تعافيت به

تعافيت به ٣

عمتي قالت ليها ي بت في شنو منو العمل فيك كدا قالت ليها اسامهه حاول يتعدى علي ي امي وحضنتها وهي بتبكي .. طبعا نحن زي الصبت فينا مطره ماما قالت ليها اسامهه ولدي كيف يعني حاول يتعدا عليك جنيتي انت ولا شنو انا قلته ليها مستحيل اسامهه يعمل كدا ولاشنو ابوي قال ليها لالا الموضوع فيهو سوء تفاهم اكيد شمس ي بتي الحصل شنو بالضبط كدي احكي لي طوالي عمتي علت صوتها وبقت تردح وقالت لينا كيف يعني سوء تفاهم شنو انتو م شايفين حالة بتي عامله كيف يعني بتي بتتبلى عليهو ولاشنو شوفته ي عماد دا الانا كنت خايفه منو في نص بيتك وقدامك بقل ادبهه ويحاول يتعدا على بنات الناس طيب من وراك بعمل شنو بابا قال ليها ي منى بصوت حاسم  اهدي وخلي اسامهه ينزل ونشوف الحصل شنو بالضبط بس اكيد في حاجه غلط و بقى ينادي في اسامهه بصوت عالي ي زفت ي اسامهه انزل تحت سريع عمتي قالت ليه غلط شنو وتشوف شنو اكتر من كدا م انت شايف كل شي قدامك ولا بتي كذابه اسي دي حالة بت بتكذب شوف دموعها دي ولا ملابسها اسي دي حاله زول بكذب كلنا كنا تحت تقدر تقول لي في منو غيرها هي والزفت دا فوق لو قايلني حاسكت ي عماد والله م اسكت والليله ح اسيح وخليها تطير فيها رقاب عديل بابا نادى اسامهه تاني وطلع السلم عشان يجيبو اسامهه جاء نازل بابا مسكو من ايدو وقال ليهو الحصل شنو ي اسامهه اتكلم قول انت العملته كدا في بت عمتك رد علي عملته لي شمس شنو بس اسامه كان ساكت بابا بقى يكورك فيهو وقال ليهو بتكلم معاك جاوبني افتح خشمك دا عمتي قالت ليه يقول ليك شنو يعني م كل شي واضح قدامك لو كان عندو كلام يقولو كان قالهه ليك طوالي اسامهه قال لي بابا اي انا العملته كدا..... طبعا من الصدمه كلنا بقينا فاتحين خشومنا ومخلوعين بابا عاين لي اسامه بي عصبيهه وعيونو اتقلبت شرار من الزعل وطوالي ضربهه كف لمن الدم طار من خشمهه ولزاهو قال لي وكمان بتقولها في وشي وم بتخجل مني دي اخر ربايتي فيك ي كلب ي حيوان وبقى يضرب في اسامهه كفوف متواصله ماما زحت بابا ووقفت قدام اسامهه و قالت لي دقيقه ي عماد ولدي م بعمل كدا فاهم اوعك تضربهه خليني انا افهم منو الحصل شنو انا امو وبعرفو م بعمل حاجه زي دي طوالي انا قلته ليهو اي ي بابا اسامهه آخر زول يعمل كدا انا بعرفو كويس اكيد في حاجه غلط او شمس فهمت الموضوع غلط نطت عمتي وقالت لينا غلط شنو كمان اعترف ليكم بي خشمهه وتقولو غلط انا ميهه مره حزرتكم من الولد دا وانت ي عماد م سمعته كلامي إذا في بتي انا عمل كدا وقدام عيونك قالا وم خجل ي ربي في بتك انت حيكون بعمل شنو بابا قال ليها بنهره منى قالت ليهو م اسمي منى شنو ي عماد فوق واصحى من الانت فيهو دا وشوف البحصل قدامك  انا قلته ليها قصدك شنو يعني انا م بسمح ليك تقولي ي عمتو بالجد كدا عيب عليك بابا نهرني بصوت عالي وقال لي نور قفلي خشمك دا قلته ليهو بابا انت م سامع اختك بتقول في شنو قال لي نور انا قلته هسس ولاكلمهه لما الكبار يتكلمهه انت تقفلي خشمك وتسمعي بس طبعا بابا كان زعلان شديد والشرار بتطاير من عيونو سكته خليتهه وقبلنا انا وماما على اسامهه بنحاول نعرف منه حاجه ماما قالت ليهو اسامه انا متأكده انك م عملته كدا ي ولدي الحصل شنو عاين لي في وشي وقول انت عملته كدا اتكلم قول اي حاجه انا واثقه فيك وريني حصل شنو بس اسامهه كان مصر على السكوت رغم ماماليهو ومدنقر راسه وم نطق بي كلمه اما شمس فلسه حاضنهه امها وبتبكي وشروق وشادي واقفين بس وساكتين اما شيرين فكانت بتعاين لي شمس  بي طريقه غريبه م فهمتها ابدا بس وساكتهه اما بالنسبه لي عمتي قالت لي بابا شفتهه آخر عدم سمعك لي كلامي اها وقع ليك كلامي انا م قلته ليك الولد دا م منو رجاء قال ليها منى دا م وقت الكلام دا قالت لي وقتهه قال ليها كدي اهدي خلينا نشوف حل للموضوع دا قالت ليهو حل شنو عايزيني اهدا وانا شايفه بتي بالحاله دي وفي بيت اخوي شوف ي عماد لو قايل انه انا حسكت على الكلام دا فدا مستحيل ومش ولدك العاجبك دا انا حارفع عليهه قضيهه وارمي ليك في السجن بابا قال ليها ي منى ماف داعي للكلام دا انا عارف انه الحصل قاسي عليك وعلينا كلنا بس في النهايه نحن أهل قالت لي أهل منو ي عماد الولد دا بقربك انت م بقربني انا في شي رديت ليها انا طوالي قلته ليها كيف يعني م بقربك في شي مش انت عمتهه ودا ولد اخوك عايزه ترد على بابا طوالي قاطعها وقال لي نور انا قلته شنو عمتي قالت لي شوف ي عماد انا اسي سايقه بناتي وماشهه لكن اوعك تتخيل انه الموضوع دا انتهى هنا وانا بتي م بسكت على حقها وطوالي ساقت بناتها وطلعو وخلونا ضحية الصدمهه ماما قعدت في الكرسي وبقت تستغفر وبابا ضغط على جنبات راسهه بايدو على إثر الصداع  والزعل والغضب بقينا انا واسامهه واقفين وانا محتاره من اسامهه شديد بس كنت واثقه انهه م حيعمل كدا لاني عارفه اخوي شنو مسكتهه من ايدو وقلته لي اسامهه الله يرضى عليك م تقيف كدا وريني الحصل بالضبط انا عارفه انك مستحيل تعمل حاجه زي دي او تفكر فيها مجرد تفكير عشاني احكي لي  ماما جات عليه بي نظرات كلها حنيه وعيونها مليانه دموع وقالت ليهو ي ولدي حرقت قلبي مالك قول اي حاجه بس اسامهه م نطق شي بابا قال ليها عايزه يقول ليك شنو يعني أنه انا م عرفته اربيهو ولا يقول ليك انه اعتدى على بت اختي وقدام عيوني يقول ليك شنو يعني ماما قالت ليهو عماد انا ولدي م بعملا قلته ليك قال ليها م بعمل شنو م هو دا بي خشمهه نطق وقال انا عملته كدا وبدون خجل كمان عايزه يعترف ليك اكتر من كدا كيف ولدك ي مدام الظاهر انه انا بالجد م عرفته اربيهو لكن حاعرف اربيك انا ي كلب ي حيوان اخس عليك دا م كان عشمي فيك وشوف من هنا لحدي الموضوع دا ينتهي م عايز اشوفك قدامي نهاي ولا عايزك تجي تقول لي ابوي م توريني خلقتك دي ابد فاهم كلامي دا ولا لا ويلا طير من قدامي قبل ارتكب فيك جريمهه اخس عليك اخس ودخل غرفتهه اما ماما عاينت لي اسامهه وقالت ليهو م تزعل من ابوك ي ولدي انت عارفو بريدك قدر شنو كلها ايام ويروق اسي اطلع فوق ولحدي الصباح يحلها الحلال ودخلت ورا بابا اما اسامهه فطلع غرفتهه وقفلها عليهه في نص دا كله انا كنت عارفه ومتاكده انهه اسامهه مستحيل يعمل حاجه زي دي مع اي بنت خلي شمس اللي هي في مقام اختهه بس كنت بفكر في سبب سكوت اسامهه واتهام شمس ليهو دخلته غرفتي حسيت بي صداع شديد اخدتهه لي حبوب وحاولت انوم بس م قدرته الساعه كانت ماشهه على ١ صباحا حسيت نفسي عطشانهه وانا اصلا مخنوقه فنزلته المطبخ تحت شربته مويهه وأثناء م انا راجعه انتبهت انه باب الشارع فاتح طبعا خوفته شديد وقلته خلاص دا حرامي جانا مشيت باتجاه الباب بي خطوات بطيئه وعاينته برا براحهه شفته زول قاعد في الطوطحانيه ألفي الجنينهه بس م واضح دا منو قربته منو شويهه عرفته انه دا اسامه  مشيت عليهو من سكات وقعدته جمبو عاين لي وهو ساكت بس م قال اي حاجه وكان واضح جدا قدر شنو هو متضايق ختيت راسي في كتفهه ومسكته ايدو في أيدي وفضلنا ساكتين مسافه طويله بعد مسافه قلت ليهو انا عارفه انك م عملته حاجه وعارفه كمان انك برئ تماما من التهمه دي انا م عارفه شنو الحصل ولا عارفه سبب سكوتك شنو بالضبط بس متأكده اخوي م بعمل كدا ابدا وم تخاف انا معاك وكله حيتحل وضغطته على ايدو فضل ساكت مسافهه بعدها قال لي انت عارفه ي نور انا م زعلان عشان ابوي ضربني قدر م زعلان انه كنت السبب في زعله وأول مره اشوفه متضايق كدا واسمع منه نبره غصب انا زعلان عشان نزلته من عينهه وندمته على ربايتي قلت ليهو انت عارف ي اسامه  بابا م بزعل منك وانا متأكده انه من جواهو عارف انك مستحيل تعمل حاجه زي دي بس المشكله انك فضلته السكوت على المواجهه لو كنت اتكلمته م كان حصل دا كلهه سكت قال لي لا ي نور انا لو كنت قلته اي حاجه كان حيحصل أبشع من الحصل دا بمراحل قلته ليهو كيف يعني قال لي م حقدر اقول ليك اكتر من كدا قلته ليهو يعني انت م عملته كدا صاح سكت وقال لي يلا ي نور الزمن اتأخر والجو برد خلينا ندخل جوا وننوم عرفتهه انه م عايزني اعرف حاجه عن الموضوع نسبه لأنه اسامه اخوي حساس جدا في المواضيع البتتعلق بي بابا وخصوصا انه دي المره الأولى في حياته بابا يرفع ايدو على اسامه ويقسى عليهه بالشكل دا فما حبيت أزيد عليهو وقلته ليهو خلاص ارح دخلنا جوا واي زول مشى على غرفتهه بس انا متأكده انه ماف زول فينا عينهه غمضت في الليله دي، وفي جانب تاني عمتي وصلت بيتها معاها بناتها وشادي الكان ساكت ومتوتر في نفس الوقت واي زول  فيهم دخل غرفتهه عمتي اتصلت على اعمامي كلهم وجدو وحبوبهه وحكت ليهم القصهه كلها ومعاها دموع طبعا القصهه النحن عارفين انها حتكون وصلتهم بي ياتو طريقه اما في غرفة شمس فكانت قاعده في سريرها وماسكه التلفون  وكانه حاجهه م حصلت جات داخله عليها شيرين و ربعت ايديها وقالت ليها ممكن اعرف لي عملتي الدراما الرخيصهه دي قالت ليها ياتو دراما قالت ليها م تستهبلي انا عارفه انه اسامه م عمل ليك حاجه ودي مجرد تمثيله منك صح ولا انا غلطانه شمس عاينت ليها من فوق لتحت وقالت ليها المخليك تقولي شنو كدا شرين جات مسكتها من ايدها وقالت ليها ي بت انت هبله ولا بتتهابلي انا بعرفك اكتر من اي زول وحركاتك دي بتمشي مع اي زول الا انا مفهوم قالت ليها والله ياخ م عارفه انت بتتكلمي عن شنو بالضبط شرين قالت ليها معقوله الصباح حتموتي عشان تخليهو يتكلم معاك المساء يكون عايز يتحرش بيك قالت ليها شرين بالله زحي من وشي وم تصرعيني قالت ليها شمس احسن تنطقي بالزوق والا م عارفه ممكن اعمل فيك شنو اسامهه م عمل ليك حاجه صاح قبلت عليها وابتسمت ابتسامه خبيثه وقالت ليها اااي اسامه م قرب مني ولا حاول يعمل لي حاجه اصلا..........

#تعافيت - به
#هويدا عبدالله