تعافيت به

تعافيت به ١٣

يوم جديد وصباح جديد صحيت من النوم كالعاده ونفس الروتين الممل عدت خمسه ايام من عرس اسامهه بس من التعب كانه امبارح في فتره الخمسه ايام دي اي زول كان مشغول بي حياته بابا بطلع الشغل من الصباح وم برجع الا المساء وكان باين عليهه الضغط ونادر ما اشوفوا وحتى إذا رجع بدري بدخل مكتبه وبقفلو عليهو اما ماما فكانت بتقضي وقتها ي اما مع جارتها أو مع ناس حبوبهه أو بتحضر في التلفزيون اما انا فكنت م بين تلفونات مع اسامهه وتشغيلاتي ليهو وم بين صحباتي في الواتس وأغلب الوقت بقضيهو نايمه أو بحضر في التلفزيون يوم صحيت حوالي الساعة ستهه مساء وكنت زهجانه شديد كميه الفراغ الحاسهه بيها الفتره دي عامله لي قلق وزهج م طبيعي دخلته واتس قلته للبنات يلا نطلع نغير جو شويهه انا اتخنقته من جو البيت دا وحرفيا البيت من دون اسامهه لايطاق البنات وافقوا ورحبوا بالفكره استاذنته ماما وواقفت جهزته ملابسي لبسته بنطلون جينز ومعاهو تيشيرت بالأبيض وجكت جينز نص كويت شعري ونزلته جزء منه قدام والباقي جدعتوا ورا وانا طالعه صادفته بابا كان جاي البيت وبتكلم بالتلفون وقف واشر لي بي أيدوا نظام طالعه وين قلته ليهو طالعه مع البنات نغير جوا رفع لي أيدو نظام امشي وكمل طريقه استغربته من تصرفو شديد لأنه لو دا بابا الأنا بعرفو كان اداني محاضره في لبسي اول وبعدين سألني ماشه وين وكيف وحتجي متين وفتح معاي تحقيق بس بابا الفتره دي تصرفاتو م عاجباني نهاي طول الوقت بره البيت ي في المكتب وقافله عليهو كل م اسأله من الحاصل بتحجج لي بي ضغوطات الشغل وغياب اسامه، المهم م ركزته كتير بس طلبته ترحال واتحركته اتصلته على البنات عشان يوصفو لي المكان بعد تلت ساعه كدا وصلته المكان الوصفو لي البنات نزلته من العربيه وحاسبته بتاع الترحال دخلته ألمحل كان حلو شديد والجو رهيب وباين عليهو مكان راقي من كميه الناس الموجوده فيهو شويهه شايفه البنات حاجزين لينا طاوله مشيت عليهم وهاك ي سلام واحضان قلته ليهم ي رمم من يوم العرس م بتجو تفقدوني شهد قالت لي ي نونو صراحه اخوك وعرس نجيك تاني لشنو ضربتها قلته ليها شوفي الرمه دي بالله يعني انت بتجي عشان اسامه قالت لي انا حقول ليك كدا كم مره احلف ليك مثلا ي بيبي 😌😂ريم قالت ليها اللخت واضحه وصريحه قلته ليهم بالمناسبه انا جعانه مووت م نفسكم تطلبو لينا حاجه ناكلها شهد قالت لي بس جاريه للأكل دا جيتي متين انت قلته ليها م شغلتك ي زوله ماكله في بطنك اها نطلب شنو ريم قالت بيتزا وشهد قالت سندوتشات بعد شكل وكلام كتير طلبناهم الاتنين أكلنا واتونسنا واتصورنا وم خلينا شمار م فتيناهو فجأه شهد قالت لينا وااااااااي ي نور اتلفتي وراك شوفي المز الجاي علينا داك وبعلي من القوام والسماحهه والشياكهه ولاء كانت قاعده جمب شهد قالت ليها ولا الدقن اللهم ثبات قلته ليهم ي هبلات م تفضحونا م تعاينو للولد كدا عقدتونا ياخ اسي انا أتلفت كيف وانتو بتعاينو ليهو كدا شهد قالت لي امسك دا جاي علينا عديل والله كدي أصلح طرحتي دي قلته ليها بطلي خفه الله يفضحك فجأه اسمع صوت بي وراي بقول لي نور لو م غلطان ؟! رفعته راسي عاينتنه ليهو ملامحه م كانت غريبه علي بقيت بعاين ليهو وكأني بحاول اتذكرو ضحك قال لي نسيتني ي بكايهه قلته ليهو مهند! ؟؟ ضحك قال لي ايوا قمته على حيلي وسلمته عليهو قلته ليهو ي محاسن الصدف ياه كيفك قال لي اجمل صدف والله بخير الحمد لله انت كيفك قلته ليهو تمام والله فجأة شهد بقت تكح نظام نحن هنا وكدا بت فضيحه من يومها قلته ليهو معليش م عرفتك ديل صحباتي شهد وريم وولاء وقلته ليهم دا مهند ي بنات سلم عليهم وقبل علي قال لي بقيتي كيف من اليوم داك قلته ليهو بخير الحمد لله قال لي جيت المطعم عندي اجتماع هنا ولمحتك فقلته اسلم عليك قلته ليهو تسلم ياخ م بتقصر شهد قالت ليهو كأنه في زول بناديك هناك قبل ورا كان في زول باشر ليهو عشان يجي أتلفته لقيتو الحيوان داك  ماف غيرو كان رفع ايدو واشر على الساعه وهو بتكلم مع مهند طبعا من شفتو حسيت نفسي عايزه امشي اكفتو كان لابس قميص ابيض وساعه بالاسود ومعاهو زي ولدين تانين طوالي مهند قال لي عن اذنك ي نور شكلو الاجتماع بدأ ومازن حيتعصب فيني قلته ليهو لالا اخد راحتك وبالنسبه لي صحبك دا طبيعي متعصب اصلا ضحك وقال لي انا م اتذكرتيني بسرعه واتذكرتي مازن قلته ليهو اقول ليك حاجه وم تزعل قال لي قولي قلته ليهو الأشكال الزباله م تتنسي الصراحه 🐸💅ضحك لمن اتشرق قال لي حرام عليك ياخ م للدرجه دي  قلته ليهو النصيحة عاد اكذب عليك ضحك قال لي تمام ي زوله يلا نتلاقى في وقت أوسع أن شاء الله قلته ليهو خير تسلم وقبل على البنات قال ليهم فرصه سعيده ومشى اول م وصل الطاوله حقتهم بدأ التحقيق شهد قالت لي شكيتك على آلله جبتي قطعته الكنافه بالقشطه دي من وين ريم قالت لي ومن متين انت بتعرفي أشكال نضيفه زي دي كمان دي اخر خوتك بتدسي مننا الكيكه دي ولاء قالت لي اعترفي سريع انك خاينه والخيانه تجري في دمك كدا برضو تعرفي ناس زي دي وم تعرفينا نحن حنقطع علاقتنا بيك على فكره شهد قالت ليها إي اي بقت كعبه وبتجيبها وارمه قعدته اضحك عليهم قلته ليهم يلا انتو كلكم رمم لو عارفين ي بنات والله م بعرفو دا مهند صاحب الولد اللي كان عملته معاهو الحادث والاشر ليهو داك مازن الولد المفتري الحكيت ليكم عنه شهد قالت لي يفتري بي راحته ي يمهه الزي دا م يفتري ليهه شوفي الولد دا تقول شارد من الجنه حادث السرور البخليك تعرفي أشكال زي دي اريتو حادثي ي يمهه قلته ليها يلا كدا كتير ي اختي  بدل تقولي لي ارح ننتقم منه على تصرفه معاك اخس عليكك م كان العشره و بالله بطلو فضايح وخلونا نطلع البيت بي احترام لأنه الزمن اتأخر وحيعلمو لينا موضوع شهد قالت لي واااي نطلع كيف قبل الحلويات دي تطلع دا حتى يبقى حرام والله عاينني الاولاد ديل سمحين كيف
ريم قالت ليها يشهد الله الولد اسمح مني وكانو بعاينو لي مازن قلته ليهم الله يفضحكم ياخ م تبطلو تفاهه وبعدين تنبرشو في الكريهه دا كيف شهد قالت لي انت العرفك بالسماحه شنو اتلهي قلته ليهم كدا كتير على فكره انا ماشه الحمام اغسل ايدي وتجو تطلعو قدامي بي ادب تافهات ديل قمته خليتهم دخلته الحمام غسلته وجيت طالعه شلته منديل وبجفف في أيدي ومدنقره تحت فجأه خبطت في زول قلته ليهو معليش م قاصده رفعته راسي لقيته المتوحش داك كان شايل كاسهه بتاعت عصير منقه وانا لمن خبطته اتكشحت فيهو بقى يعاين لي وعيونو مليانه غضب وقال لي بنفاذ صبر انت ي بت م بتشوفي عيونك دي مركباها زينهه بتطلعي لي من وين انت ياخ وهو بحاول يمسح العصير من على قميصهه قلته ليهو م مشكلتي انك بتجي في وشي وبعدين انا اعتذرته منك وقلته ليك م كنت شايفاك أظن كفايه جدا قال لي م بتعرفي تمشي براحه وتعايني قدامك م شايفه نفسك عملتي شنو في القميص يعني انا استفيد شنو من معليش بتاعتك دي قلته ليهو فالنفترض انا م بشوف انت كمان عميت م تعاين قدامك ولا فاكر المحل دا بتاعك البنات جو علي ومهند جاء علينا قال ليهو مازن خلاص ياخ بسيطه ومعليش ي نور ي جماعه نحن في مكان عام روقوا قلته لي مهند انا م شفتوا واعتذرته منو اعمل ليهو شنو وبعدين يقول لي م بتشوفي فاكر نفسه منو مازن عاين لي من فوق لتحت بي كل برود واستفزاز نده لبتاع المحل وقال ليهو بالله عليك أشكال زي دي تاني م تدخل المحل دا والا يبقى عندي معاك تصرف تاني بتاع المحل قال ليهو بعتذر مستر مازن م تزعل نفسك وقبل على قال لي لو سمحتي ي انسه دا مكان محترم ممكن تتفضلي برا قلته ليهو حيلك حيلك اشكالك أنت الي م بتعرف تتعامل مع الناس مفروض م تطلع مكان وبعدين انت قايل نفسك منو فوق لي نفسك لو فاكر إنك صاحب سلطه وسياده فأحب اقول ليك اني م أقل منك في حاجه ي استاذ ي محترم انا نور عماد الحسيني صاحب أكبر شركات الاستيراد والتصدير في السوق وبالمناسبة التصرف الرخيص دا بشبهك اصلا وانا غلطانه لاني اعتذرته ليك وشلته باقي العصير ألفي الكبايه وشو كشحتو ليهو في ملابسه تاني وقلته لي صحباتي يلا طلعته وخليتو منفعل ووشو جايب ألوان صحباتي قالوا لي وااي خساره السماحه طلع انسان سخيف شديد قلته ليهم وريتكم مغرور و شايف نفسه على شنو م بعرف عكر مزاجي يعكر مزاجهه شهد قالت لي ولا تزعلي نفسك دا واحد متخلف بس قلته ليهم اي وصلته البيت والبنات طلعو بيوتهم لقيت ماما قالت لي مالك اتاخرتي كدا قلته ليها ماف شي بس زحمه قالت لي ابوك سأل منك واسامه اتصل قال حيجو بعد بكرا قلته ليها طيب دخلته غرفتي وانا زهجانه وعايزه اطق من الزعل بغير في ملابسي وبنبز في الحيوان دا فاكر نفسه حيشتري الناس عشان زول عندو سلطه ونفوذ  غيرته ملابسي ورقدته في سريري وانا بدعي فيهو....

انا مازن النصري بت زي دي تبهدلني قدام الناس واقسم بالله لو لميت فيها م ح اخلي يوم في حياتها يعدي على خير أنا ماف زول لحدي الان اتجرا يرفع صوته علي تجي بت زي دي ترمي فيني العصير وفي مطعمي بس لو ما انت مسكتني انا كنت .... قاطعوا
مهند وقال ليهو اهدا ي صحبي وروق شويهه وبعدين والله ي مازن لو جينا للحق دا م اسلوب ولا تصرف ليك من متين وانت ي صحبي بتتعامل مع البنات بي اسلوب زي دا قلته ليهو مهند بالله م تصرعني وتصدع بي اكتر م انا مصدع ياه شيل لي الحكايه دي من بالك الشافعه دي لسانها طويل وعايز قص فوق م انها غلطانه بتتلائم وانا م ناقص حركات بنات وبعدين استفزتني قال لي والله ي مازن حركتك انت الكانت غلط البت م عملت ليك حاجه وهي قاصده وبعدين اعتذرت منك بس تصرفك في حد زاتوا كان متهور وم صح كيف يعني تنادي صاحب المحل يطردها من متين وانت بتعمل حاجات زي دي قلته ليهو مهند عليك الله فكنا من السيره دي انا مصدع قلته ليك والفيني مكفيني وبعدين هي الجبرتني اتصرف معاها كدا المهم اسي وصلني المكتب عندي أوراق عايز اشيلها وامشي ارتاح شويهه لأنه الطياره الساعه واحده قال لي يعني مصر انك ترجع الليله ممكن تأجل السفر شويهه انت جيت أمس وعايز ترجع طوالي قلته ليهو ماف طريقه مبقدر اخلي امي وتالين براهم وانت عارف إياد م زول يتكلو عليهه ابدا وغير وضع ابوي الصحي والشركهه ومشاكلها انسى انا م عندي وقت زاتو عشان اقعد ارتاح زاتو مهند قال لي والله ي صحبي امورك جايطه شديد غايته ربنا يكون في عونك اسي عمي الدكتور قال ليهو شنو قلته ليهو والله ي مهند الدكتور م طمني ابدا ووضع ابوي ماشي من سئ لي أسوأ مع انه الدكاتره م قصروا معاهو نهاي 💔 مهند قال ليهو معليش ي صحبي امتحانات من الله وعايزه صبر رد عليهو ونعم بالله 💔....

#تعافيت - به
#هويدا عبدالله