي اماره الاندومي الهردوك بيها لمن انا سافرته كتر خير اسامهه ولدي الكان بظبخ ليك 😂 طوالي اسامه جاء نازل وهو بضحك وقال ليها سمعته اسمي انا ماما قالت ليهو ولد الحلال بسمع قطيعته باس ماما في رأسها وقال ليها بتقطعو فيني حزينه منكم وجراني من شعري و قال لي كملتي الاكل كله ي بقره 😂 قلته ليهو اسامههه ياخ ضحك وقال لي خلاص خلاص 😂قعدو يضحكو كلهم الا عمتي تعاين لي اسامههه من فوق لتحت وتلوي في خشمها قلته لي ماما اسي في داعي تفضحيني كدا🙄ضحكت علي وقالت لي الحقيقه عاد اكذب بابا قال ليها برضو بتي ست البنات وبكره بعرس ليها سيد الرجال ويعيشها ملكه انا عندي كم بت كمان❤️ عمتي لوت خشمها وقالت ليهو ملكه شنو كمان بكره بجيبوها ليك بي خبيزها ويقعدوها جمبك قال ليها انا م بديها الا للبستاهلا وبعدين البعرسها دا عايز مرا ولا عايز خدامهه انا بتي تأمر وكله يحضر ليها ❤️طبعا اتكيفت من بابا شديد وقعدته اتبسم برأي بابا كمل كلامه وقال ليها اسي خليك من بتي انت نسيتي شمس بتك والشاي المر😂 دي م بعرسوها ليك زاتو والله الا كان تدبسيها في واحد من اولاد عبد الرحمن اخوي 😂😂كلنا قعدنا نضحك عليهه وشمس قالت ليهو حرام عليك ي خالوووو 😩طوالي شادي قال الحمد لله وغسل ايدو وشال التلفون واختفى خلصنا اكل ولمينا الصفره المغرب كان بإذن ماما دخلت المطبخ عملت الشاي وقطعت الكيك أثناء م نحن في المطبخ اسامههه تلفونه رنه وكان ناسيهو في الصفره طبعا اسامههه مرتبط بي واحده قرت معاهو الجامعه اسمها لينهه بت طيبه شديد ومحترمه عرفني عليها من مده نسبهه لي انه بنحكي اي حاجه لي بعض وما اتعودنا نخبي على بعض المهم شلته التلفون لقيته مسجلها بي دوا الروح❤️ ضحكته ومشيت عليه كان بتونس مع بابا وعمتي رفعته ليهو حاجبي وقلته فونك بضرب بي عفويهه قال لي منو عاينته للناس لقيتهم مركزين معانا قلته ليهو عباس صحبك ومديته لي قلته ليهو م تنسى تكلمهه يديني معاهو من الدوا عشان انا محتاجه جدا والله 😹 بابا قال لي داوا شنو أن شاء الله مالك قلته ليهو لالا ي بابا بهظر معاهو ساي طبعا اتختيت في فتيل😹اسامهه حمر لي وشال التلفون استأذن وطلع غرفتهه ماما جابت الشاي قعدنا نشرب ونتونس شويهه كدا ماما قالت لي ي بت امشي شوفي اخوك دا م انتهى لسه الشاي دا برد عليهو طوالي نطت شمس قالت ليها بمشي اشوفو انا ي خالتو وطلعت جري قبل امي م تقول ليها حاجه عاد الخفهه تخليها لمنو عمتي قالت لي بابا انت الولد دا مالو معانا م مبسوط بي جيتنا ولا م عاجباهو القعده معانا كل دقيقه الا ينادوهو بابا قال ليها دا كلام شنو ي منى هو مرهق من الشغل كان كتير الليله واسي التلفون دا حيكون بتاع شغل عشان كدا طول لوت خشمها وقالت ليهو شغل ولاغيرو كله بوضح بعدين بس عايزه اقول ليك اوعك تكون مسكته الولد دا حاجه في الشركه ولا اديتهه منصب لأنه والله ي عماد بابا عاين ليها بقوه وقال ليها منى اولا اسامهه لسه بدري عليهو حكاية المناصب والحاجات دي بعد يتعود على الشغل وممكن نقفل مواضيع الشغل دي لحدي هنا وطوالي وجهه لي كلامه وقال لي اها ي ست البنات فكرتي في لون العربيه ولا لسه قلته ليهو والله ي بابا عايزها سوداء 😍 فترته من ولدك البذلني في عربيتهه دا 😴طوالي عمتي قالت ليهو عربيه شنو للبت من اسي ودا شنو الدلع الزايد دا بت متين هي للعربيه بابا قال ليها منى طالما انا مقتدر وعندي القرش م بحرم بتي من حاجهه مفهوم لو قالت عايزه لبن العصفور انا بجيبو ليها هو انا عندي كم بنت عشان ما ادلعها سكتت مسافهه بعدها قالت ليهو عازراك ي اخوي عندك حق ي حليلك اصلا الله أداك بنت واحده ومرتك عقرت عليها عشان كدا عندك حق تدلعها قدر دا قلنا ليك عرس أملا البيت اولاد ركبتهه راسك طبعا طبعا عمتي كان هدفها من الكلام دا تستفز ماما وتقهرها وفعلا الكلمه نزلت علينا زي الصاقعه وخصوصاً ماما نسبه لأنها تعبت في ولادتي ونزفت لمن استاصلو ليها رحمها💔 وعمتي م بتخلي فرصهه م بتتضايق بيها ماما وبتذكرها وجعها 💔م قدرته استحمل شوفة ماما والدموع الاتجمعت في عيونها بعد الكلام دا طوالي رديت على عمتي وقلته ليها كيف يعني عقرت إذا ربنا ارادتهه كانت كدا هي حتعمل شنو وبعدين انا واسامه كفايه جدا وحامده ربنا علينا وبعدين بابا شكى ليك وقال ليك هو عايز اولاد ي ريت تراعي لكلامك قبل تقولي هو بنزل وين للناس عايزه ترد لي بابا إدارك الموقف وقال لي نور خلاص كله قسمه ونصيب وي منى انا ربنا اداني احلا ولدين وحامده وشاكرو عليهم وعاين لي امي وابتسم وقال لي احسن مرا في الدنيا ووجودها هي غانيني عن أي حاجه تاني كلها وربنا يخليهم لي كلهم ❤️فجأة كدا وأثناء ما نحن بنتناقش سمعنا صوت شمس وهي جايهه جاريهه في السلم بتبكي وملابسها مشرطهه جرينا عليها ونحن مخلوعين عمتي بقت تكورك ي بت في شنو مالك والعمل فيك كدا منو قالت ليها اسامهه حاول يتعدى علي ي امي😭......

#تعافيت- به
#هويدا عبدالله