تعافيت به

تعافيت به ١٨

مرت الايام وحال الشركه ماشي من سئ لأسوأ شايف ابوي بصارع وبقاوم في الخساير أكبر خساره كانت خساره صفقة شركات النصري الكنا متأملين فيها واتلغت في الدقايق الاخيره بدون سبب مقنع حتى اني حاولته اتواصل أوصل لي مازن النصري بس بدون فايده 💔كانت الأمل والحل الوحيد القادر ينقذ الشركهه من الانهيار وزي م سمعته عن مازن النصري انهه زول جادي شديد في شغلهه وم بلغي مواعيدو مهما كانت الظروف بس م عارف الحصل شنو والسبب الخلاهو يلغي الصفقه عم معاويه قال لي ي ولدي م تشيل هم كله بتصلح اسي البركه في الفرع حقك هو الشايل الشركهه بعد المصايب الفيها دي قلته ليهو ولو ي عم معاويه انت لازم تعرف لي السبب الخلى مازن يغيب قطع كلامنا صوت الباب ودخل علينا ياسر قلته ليهو اها بشر قال لي والله ي اسامهه ماف شي يبشر ابدا ماف زول راضي يتعامل معانا في الوقت الحالي نسبه لأنه اسهمنا في السوق في تراجع عم معاويه قال لي انا عايز اعرف ليهه فجأه الحاجات دي مع بعض لو الوضع استمر كدا الشركهه حتعلن إفلاسها للاسف ياسر قال لي دا المحتمل ي اسامهه اسي الحل شنو قلته ليهم والله ي جماعه م عارف بس لازم الكلام دا يفضل سر وم تجيبو سيرته قدام ابوي ابدا عشان وضعوا الصحي الفتره دي م بتحمل خلوني ادرس الموضوع تاني ونشوف البحصل شنو عم معاوية قال لي خير ي ولدي ....

انا م متخيله انك قدرته تعمل كدا ياخ واخيرا اللعب بقى يعجب طلعته م هين ي ولد معاويه ضحك وقال لي شمس انا بعمل اي حاجه عشانك وانت عارفهه مش قلته ليك اصبري وحتشوفي  قلته ليهو بس عايزه اعرف انت وصلته الشركهه للحاله السيئه دي كيف ومش انت وعدتني انه تعمل مشاكل بين خالو واسامه بس انا م شايفه اي جديد في الموضوع دا غير مرض خالو الكتير وقعادو في البيت وانا اصلا عارفه انه خالو بحب الشركه دي وهي كل حياته مسكين زعلانه عليهو والله 😂قال لي حيلك حيلك علي بس ح افهمك واحده واحده قلته ليهو اهااا قول احكي م قادره اصبر قال لي ي ستي انت اول م جيتي وحكيتي لي انه عايزه تنتقمي من اسامهه وتدمري حياته انا طوالي بديت ابحث عن ثغرات ونقاط ضعف اول ثغره استغليتها عدم وجود اسامهه وخالك في الشركه  ايام زواج اسامهه ومكانه ابوي في الشركه واني بقدر ادخل واطلع بدون زول يشك فيني، دخلته مكتب خالك وفتشته فيهو ولقيت ملفات كتيره وبالصدفه لقيت ملف الشركه المفروض كان يعملوا معاها العقد الأول واتخيلي من حسن حظنا الشركه دي تابعه لي واحد صحبي ونسبه لأنه خالك كان خاتي امال كبيره على الصفقه دي فخته فيها نص أموالو وطموحاته وانا كان من الساهل جدا انه اقنع صحبي م يتعامل معاهم خساره الصفقه دي كانت ضربهه جامده لشركات الحسيني والسيوله بتاعتهم بقت في خطر بس طبعا كلنا عارفين شركات الحسيني قويهه وكانت محتاجه كم ضربهه من نوع ديل تاني حتى تقع متذكره لما جيتك  واديتك الملف بتاع الفرع اللي خالك كاتبهه بي اسم اسامهه قلته ليهو اي وم استفدنا منو شي غير ردح امي 🙄قال لي عشان انت غبيهه قلته ليهو قصدك قال لي الملف دا كان فيهو أوراق تانيه بس انت م انتبهتي ليها قلته ليهو أوراق شنو طلع لي الملف وقال لي شوفي بي عينك فتحته الملف كان فيهو عقد صفقه مع شركهه الحسيني فرع الخليج قلته ليهو م فاهمه حاجه انا ضحك وقال لي دي نفس الشركه أللغت الصفقه مع شركات الحسيني فرع السودان و مشت اتعاقدت مع شركهه الحسيني فرع الخليج رفعته راسي عاينته ليهو بي عدم فهم ضحك وقال لي يعني ي ستي شمس بما انه اسامهه ماسك فرع الخليج وبالمعنى الاوضح حقهه عديل انا اقنعته صحبي يتعاقد معاهو واستغليت نقطه انه اسامه كان بعيد عن الصفقه الكانت حتتم مع الشركه دي وم عارف عنها حاجه وبي كدا هو الربح الصفقه واستلم عقد العمل بتاعها ودا السبب في انه فرع الخليج حاليا واقف على رجولو وأهم مافي الموضوع انه انا خليتهم يتلاقو في مكان بره الشركه ويوقعوا العقد وصورته الحصل كله وطلع صور واداني ليها كانت لي اسامهه ومعاهو صحاب الشركه التانيه وهم بوقعوا في العقد قلته ليهو اقسم بالله ي أحمد انت داهيهه عديل م افتكرتك تطلع خبره كدا قال لي دا كله عشانك بس وعشان رضاك ولسهه عندي ليك حاجه تانيه قلته ليهو قول قول فرحني قال لي متذكره لما قلته ليك اتصلي على اسامهه يوم حنته وقولي ليهو تعال الشركه ضروري عشان يوقع على أوراق مهمه قلته ليهو اي متذكره وانت قلته لي خليهو يوقع بس وبعدين بفهمك قال لي بس ي ستي انا استغليت ثقره التوقيع وفي نص الاوراق ختيت ليهو أوراق لتحويل المبالغ الاتسحبت من الشركه وم عرفوا مشت وين  وحولتها لي حسابه الخاص في الخليج ومن غير علمهه حتى وبكدا يكون اسامهه هو المسؤول عن اختفاء الأموال بتاعت الشركهه  وانا قدرته انتقم منو لأنه شغفي في الانتقام من اسامهه كان عندي من زمان انت م سالتي نفسك انا ساعدتك ليه قلته ليهو بالجد متذكره يوم عرسي الاتلغى مع اسامهه وانا قررته انتقم منو واندموا على العملو فيني هو وخالي وتاني يوم طلعته الشركه وكنت عايزه افتش في ملفات عم معاويه لأنه أقرب زول لاسامهه وخالي واسرارهم كلها معاهو قال لي وانا لقيتك بالصدفه بتفتشي وانت خفتي مني واتوترتي بعدها طمنتك وقلته ليك انا معاك قالت ليهو وطلعنا الكافتريا واتناقشنا وعرفنا انه أفكارنا متشابهه وعملنا خطتنا وبدينا في التنفيذ بس ي أحمد للان م عرفت السبب الانت عايز تدمر اسامهه عشانه قال ليها اسامهه اسامهه اسامهه أكبر سبب يخليني اكرهو انه اسامهه قلته ليهو م فهمته قال لي من وانا صغير ابوي بختني في مقارنات مع اسامهه في المدرسه والثانوي والجامعه طول الوقت م كان بشوف غير اسامهه اما انا فكنت الإنسان فاشل في نظروا ودايما بقول لي ابقى زي اسامهه أقتدي بي اسامهه شوف اسامه عمل فكان لازم اثبت ليهو انه اسامهه زاتوا بغلط وم معصوم ودا السبب الرئيسي لأنه أشارك في خطتك قلته ليهو المووووهم احمممممد ياخ انا بحبك اقسم بالله م مصدقهه انت عملته دا كلهه وااي بس ، قال لي وانا عشانك بعمل اكتر من كدا انت عارفه اني ختيت مستقبلي ومستقبل ابوي كله في خطر عشانك وعشان ارضيك اظن كدا انتقامك انتهى عايزاني أجي لي ابوك البيت متين قلته ليهو لا لسهه انتقامي م انتهى انا لسه م شفتهه اسامهه وهو مذلول بنفس الطريقه الأنا اتزليت بيها قدام العيله كلها انتقامي م ح ينتهي إلا اكسرو وأوجع قلبه زي م وجع قلبي قال لي انا غايته عملته العلي كلهه ودي الادله والاثباتات في ايدك شوفي حتعملي شنو بس وي ريت تعملي بسرعه وعاين لي بي نظره تحذيريه وقال لي واوعك تفكري تخونيني أو تخدعيني لأنه انا قادر اعمل فيك أسوأ من العملتو في اسامهه قلته ليهو أحمد اخونك كيف يعني انت عارف اني بديت احبك واتعلق بيك واكيد م ح اكسر الوعد الوعدتو ليك بس خليني اكمل انتقامي اول وبعدين نتزوج ابتسم ومسك ايدي وقال لي أن شاء الله ..