تعافيت به

تعافيت به ١٥

طلعته غرفتي بعد العشاء وبديت اجهز عشان بكرا اول يوم في السمستر التاني كنت متحمسه وزهجانه في نفس الوقت شلته تلفوني ودخلته القروب اتونسته مع البنات شويهه واتاقشنا في يوم بكرا ولقيتهم منزلين الجدول شهد قالت لينا والله ي جماعه م نفسي انزل بكرا دي شنو حركات البرالمه دي ريم قالت ليها والله انا عن نفسي م نازله بكرا ولاء قالت ليهم هي بطلوا قله ادب اصلا الناس كلها بكرا حتنزل بي حماس وبعدين نحن م فرحانين عشان القرايه ي اختي نحن اشتقنا للف والصياعه وبعدين انتو اصلا برالمه حتكذبوا يعني شهد قالت ليها والجكس الطبي احييييي بس م اولاد دفعتنا البيض طبعا ريم قالت ليها بالضضضضبط شوفتي السنايره ي شهدون يفتحو النفس ووووب بس 🤤قلته ليهم هي بطلوا قله ادب وم ترغوا كتير بكرا قدام ولا اكسر الحنك وامشي اتخمد قالوا لالا ياخ قداام بس 🚶‍♀️ فجأة سمعته صوت باب غرفتي خبط قلته ليهو اتفضل لقيت اسامهه داخل علي نزلته التلفون من أيدي وعاينته ليهو من فوق لتحت وقلته ليهو ي يمهه كتر خير العرس العلمك تدق الباب اجشش  عاد العملتو لينهه ماما ٢٥ سنهه م عملتوا جاء علي وهو بضحك وشداني من شعري كالعادة قال لي انت لسانك الطويل دا م بتعرفي تلمي بديك كدا اسي 👊 قلته ليهو لا ي اخوي م عوايدك تدق الباب انت من الله خلقك بتجي داخل تووش زي الغنمايهه عاد كيف م استغرب فيك قال لي خلاص بطلي لماضهه ضحكته عليهو جاء قعد جمبي في السرير قال لي اها النتيجه ظهرت صح ورسبتي مش ارح وريني شايله كم ملحق بكون ربدوك عديل انت 😂عاينته ليهو كدا 😏وقلته ليهو بتك ي عماد الحسيني قايلني اسامه وولا اسامهه باص ي ولدي نحن ناس ملاحق كمان افووو 😎قعد يضحك قال لي باص ولا حافله 😂😂قلته ليهو ههههه زريف 😒ضحك وقال لي لالا مستحيل يكون باص اكيد النتيجه فيها غلط انا حاطالب بي اعاده التصحيح 😂ضربته في كتفه قلته ليهو كلب سجم ضحك وحضني عليهو قال لي ي ستي مبروك 😂❤️ ولا تزعلي نفسك واها عشان النتيجه السمحه دي انا عندي ليك هديهه ظابطه بس خليها مفاجأة قلته ليهو بالجد 😍 قال لي بسم الله كمان عندنا كم نور نحن،قلته ليهو قلبي م مطمن ليك دي م حركات اسامه أخوي لا مالك عايز تموت 😂قال لي تصدقي انك بت رمهه وخساره فيك اي حاجه ي بقره ضحكته  وقلته ليهو خلاص معليش 😂👊قال لي وعايز أسألك ي نور انت ابوك مالوا والحاصل شنو وضعوا م مطمني نهاي تحسي انه م معانا قلته ليهو والله ي اسامهه انا زاتي ملاحظه وحاولته اسالهه كتير وافهم منو الحاصل بس م كان بتجاوب معاي وبقول انه ضغوطات الشغل وبتحجج بيك انت مع انه انت طوالي في حالة سفر وم قاعد كتير ودي م اول مره تغيب عن الشغل قال لي فعلا انا عشان مرتبط بالفرع ألفي الخليج اغلب وقتي هناك وابوي م حصل شكى من الموضوع دا بس انا حاسي في حاجه أكبر من كدا 💔قلته ليهو والله ي اسامهه اقول ليك شي انا من عمتك المصون وعيلتها ادخلوا في أمور الشركه بعد كانوا بعيدين منها قلبي حاسي انه حتحصل كارثه اول حاجه راجل عمتي م بفهم في شغل الاستيراد والتصدير وانت عارف تاني حاجه شمس زوله ي دأب اتخرجت وفي بدايه المشوار ومن يومها سجمانه اما عمتك فغنيه عن التعريف لو ما مشت الشركه نظرت فيها يومي وجات م برتاح بتحسسني انه الشركه بيتها وعايزه تفرشوا قال لي فعلا والله انا م بنكر انه عندهم النص في الشركه دي بس كلهم م عندهم خبرات ودا كله كوم وتعيين شمس سكرتيره خاصهه لي كوم تاني خالص ضحكته عليهو وقلته ليهو اي اي لاحظته انها بقت سكرتيرتك الخاصه غايتو ابوك دخلك في فتيل 😂 قال لي ابوي بس دي لينهه حتدخلني في فتايل ضحكته وقلته ليهو الله يعينك ي ولدي وعايزه أسألك انت زاتك ايام عرسك م كنت طبيعي بتذكر بابا مره ناداك من الحفله ومره تانيه انا سألته عنك قالوا عندك مشوار وم بتتاخر والمره الاخيره لمن عمتك وعيلتها جو ودخلتوا المكتب وبعدها طلعتوا كلكم مستعجلين ممكن اعرف الحاصل كان شنو، قال لي والله يوم ابوي ناداني من الحفلة سألني عن شويهه ملفات وحاجات قديمه في الشغل اما يوم طلعنا مستعجلين كان في صفقه مهمه نحن خسرناها قصاد شركه ظهرت في السوق جديده💔 عشان كدا ابوي كان زعلان واشك انه التوتر بتاعه من خساره الصفقه دي لأنها كانت مهمه بس نحن لسهه شركتنا زي م هي وقادرين نعمل صفقات أكبر منها ودي م اول صفقه نخسرها بس حاسس انه في حاجه تانيه قلته ليهو طيب والمشوار الصغير كان عباره عن شنو قال لي والله كنت لازم امشي الشركه وأمضي على شويهه أوراق وكمبيالات لي شحنه ماشه قطر ودا كل الحصل ي ستي بس بالنسبه لي ابوي انا بكره بنزل الشغل وبتفاهم معاهو هناك واشوف الحاصل عليهو شنو قطع كلامنا صوت الباب وهو بدق اتلفته وقلته اتفضل جات داخله لينهه قالت لي م اكون ازعجتكم بس قلته ليها لالا ياخ زارتني الملايكه في غرفتي والله احسن من الشياطين الأنا قاعده معاهم العمر كله ديل ضحكت وقالت لي حرام عليك اما اسامهه فجر لي شعري وقال لي كلبه بياعهه 👊قلته ليها تعالى اقعدي هنا م قدرتي تقعدي بدون حبيب القلب ساعه مش أحيي انا لي الله ضحكت وضربتني في كتفي قالت لي والله م كنت عارفاهو هنا زاتي ي كلبه انا كنت تحت وسألته خالتو من غرفتك وصفتها لي قلته اتونس معاك لاني قايله الحيوان دا مع عمي في المكتب 👊قلته ليها اممممم أصدق يعني! ؟😂قالت لي والله انت جزمهه 😂👊اسامهه قال لي اي ي زوله م قدرت تقعد انت مالك عشان ماف زول قاعد يفقدك صح قلته ليهو هههه زريف 😒المهم فضلنا نتونس ونتغالظ على بعض كدا شويهه عاينته للساعه لقيتها ماشهه على واحده قلته ليهم واااي الساعه واحده وانا بكره شغاله جامعه يلا انت ومرتك من هنا من غير مطرود مش على اساس جايين من سفر وتعبانين م تمشو تتخمدو ضحكوا علي واسامهه قال لي وانا بكره شغال يعني الحاله واحده ي بتي 😂 لينهه قالت لينا انا عن نفسي حانوم للضهر قلته ليها شوف الكلبه دي يلا من غرفتي يلا طلعوا وهم يضحكو قفلته الباب والنور وطوالي نمتهه..
صحيت على صوت ماما بتقول لي انت ي بت الليله م عندك جامعه الساعه ٩ النايمه ليها شنو قلته ليها خليني انوم ي ماما ياخ قالت لي ي بت قومي فوق بلا انوم معاك صحباتك ديل قالوا اتصلو ليك كتير م رديتي عليهم واتصلوا في تلفوني انا وانت لو ماشه الجامعة م كلمتيني اصحيك ليهه قلته ليها ي ماما ياخ خليني انوم جرت مني البطانيه وقالت لي شهر نايمه م فترتي من النوم دا قومي شوفي جامعتك بي وين بلاش فوضه معاك صحيت وانا حاسهه بصداع من السهر دخلته اخدته دش ولبسته لي اسكيرتي فنايلي بالاسود ومعاهو قميص ساده بالأبيض فيهو ربطه في النص رفعته شعري ضنب حصان وختيت فيهو طوق ولبسته اسبورت اسود بي ابيض ونزلته تحت لقيت ماما ولينهه وبابا واسامه قاعدين يفطروا قلته ليهم صباح الخير هو زمن الفطور جاء بالله ومشيت على بابا اديتو بوسهه وقعدته في رجولو قال لي زمن الفطور الساعه ١٠ ي بت يعني انت ماشه الجامعة الليله مالك اتاخرتي كدا طيب قلته ليهو م كلهه من ولدك ومرتو ديل قعدوا يونسوا فيني للساعه ميهه بالليل لينهه ضحكت واسامه قال لي م فيك حسنهه كتر خيرنا الاديناك من زمنا قلته ليهو ههههه شووكرا 😒 ماما قالت لي تعالي افطري طيب واطلعي صحباتك ديل من الصباح منتظرك في الجامعة قلته ليها لالا ما طريقه انا مستعجله لينه قالت لي نور خلاص طيب م تفطري بس اشربي ليك شاي واكلي من الكيكه العملتها دي حتعجبك شديد ماما قالت لي عاد مرت ولدي مرت السرور قامت من الصباح عملت الشاي والكيك ي يمهه بت الهنا  وست البنات لي حدهن م زي ناس كدا تصحى تلقى اي شي جاهز قلته ليها دا طعن بالبارد عفكره وبالله ي لينهه م تصدقي الطلس دا ماما بدت تعمل ليك حركات النسيبه من اول يوم حزنته ليك يلا 😂ماما قالت لي شوفي البت قليله الأدب دي قعدنا نضحك فيها شلته قطعه من الكيك وقلته ليهم هي اختوني الزمن اتأخر والبنات الليله بقتلوني قمته جاريهه ناديت عمو عبدو السواق واتحركته على الجامعه....

من بعد م نزلته من الطياره و على المستشفى طوالي دخلته للدكتور واتاقشنا في وضع ابوي الصحي ااكد وطمني انه في تحسن ملحوظ وأنه ابوي استعاد وعيو كمية الفرح  الحسيت بيها اللحظه ديك كانت كفيله انها تشيل كل التوتر والتعب الكان جواي  مشيت بسرعه على اتجاه غرفته ولأول مره احس المسافه طويله كأنها سفر دخلته عليهو  كان نايم منظروا وهو راقد والأجهزة حولينو كان كفيل بانهه يكسر حاجه فيني بس ابدا م طغى على شعور الفرحه بأنه بخير وبتحسن بعد كل الايام العشناها في توتر وتعب وخصوصا صدمتنا بإصابته بالكانسر وقفته قدام الباب وانا بعاين ليهو من بعيد م حبيت ازعجو أتلفت عايز اطلع سمعت صوتهه وهو بقول لي مازن رجع قبلته عليهو قلته لي ي حاج أشر لي بايدو مشيت عليهو بي لهفه زي طفل صغير ومسكته من أيدو بوستها ربت علي بي كفه أيدو التانيه وابتسم قلته ليهو حمد الله على السلامة ي بطل عقبال تقوم لينا بخير وعافيه وتشد حيلك شويهه اكتفى بأنه قال لي ان شاء الله كان مرهق وملامحه باهته شديد الكانسر والكميماوي هدا حيلهه وخلى جسمهه هزيل عمري م شفته ابوي بالضعف دا ابدا ابوي الطول عمرو زول بشوش وروحو شبابيه بحب يضحك  ويجري وم بحب يرقد في السرير نهاي واسي م قادر يقوم من المرض ولا يسند طولو وصارع عشان يعيش 💔أثناء ما نحن بنتكلم جات امي داخله قالت لي مازن حمد الله على السلامة وصلته متين قلته سلمته عليها في رأسها وقلته ليها الله يسلمك ي ست الكل وصلته قبل شويهه بس انت كنت وين قالت لي نزلته الصيدليه تحت الدكتور كتب شوية ادويه لي ابوك ومشيت اجيبها قلته ليها وتنزلي انت ليهه وين إياد ووين تالين قالت لي إياد جاهو تلفون من صحبهه وقال عندو حاجه ضرورية وطلع وتالي رجعت البيت عشان تعبت قلته ليها طلع مع أصحابه كيف يعني ويخليك انت وابوي في الحاله دي انا كميه استهتار زي دي م شوفتها ياخ في زول بخلي امو وابوهو في وضع زي دا براهم وبطلع يتصرمح مع أصحابه الولد دا م بكبر نهاي وم بعقل انا ح اشوف حسابي معاهو بعدين امي قالت لي ي ولدي الله يهديك م تناقشوا والله نحن م ناقصين وبراك شايف حاله ابوك كيف نحن م صدقنا فتح عيونو قلته ليها استغفرالله العظيم بس لالا م ح اشاكلوا بس انا حفهمو يتصرف كيف اسي انت ارجعي البيت وانا حافضل مع ابوي لأنه باين عليك تعبانهه قالت لي الكلام دا قولوا لي نفسك انت جيت اسي من سفر ي ولدي وشوف عيونك دي عامله كيف امشي اخد نومه وتعال الصباح انا هنا مرتاحه جمب ابوك واصلا اتعودته على جو المستشفى قلته ليها لكن ي امي قالت لي م لكن ي مازن وم تناقشني كتير الله يرضى عليك انا طالعه اصلي المغرب اقعد المسافه دي مع ابوك لأنه من صحى سأل عنك و لما اجي تطلع طوالي لقيت ماف حل غير اسمع كلامها قلته ليها حاضر ي حاجهه طلعت من الغرفه وانا مشيت على ابوي قعدته في الكرسي الجمبو ومسكته أيدو قلته ليهو يلا سرعه شد حيلك ي بطل وقوم كفايه عليك شهرين نايم انت عجزته ولا شنو م عايز نتصارع مع بعض زي زمان 👊 ابتسم بي تعب وقال لي أن شاء الله لو العمر فيهو باقي قلته ليهو بعد الشر عنك ياخ ربنا يديك العافيه وطول العمر ويحفظك لينا وتقوم احسن من الاول قال لي الحمد لله ي ولدي لو عندي ايام في الدنيا دي باقيهه بعيشها بس انا عايزك اسي في موضوع مهم وعايزك تركز معاي شديد الموت م معروف يجي متين وانا م عايز اموت والسر دا يتدفن جواي قلته ليهو خير ي حاج موضوع شنو قال لي ي ولدي انا عملته ذنب كبير في حياتي دي وحاسي اني المرض الجاني دا عقاب على العملتو اتفاجاته من كلام ابوي قلته ليهو خير ذنب شنو بدأ يحكي لي وانا ملامح وشي ماشهه من سيئه لي أسوأ وكل كلمه كان بقولا حسيتها كذب وحاجه من الخيال لأنه الكلام القالو مستحيل عقل يستوعبهه.......

#تعافيت-به
#هويدا عبدالله