تعافيت به

تعافيت به ٥

فجأه بابا رفع رأسه وقال ولدي بكره حيعقد على شمس ودا آخر كلام عندي....
طبعا كلنا بقينا مصدومين وخصوصا اسامهه ماما قالت ليهو عماد انت بتقول في شنو جنيت خلاص كيف يعني يعرسها بابا قال ليها السمعتي جدو قال ليهو لكن ي عماد احتمال الولد م عايزهه والحاجات دي م بتتحلا كدا عمتي قالت ليهو ليهه م يعوزها ي ابوي بتي الناقصهه شنو بعدين لو م عايزا الخلاهو يقرب منها شنو حبوبهه قالت ليها ي منى ي بتي اي حاجه في الدنيا دي بالغصب الا العرس دا لازم يكون بالتراضي لأنه ربنا قال كدا خالد راجل عمتي قال ليها انا ابو البت وموافق وعماد وابو الولد وهو الادى القرار عمي عبدالرحمن قال ليهو انا شايف انه قرار صحيح وبحل مشاكل كتيره طوالي انا قلته ليهم بعد اذنكم يعني لكن انتو سالتهه اسامهه من رايهه في زول فيكم حاول يشوف هو عايز شنو بابا قال لي نور ميه مره قلته ليك م تتدخلي في كلام الكبار قلته ليهو معليش ي بابا بس انا م صغيره انت لمره حاول اسأل اسامهه حبوبهه قالت ليهو ي ولدي البنيه كلامها صح انت داير تعرس لي ولد طول وشنبات بي كيفك دا كلام دا بابا قال ليها انا ابوهو والمسؤول عنه وحيعرس شمس والموضوع دا انتهى وماف زول يناقشني وي منى انت امشي جهزي حالك وحاجاتك نحن بكره بنجي نعقد اسامهه قال ليهو ي ابوي لكن بابا قال ليهو م عايز كلام انا والموضوع دا اتحسم اسامهه قام على حيلو وملامح الزعل في وشو وطوالي طلع فوق حبوبه وجدو بنادو فيهو بس م رد عليهم بابا قال ليهو خلي يتحمل نتايج أفعاله ماما قالت ليهو عماد م كدا لكن ولدي لو م عايز البنت م بتقدر تجبروا عليها عمتي قالت ليها هو انت قايله ولدك دا شنو انا البتي م بتستاهله وحظها السجم هو الخلاها تقع في ولد زي دا جدو قال ليها خلاص ي اولاد يعني انتو  كدا اتفقتو يبقى ماف كلام تاني ونقول مبروك والله يبعد الفتن ويتم على خير ونستاذن نحن بعد كدا نشوف اشغالنا بي وين بابا قال ليهو لالا ي ابوي تستاذن شنو اقعدو اتغدو معانا ماما قالت ليهو اي ي عمي اقعدو انتظرو الغدا جدو قال ليها ماف طريقه والله ي بتي مره تانيه أن شاء الله ونخليكم انتو تشوفو حالكم لي يوم بكره لو الله حيانا عمتي قالت ليهو اي نمشي نجهز لبكره ولو انه الزمن ضيق شديد بابا قال ليها العقد يكون بسيط وجهزي للعرس زي م عايزه وبعدها طلعو خلونا انا وماما وبابا ماما جات على بابا وقالت ليهو انت جنيت داير تعرس للولد بي كيفك سألته من رايهه شوفته احساسه بابا قال ليها يعني انت شايفه في حل احسن من كدا وخلاص الموضوع دا اتحسم وم عايز اتناقش فيهو رديت عليه انا وقلته ليهو بابا الله يرضى عليك اسامهه م عايز شمس ولا حيقدر يعيش معاها مبسوط بابا قال لي ولمن عمل العمله م كان شايف عواقبها قلته ليهه انت متأكد انه عمل كدا هو م فتح خشمهه بي كلمه لحدي الان لا نكر ولا برر قال لي معناها عشان عارف نفسه غلطان ولو م كدا كان دافع عن نفسه ولا انت شايفه انه بت عمتك كذابهه قلته ليهو اي ودي الحقيقه اصلا شمس دي أكبر واحده كذابه في الدنيا وهي الدايما بتتلصق في اسامهه وفارضهه نفسها عليهو واصلا نحن م عارفين الحقيقه شنو قال لي نور بنهره كدا احترمي نفسك وم تنسى انه دي بت اختي وفي مقام اختك م عيب عليك تقولي فيها كلام زي دا قلته ليهو واسامهه اخوي لحمي ودمي إذا كان دي بت اختك ووجعتك انا اخوي م يوجعني كيف قال لي اخوك غلط ويتحمل نتيجه غلطهه وم عايز نقهه كتيره انا كلامي قلته ودا قراري والقلته هو الحيمشي أثناء م نحن بنتكلم اسامهه جاء نازل قال لي بابا بس قرارك غلط ي حاج وانا م عايز شمس وم حاتزوجها بابا قال ليهو انت ليك عين تتكلم مش انت العملته بي ايدك استحمل اسامهه جاء على بابا بنظرات كلها رجاء وقال ليهو انا عارف اني غلطته ي ابوي وعرفته غلطي وندمته عليهو واعتذرت منك ومن عمتي ومستعد اعتذر من شمس وعمتي يومي لمن يسامحوني بس من غير زواج ي ابوي انا م بقدر اتزوج شمس لاني قاطع وعد لبنت ناس تانيه م بقدر اكسر بي وعدي ليها بابا قال ليهو وانت فاكر انه عمتك وراجلا حيسكتو ويلمو الموضوع والله يجدعوك في السجن زي الكلب وم يسالهه عنك منى اختي وانا بعرفها ومدام انت قاطع وعد وفي بنت ناس تانيه في حياتك بتحاول تعتدى على شمس ليه دي نهايه الرجاله الأنا علمتها ليك شوف ي اسامهه واسمع كلامي واتلفت علينا انا وامي انتو كمان اسمعو كلامي دا كويس العرس دا حيتم يعني حيتم وم عايز زول يناقشني في الموضوع دا مفهوم اسامهه قال ليهو ابوي اسمعني بابا قال ليهو ولا كلمه العندي قلته اسامهه قال ليهو وانا م حاتزوج شمس ي ابوي وكانت المره الأولى اليرفع فيها اسامهه صوتهه على بابا ويعارض ليهو قرار بابا أتلفت عليهو وعاين ليهو بنظرات حاده وكلها غضب قال ليهو يعني بتعصي اوامري ي ولد اسامهه قال ليهو انت ي ابوي الما عايز تفهمني م عايز تديني فرصهه اشرح ليك صدقني السجن أهون علي من أنه اخلف بي وعدي انا قلته ليك قاطع وعد لبنت ناس وم بتخلا عنهاا عشان انت ترضي غرور اختك وبنتها في اللحظه ديك بابا رفع ايدو وضرب اسامهه كف للمره التانيه انا وماما بقينا مخلوعين وبابا عيونو قلبت دم من الزعل اسامه رفع رأسه وواصل في كلامه و قال ليهو لو قطعتني حته ي ابوي انا م حاتزوج شمس بابا قال ليهو وانت كمان اسمعني كويس ي تتزوج شمس ي م عندك قعده في البيت دا وتنسى انه عندك أهل وعيله وعندك حريه الاختيار ونشوف ي انت ي انا ي اسامهه ودخل المكتب بتاعهه اما اسامهه فكانت ملامحه بتوحي بالزعل والغضب في نفس الوقت شات التطربيزه القدامهه بي رجلهه وشال مفتاح عربيتهه وطلع بقينا انا وماما واقفين وماما دموعها م عايزه تقيف قلته ليها ماما اهدي الله يرضى عليك قالت لي نحن الحصل علينا شنو والمصايب دي جاتنا من وين وابوك بعمل في غلط كبير وبدمر في مستقبل ولدو بي ايدو عناد ابوك وقسوتهه على اسامهه من باب خوفو عليهو لأنه عارف اخوانهه كويس م حيريحو لي ولدي بس اسامهه م حيفهم دا ابدا قلته ليها لكن ي ماما اسامهه م عندو ذنب يتزوج واحده م عايزها وكيف بابا يجبرو على حاجه زي دي وكمان يقول ليهو تطلع من البيت انا اول مره اشوف بابا قاسي للدرجه دي قالت لي انت زاتك م حتفهمي حاجه انا راسي واجعني عايزه امشي ارتاح وانت اتصلي على اخوك دا شوفيهو مشى وين قلته ليها شنو الما حافهمهه  ليه دايما لما يجي الكلام عن اسامهه كلكم بتقولو لي م حافهم قالت لي نور انا تعبانه عليك الله م تتكلمي معاي كتير واعملي القلته ليك ودخلت غرفتها، أنا بقيت قاعده وحست نفسي مخنوقه شديد فقلته اتصل لي واحده من صحباتي فتشت تلفوني م لقيته قلبته عليهو البيت كله بس برضو ماف لمن زهجته مشيت شلته تلفون ماما واتصلت في رقمي بس كان مقفول 💔كسرته الحنك اصلا م كان عندي مزاج افتشه اتصلت على البنات وقلته ليهم تعالو لي انا زهجانه وقفلته على كدا شويهه جرس الباب دقه ولقيتهم في وشي سلمته عليهم ودخلنا غرفتي ولاء قالت لي مالو بيتكم صاني كدا وين امك شهد قالت لي واخوك القرض ضحكت عليها قلته ليها اصلا انا عارفاك جايهه لي اخوي قالت لي لازم يعني حكون جايهه عشانك مثلا قلته ليها شوف الكلبه يعني م جايهه عشان انا منفسنه قالت لي وانت ياتو يوم م كنت منفسنه دا الطبيعي حقك ي اختي لفي كدا قلته ليها عليك الله شوف الرمه دي ريم قالت لي م تزعلي ي بيبي شهد جايهه عشان اخوك وانا جايهه عشان ابوك دا حال الدنيا ونحن م بنحب الكذب 😹 ضحكته عليهم وقلته ليهم والله انتو تافهات ولاء قالت لي مدام كله صرح سبب جيتهه انا جايهه عشان طقهه خالتو سوسن الظابطه قلته ليهم انتو عارفين انكم كلبوبات شديد عفكره قعدو يضحكو شهد قالت لي لا بالجد في شنو وليه البيت فاضي وانت مالك عامله كدا قلته ووين خالتو سوسن وعمو عماد وحبيب قلبي سمسم 😍 ابتسمته ابتسامه باهته كدا وقلته ليها حبيب قلبك بكره عرسو ي اختي شلبوك طبعا عايزه ترد وهي بتشرب اتشرقت وبقت تكح متنا ضحك فيها ريم قالت لي عايزه تقتلي البت بي هظارك قلته ليها لكن م بهظر انا اسامهه بكره حيعقد على شمس بت عمتي شهد قالت لي كيف يعني اسامهه عمى من البنات ديل كلهم وم يعرس الا شمس الغياظهه دي وانت ي رمهه كيف يعني عرس اسامهه وم بتكلمينا والله انت واحده حقييره بشكل ريم قالت لي شوف التافهه دي اخر الخوه حقتك ولاء قالت لي يخسي عليك ي نور كدا م تكلمينا ونزلو فينيي شتيمهه ولوم  قلته ليهم حيلكم حيلكم دقيقه افهمكم الحاصل شهد قالت لي تفهمينا شنو م هو واضح انك خنتي العشره وطعنتي صحبتك في ضهرها واتكلت على الحيطه وختت يدها في قلبها بطريقه دراميه طبعا بقينا نضحك عليها ريم قالت ليها دراما كوين اترزعي وخلينا نفهم الحاصل شنو ضحكت وقالت ليها طيب طيب م وقتهه واها ي نور بالجد احكي لينا في شنو وليهه اسامهه قرر فجأه يعرس شمس كدا مش انت قبل كدا قلتي لي انهه هو مربط ولا دي كانت توزيعه منك عشان م ابقى مرت اخوك صاح أخص م كان العشاء 😔 ريم قالت لي عشاء ولا مغرب 🐸ولاء قالت ليها مغرب ولا عمان 🐸شهد قالت ليهم مان ولا وومن 🐸 بقيت اعاين ليهم كدا 🙂🙂 قلته ليهم اقسم بالله انا غلطانه القلته أشارك همومي معاكم قوموا من وشي واي واحده تطير بيتهم 🙂قعدوا يضحكو  وقالوا لي خلاص معليش المهم احكي لينا في شنو بالجد حكيت ليهم الحصل كلهه من جونا ناس عمتي لحدي بابا وقرارو المفاجئ طبعا كلهم استغربو شهد قالت لي واي يعني اسامهه بالجد بحب بنت تانيه ومربط وانت م وزعتيني 😔وانا الكنت خاتهه عيني عليهو اااااخ غغغغغلبي الصغير لا يتحمل 😣💔ريم بقت تعاين ليها كدا 😒 ولويهه قالت ليها شوف دي نحن في شنو وهي في شنو 😒 ريم قالت ليها التقول هو يوم قال ليها انا بحبك ي بت م تبطلي درامتك دي 😒قالت ليهم بالجد ي جماعه الموضوع سوو ساد يعني م تستهترو بمشاعري ريم قالت ليها شهد م وقت درامتك خالص عفكره 😒 قالت ليهم خلاص خلاص اصلا عادي 😔💔وقبلت علي قلته ليهم بالجد ي بنات بيتنا قلب مشاكل ودرامات م عندها حد ماما وبابا واسامه دايما في حاله زعل ونقاش م بتخلص واسي بابا مصر انه العقد بكره واسامهه طلع من الضهر وللان م جاء وبقيت ببكي ولويه جات على وحضنتي قالت ي نور اهدي عليك الله ماف شي مستاهل والله دا م وقت انك تضعفي دا وقت انه تساعدي اخوك وتقيفي معاهو ونشوف حل للبحصل دا ريم قالت لي ولاء معاها حق دا وقت نفكر فيهو حنعمل شنو شهد قالت لي. هي بالله قشي لي دموعك وقرفك دا م وقته نهاي وركزي معاي هنا انت عمتك الكريهه دي ياتو يوم كانت بتحب اسامهه عشان تصر انها تعرسو لي بتها  وكمان ابوك يجبر اسامهه على العرس ليهه اكيد في حاجه غلط ريم قالت ليها بالجد والله بس عايزه أسألك ي نور الحصل شنو بالضبط فوق قلته ليها م عارفه والله اسامهه م حكى لي حاجه قالت لي بس لقيتها انت تقعدي الليله مع اسامهه وتحاولي تفهمي الحصل شنو بالتفصيل عشان نحاول نكشف الحقيقه قلته ليها مع انا قعدته معاهو وحاولته  اعرف بس بدون فايده قالت لي ي هبله الموضوع كبر وجاب ليهو عقد عشان كدا ممكن نعرف حاجه شهد قالت لي ي زوله نحاول عندنا باقي اليوم كله وبكره لحدي الضهر ولاء قالت ليها بالضبط كدا بس انت م تزعلي نفسك وكله حيتحل أن شاء الله قلته ليهم خلاص تمام قالو لي يلا نحن نمش بعد دا لأنه اتاخرنا قلته ليهم طيب تمام بعد البنات مشو بقيت افكر فيي كلامهم وفعلا لقيت عندهم حق في حلقه مفقوده في النص وهي أنه ماف زول عارف الحصل في الغرفه شنو بالضبط وأنه بابا عارف ومتاكد انه اسامهه م بعمل كدا بس ليهه عايزو يعرس شمس ومصر على كلامه أثناء م انا بفكر جات ماما داخله علي قالت لي ي بت نور قلته ليها ايوا ي ماما مالك في شنو قالت لي اخوك دا لسه م جاء قلته ليها اي لسه قالت لي انت اتصلت شوفتيهو وين قلته ليها اي قبيل اتصلته من تلفونك بس رقمه كان مقفول لكن م تخافي اكيد حيكون قفل شحن قالت لي كيفن م اخاف الولد طلع من الضهريه واسي الليل دخل ودي م عوايدو قلته ليها ي ماما اكيد حيكون متضايق وعايز يقعد مع نفسه شويهه أو بكون مشى عندو شغل قالت لي انا اتصلته بالمكتب وقالو الليله م داوم قلته ليها خليهو عليك الله الحاصل عليهو م هين  لمن يهدأ برجع كدي اسي بابا وين قالت لي ابوك قفل عليهو مكتبه وقعد شويهه بعدها طلع قال عندو شغل و بالمناسبه قال نمشي السوق انا وانت بباقي الليل دا نجيب حاجات لي يوم بكره قلته ليها يعني هو لسه مصر على قرارو دا ياخ انا م عارفه بابا بعمل كدا ليهه حتى انا م عايز يسمع مني والله البحصل دا حرام وظلم عديل وذنب اسامهه حيتعلق في رقبته ياخ اسامهه شافع عشان يجبرو على حاجه زي دي قالت لي ي بتي ابوك عنيد وراسهه ناشف والقالو م برجع فيهو وانت عارفاهو بريد اسامهه اكتر من نفسه وم يقبل فيهو بس هو عارف اهلو كويس م حيريحو عشان كدا قسى عليهو كدي قومي البسي خلينا نمشي قلته ليها والله كدا كتير عديل انا مش قلته ليك عمتي دي م وش خير وم بتجي الا ومعاها المصايب م ماشه اي سوق ولا زفت قالت لي ي بتي خلاص البقى بقى وم حنقدر نغير شي الله يهديك كدي قومي ارح وخلي العناد السواق م جاء الليله وانت عارفه انا م بعرف اسوق عايزني اتعب برأي يعني ولا امشي بالمواصلات قلته ليها طيب طيب ي ماما بس الحمد لله وفعلا طلعته دورته العربيه واتحركنا السوق  لفينا واشترينا كل احتياجاتنا للعقد وجينا راجعين الساعه كانت ١٢ نص الليل دخلنا البيت بس كان صاني وم فيهو حس كانهه ماف زول ماما قالت لي أجي ابوك واسامه لسه م جو ولا شنو عايزه ارد ليها كدا بابا جاء طالع من المكتب سلم علينا وقال لينا جيتو متين ومالكم اتاخرتو كدا ماما قالت ليهو الزحمه بس ولفينا كتير قال ليها طيب ان شاء الله جهزتو اي حاجه قالت ليهو اي الحمد لله بس وين اسامهه جاء ولا لسهه؟ قال ليها واسامهه هو وين لحدي الان ماما قالت ليهو من طلعته ديك م رجع بابا قال لي نور اخوك وين قلته ليهو م عارفه طلع تلفونه واتصل عليهو بس كان مقفول قال لينا رقمهه مقفول ماما قعدت في الكرسي وحيلها م شايلا قالت ليهو سجمي ولدي عمرو م عملا ولدي مشى وين ي عماد انا ولدي لو جاتهه حاجه م ح اسامحك بابا قال ليها ولدك م شافع صغير عشان يروح بكون عندو حاجه شغلته قلته ليها اي ي ماما م تخافي عليهه اسامهه عاقل وعارف بعمل في شنو قالت لينا حاجه شنو للان انا ولدي م حصل قعد لي نص الليل بره البيت وبدون م يتصل على اكيد في حاجه قلته ليها ماما استهدي بالله ياخ أن شاء الله م يكون في حاجه أثناء م نحن بنتكلم الباب فتح واسامهه جاء داخل قال لينا السلام عليكم ماما جرت عليهو وقالت ليهو وعليكم السلام كنت وين ي ولدي مالك قلقتني عليك قال ليها معليش ي امي اعفي لي كنت مع ياسر في المستشفى أمه تعبت شويهه وتلفوني قفل شحن قالت ليهو مالا أن شاء الله خير قال ليها والله ضغطها نزل شويه لكن اسي كويسه قالت ليهو الحمد لله طيب م كان تطمني عليك خوفتني كدا قال ليها اعفي لي ي امي معليش بس مع اللخمه بتاعت المستشفى م قدرته اركز مع التلفون وم انتبهت انه قافل قالت ليهو خير ي ولدي م مشكله الحمد لله الجيت طيب اما بابا فربع ايديهو وقال لي اسامهه حمد الله على السلامة اها اخدتهه قرارك ولا لسه عايز اسمع جوابك النهائي واختيارك ماما قالت ليهو عماد دا م وقته الولد تعبان قال ليها م تتدخلي ي سوسن انا سالتهه هو  قالت ليهو لكن ي عماد أشر ليها بي أيدو عشان تسكت  وقال لي اسامهه هاا منتظرك انا قول قررته شنو اسامهه عاين لي بابا بنظرات كلها عتاب وزعل وقال ليهو التشوفو ي حاج بابا قال ليهو عايز جواب عديل انا موافق ولا لا  قال ليهو خير ي ابوي بابا جاء حضنهه وقال ليهو انا كنت عارف انه ولدي م بكسر كلامي وانا متأكد انه القرار دا في مصلحتك انت وكلها فتره وتتاقلم اسامهه ابتسم ليهو ابتسامه باهته وقال ليهو ان شاء الله انا تعبان حامشي ارتاح بابا قال ليهو ارتاح عشان بكره يومنا طويل اسامهه طلع غرفته وبابا مشى على تلفونه عمل اتصال بعد قفل التلفون شال نفس طويل وطلع على غرفتهه اما انا وماما طلعنا ورا اسامهه  ماما مسكته من يدو قالت ليه اسامهه انت متأكد من قرارك دا ي ولدي دا قرار مصيري وم فيهو هظار قال ليها انت ي امي شايفه حل تاني يعني اكسر كلام ابوي واصغرو قدام الناس  انت م شايفه ابوي متمسك بي قرارو كيف ولا اطلع اخلي البيت انا كنت حاختار القرار دا ي امي بس م بقدر ابدلكم واستغنى عنكم عشان زول ماما حضنته وقالت ليهو م عارفه اقول ليك شنو ي ضناي لكن الله يسعدك والمكتوبهه بتجيك قلته ليهو اسامهه ماما معاها حق دا قرار مصيري يعني م حتقدر تتراجع عنه بعدين وانت حتتخلى عن لينهه عشان شمس؟؟ قال لي عليك الله كفايه ي نور انا الفني مكفيني دا قراري وخلاص م تناقشوني ماما قالت ليهو خير ي ولدي وطلعت انا فضلته واقفه ربعته ايدي وقلته ليهو انا عمري م اتخيلتك بالضعف يعني خلاص انت قبلته الأمر الواقع بالسهوله دي دا قال لي ي نور انا م ضعيف بس انت شايفه الحاصل قلته ليهو احكي لي الحصل طيب عشان انا اقدر اساعدك على الأقل بتتهرب ليهه انت م تقول حصل شنو فوق وتخلصني قال لي نور الموضوع دا منتهي قلته ليهو يعني انت ببساطه حتكسر قلب البت الحبتك ووثقت فيك واعتبرتك أهل ليها عشان حاجه انت م عملتها من الأساس على العموم انا م ح اتكلم معاك في الموضوع دا تاني وانت حر اعمل العايزو ومبروك  عليك مقدما وطلعته خليتو وانا زعلانه وبغلي من الزعل اسامهه رقد في السرير بي تعب وهو بجر نفس طويل فجأه سرح واتذكر الحصل قبيل بالتفصيل وبدخل في دوامه من الاكتئاب والتفكير الطويل تايهه بين عقله وقلبه بغمض عيونو في محاوله منه لإبعاد الأفكار من راسهه يرجع يزفر بضيق ويتمتم في نفسهه استغفر الله العظيم ،،،،،، 💔
في جانب آخر وفي منزل بسيط وغرفهه صغيره مظلمهه تجلس على الأرض وتضع يديها الصغيرتين مخباه وجهها بين كفيها وقد تلألأت على وجنتيها قطرات الدموع واحمرت عينيها من البكاء كأنهما بركان انفجر يتدلي شعرها الطويل  على جانبيها بطريقة فوضويهه تجهش بالبكاء كطفل رضيع فقد امهه تذكر م حدث قبل قليل و تغوص في تفكير عميق ثم تعود من شرودها وقد تدفق الدمع من عينيها كشلال لانهايه لهه،،،،

عملته الجزء طويل شديد الليله عشان م تزعلو الأحداث الجايهه حتكون فيها مفاجات وحاجات مشوقهه بحاول اكتب جزءين في اليوم عشان الناس م تزعل ونتلاقى....🚶‍♀️

#تعافيت- به
#هويدا عبدالله