تعافيت به

تعافيت به ٢٩

حسيت نفسي اتشليت وم قادره اتحرك أو أبدي اي ردت فعل اداخلت علي أصوات ماما وحبوبهه وجدو وهم بجرو بي اتجاهو وبصرخو وقفت في مكاني م قادره احرك ساكن وبعد مسافهه حتى قدرته انطق بي كلمهه لقيت نفسي جاريهه بي اتجاهو وبصرخ بي طول صوتي باباااااا رفعناهو وجرينا بيهو المستشفى دخلوهو الطواريء وفضلنا منتظرين بره ماما بتبكي وحبوبهه بتهدي فيها وجدو دا واقف بالجلاله اتصل على اعمامي كلهم شويهه والمستشفى اتملت علينا وانا م حاسهه بي أي شي بس دموعي بتنزل الدكتور طلع منو وكلنا جرينا عليهو قال انهه أتعرض لي نوبهه قلبيهه حاده بس قدرو يسيطروا عليها لكن ماف شي واضح لحدي الان ولازم يختو تحت المراقبه ٢٤ ساعه عشان يطمنو فضلنا على الحاله دي لحدي المساء حاولته اقنع ماما وحبوبهه انهم يرجعو البيت بس رفضو فضلنا معاهو شويهه اتذكرته تلفوني في البيت وأنه مفروض ارجع لاياد عشان اوريهو الحاصل شلته تلفون جدو واتصلت على إياد حكيت ليهو الحاصل وم كانت الا ساعه زمن ولقيتو في وشي ومعاهو شهد اول م شفتهه شهد اترميت عليها وفضلته ابكي قالت لي نور حبيبتي اهدي أن شاء الله م بحصل الا الخير قلته ليها بابا لو حصلت ليهو حاجهه ح اكون انا السبب ي شهد إياد قال لي ي بت انت هبله السبب في شنو بطلي الهبل البتعملي فيهو واتفائلي بالخير وان شاء الله ابوك م بتجي عوجهه فضلته واقفه معاهم ماما جات علينا قلته ليها َماما دا إياد صحبي وانا سلفا حكيت لي ماما عنهه وبابا عنه كتير بس م حصل مره شافو ماما سلمت عليهو قالت ليهو كيفك ي ولدي أن شاء الله طيب قال ليها الحمد لله ي خاله وربنا يرفع عمي أن شاء الله ويديهو العافيه ويقومو ليكم بالسلامه قالت ليهو اللهم آمين ي ولدي وسلمت على شهد وقالت لي نور ارجعي البيت وسوقي حبوبتك وجدك ديل تعبو من الصباح وهم م حمل الوقفه دي قلته ليها الكلام دا انا قلته ليك ي ماما انت زاتك تعبانهه قالت لي نور الله يرضى عليك م تكتري كلام وتجادلي شهد قالت ليها ي خالتو انتو امشو ونحن حنفضل مع نور هنا بعد نقاش وجدل وحوار طويل حتى ماما اقتنعت وساقت جدو وحبوبهه فضلو معاي إياد وشهد في المستشفى وم فارقوني ولا لحظهه كنت حاسهه اني تعبانه شديد ومخنوقهه واحساس الذنب حيقتلني من جوا كل م اتذكر منظر بابا وهو واقع قلبي بوجعني فضلته راقده في رجول شهد ودموعي بتنزل واياد داخل ومارق مع الدكاتره والإجراءات بتاعت المستشفى وغيرو من التعب اخددتهه غفوه شويهه صحيت على صوت إياد وهو بقول لي نور رفعته راسي مخلوعه وقلته ليهو في شنو بابا حصلت ليهو حاجهه قال لي ي بت قولي بسم الله ماف شي بس ابوك صحى وعايزك قلته ليهو بالجد قمتهه ملهوفهه واتحركته على اتجاه غرفه بابا دخلته ليهو منظرو وهو مركبين ليهو الأجهزة قتلني من جوا مشيت عليهو وانا ببكي ومسكتهه من أيدو قلته ليهو كلهه بسببي انا اسفهه حقك علي 💔نزل قناع الاكسجين من وشو وقال لي  لا ي بتي كلهه بسببي انا انا ي بتي الظلمتهه ولدي وطردتو بي نفسي انا الحكمتهه عليهو بي ذنب م ارتكبه وعاقبتهه عليهو دموعو نزلت مع الكلمه دي وقعد يكح شلته القناع ركبتهه ليهو تاني وقلته ليهو بابا الله يرضى عليك اهدا عشان صحتك انا وعدتك قبل كدا اسامهه حيرجع وكلهه حيتصلح رجع طلعهه تاني وقال لي انا ايامي بقت معدوده في الدنيا دي ي بتي لو الله شال أمانته قبل م انت تصلي لاخوك خليهو يعفي لي وقولي ليهو ابوك بريدك شديد وطالب منك تسامحهه ذدتهه في البكاء وحضنته قلته ليهو بابا الله يرضى عليك م تقول كدا انت حتطلع من هنا بالسلامه وتلاقي اسامهه بنفسك وترجعو قال لي معاويه كلمني بالعرض والحاصل في الشركه سافري ي نور انا راضي عليك اوعك تخلي الشركه تضيع سافري وشوفي اخوك وين واوعديني انك ترجعيهو البيت قلته ليهو بابا بس قال لي اوعديني ي نور قلته ليهو حاضر ي بابا حاضر بوعدك انهه كله حيتصلح فجأة حسيت بي أيدو بترخي مني ونفسهه بدأ يزيد وسمعته صوت الأجهزة وضربات قلبهه صرخته بطول صوتي بابا وجريت وانا بنادي على الدكاتره وم واعيه بي نفسي وبقول ليهم  تعالو شوفو بابا مالو إياد وشهد جو جاريين علي بقيت بصرخ وبقول لي شهد بابا بموت ي شهد بابا بموت😭 شهد بقت تبكي معاي واياد دا واقف بس وم قادر يقول حاجهه الدكاتره جو جارين والممرضات والغرفهه اتملت وقفلو الباب وبقيت م فاهمه البحصل جوا شنو كنا بنراقب فيهم من شباك الغرفه وانا حاضنهه شهد وبزيد في البكاء زياده شفتهم وهم بدوهو الحقنهه وشويهه جهزو صدمات الكهرباء م حسيت الا وانا بقع من طولي وصوت شهد وهي بتصرخ نور فتحت عيوني لقيت نفسي راقده في غرفهه ومعاي ماما الكانت بتصلي وشهد الشبهه نايمه في الكرسي الجمبي فتحت عيوني وحاولت اتذكر الحصل رفعته راسي وانا بصرخ بقول ليهم بابا بابا الحصل عليهو شنو شهد صحت وجات على مخلوعه قالت لي نور اهدي قولي بسم الله ابوك كويس وم حاصل عليهو حاجهه قلته ليها بتكذبي علي ي شهد صح بابا مات مش قالت لي ي بت م تتفائلي لابوك بالشينهه وحضنتي وهي بتبكي وقالت لي اهدي والله ابوك كويس ي نور الله يرضى عليك اهدي بقيت ببكي بزياده وانا بقول ليها شهد بابا لو حصلت ليهو حاجهه م بقدر اعيش ي شهد م بقدر ماما سلمت وقامت من المصلايهه وجات علي قالت لي نور ي بتي كفايه م توجعي قلبي اهدي الله يخليك وحضنتني وبقت تبكي قلته ليها ماما بابا قالت لي ابوك كويس وعايز دعواتك انا بحاول اتماسك شوفي جدك وحبوبتك حالتهم عامله كيف وهم م حمل البحصل دا كلهه كلنا قلوبنا مقطوعه على ابوك بس لازم نقوي نفسنا عشانهم حبوبتك دي اسي من جات شافت حالتك دي ضغطها ارتفع وهديك رقدوها واسي وجدك معاها وهو زاتو عايز البسندو الله يرضى عليك ي بتي استهدي بالله وخليك قويهه انا والله حيلي اتهدا م تزيديها علي 💔كلام ماما خلاني اجمع قوتي شويهه واحاول اتماسك ولو شويهه عشانها مسحتهه دموعي ودموعها وقلته ليها خلاص انا أسفهه ي ماما حقك علي وبابا حيكون بخير وحبوبهه برضو بس انت م تبكي ابتسمت لي وشالت سبحتها ورجعت قعدت في المصلايهه وبقت تستغفر قلته لي شهد الساعه كم قالت لي الساعه ١٢ ضهر قلتهه ليها معقوله انا نمته الساعات دي كلها قالت لي انت جاك انهيار عصبي حاد وربنا شافك بس عشان كدا الله يهديك حاولي اتشجعي وخليك قويهه شويهه سكتهه مسافهه وقلته ليها إياد وين؟ قالت لي إياد رجع البيت بعد ما اطمن على وضعك ووضع ابوك قال عايز يغير ويودع إخوانه لأنه مسافرين الليله ويجي قلته ليها اي بالجد انا نسيت مازن وتالين حيسافرو الليله وانا مفروض اكون معاهم 💔 قالت لي م مهم ي زوله م تفكري في الموضوع كتير لخير قلته ليها الحمد لله كله لخير ماما قالت لي إياد اريتو ولد السرور ي يمهه ي حليلو واقف الليل كلهه على رجل واحده وم خلى جدك ولا ثانيه احسن من عمك الجاء عشره دقايق وطلع قلته ليها انسيهم ي ماما عليك الله نحن زاتنا م محتاجين ليهم في حاجهه ولا جيتهم بتفرق كتير وجهته كلامي لشهد وقلته ليها ساعديني عايزه اطلع اشوف حبوبهه كيف طلعت لي الدرب من أيدي و لبسته عبايتي وقمته على حيلي اول م فتحت الباب اتفاجئته بي مازن النصري ومعاهو تاليين واياد مازن قال لي السلام عليكم قلته ليهو وعليكم السلام تالين حضنتي قالت لي نور الف سلامهه عليك وعلى باباك إن شاء الله م تشوفو شر  قلته ليها الله يسلمك مازن قال لي الف سلامه على الوالد إن شاء الله اجر وعافيه قلته ليهم تسلم  إياد قال لي بقيتي كيف ي باندا ابتسمته وقلتهه ليهو بخير الحمد لله شهد قالت ليهم اتفضلو ي جماعه تعالو مازن قال ليها ماف طريقه والله قلنا نطمن على الوالد ونمشي لانه ورانا طياره قاطعنا صوت ماما وقالت لينا واقفين في الباب مالكم ودا منو قلته ليها ماما ديل اخوان إياد قالت لي خليهم يتفضلو ي بتي مخلياهم في الباب ليه  وقالت ليهم ادخلو ي أولادي زحيت طرف وفتحت ليهم السكهه  دخلو كلهم اياد قال ليها كيفك ي خالتي اسي قالت ليهو الحمدلله ي ولدي بخير قال ليها دا مازن اخوي الكبير ودي تالين اختي الصغيره ماما سلمت على تالين وقالت ليها مرحب بيكم وبعدها مازن سلم عليها وقال ليها سلامته الحاج ي خاله أن شاء الله أجر وعافيه قالت ليهو الله يعافيك ي ولدي وم كان في داعي تتعب نفسك وتجي والله كفايه وقفة إياد الله يديهو العافيه م مقصر نهاي قال ليها لالا ماف تعب ولا حاجه ي خاله ياخ العفو دا الواجب بس قالت ليهو الله يديكم العافيه ي ولدي ويخلي ليكم والديكم اتفضلو اقعدو قعدو في الكراسي وشهد جابت ليهم مويهه شربو اما انا طبعا بقيت مستغربه في الشخصيه القاعده قدامي هل بالجد دا مازن النصري ولا انا بحلم كان بتكلم مع ماما بي كل ادب وزوق وبسال عن وضع بابا والحاصل عليهو وبياخد ويدي معاها في الكلام اما شهد جات قعدت جمبي وعيونها ولعو قلوب وتشيل وتتبسم لي وترفع في حاجبها نظام شوفيهو وانا بقرص فيها وهي ولا شغاله بي الشغله تزيد في قله ادبها زياده فضلو قاعدين مسافهه ومازن اغلب كلامهه مع ماما واياد كان بشاركم في الكلام مره مره شويهه وقام على حيلو وقال ليها نستاذن نحن بعد كدا ماما قالت ليهو اقعدو شويهه ي ولدي نجيب ليكم حاجه تاكلوها لتلقي م فطرتو قال ليها لالا والله ي خاله الحمد لله ماف طريقه قعاد لأنه عندي طياره كمان ساعه قالت ليهو تصلو بالسلامه ي ولدي وكتر خيركم والله م نزوركم في شينهه أن شاء الله قال استغفر الله ي خالتي ربنا يكتب ليهو السلامه أن شاء الله قالت ليهو الله يسلمك ي ولدي بعدها أتلفت علي وقال لي سلامته الوالد مره تانيه وربنا يرفعو ليكم قلته ليهو اللهم آمين تسلم بعدها قال لي إياد يلا مشينا طلعوا ماما قالت لي امشي وصليهم الباب ي بت الولد مخلي سفروا وجاي يطمن على ابوك م بتقدمو قلته ليها ياخ هو جاي رحلهه عشان أقدموا هو جاي مستشفى ماما قالت لي عليك الله شوف البت قليله الأدب دي ي بت م تطلعي مع الاولاد يخسي عليك شهد قالت ليها بتك من يومها مافيها حسنهه وم عندها زوق وجرتني من أيدي بالغصب وطلعنا معاهم مازن جاهو تلفون مشى مننا مسافهه وبقى يتكلم إياد قال لي ما خلوكم تشوفو ابوك لسهه قلته ليهو لالا الدكاتره قالوا لمن وضعهه يستقر قال لي طيب انا حمشي اوصل مازن وتالين المطار لأنه طيارتهم بعد ساعه 💔قلته ليهو بالجد صح هم مفروض يسافروا الليله تالين قالت لي حشتاق ليك ي نور قلته ليها حبيبي وانا برضو حشتاق ليك شديد والله مازن جاء علينا وقال لي نور ممكن نتكلم على انفراد عاينته ليهو مستغربه إياد قال لينا خليكم هنا انا زاتي عايز شهد وتالي شويهه ساقهم ومشو من جمبنا فضل ساكت مسافهه بعدها قال لي احم كيفك قلته ليهو الحمد لله بخير قال لي م عايز اكتر كلام معاك وانت عارفهه اني م بحب الف وادور طبعا نحن كان عندنا موعد الليله والمفروض تديني فيهو اجابهه أو رد على العرض القدمتو ليك عارف انهه الوقت والمكان م مناسبين وأنه الظروف البتمري بيها حاليا صعبهه بس انت عارفه انهه انا زول الوقت مهم عندي جدا يعني عايز منك رد على العرض عشان اتصرف على حسب الظروف وعشان م يكون نفس الصفقه الضاعت قبل كدا قلته ليهو انت براك قلتها الظروف هل انت شايف اني في وضع يخليني اسافر في الوقت دا؟ قال لي انا عارف انك م حتقدري تسافري بس انا عايز رد انت موافقه على العرض ولا لا؟ قلته ليهو انا من ناحيه موافقه اوك انا م عندي مشكله بس قاطع كلامي وقال لي تمام ي ستي ودا المهم لحدي هنا انت دامك موافقه قلته ليهو بس انت قلته لازم اسافر قال لي والظروف الانتي فيها حاليا م بسمح ليك اطمني ي ستي انا حكون على تواصل معاك وحفهمك المفروض انك تعمليهو قلته ليهو افهم من كدا انه م عندك مشكله في انك تسافر وانا هنا قال لي قلته ليك حتواصل معاك وافهمك اوك إياد وشهد وتالي جو علينا إياد قال ليهو مازن لو خلصتهه ممكن نمشي لأنه الزمن بتاع الإقلاع قرب قال ليهو لالا ماعندي حاجه خلينا نمشي تالين حضنتي وودعتني وسلمت على شهد واتحركت مازن قال لينا يلا سلام إياد قال لي نور مسافه السكهه بس اوصلهم المطار واجي قلته ليهو طيب اخد راحتك وطلعو شهد قالت لي وووب على من مازن النصري ي يمهه الولد سماحهه وزوق والله انت ي نور زفتهه اسي دا بقولو عليهو متوحش ي يمهه كمان جاء لحدي المستشفى عشان يشوف ابوك احييي انا لي الله عاينته ليها من فوق لتحت وحمرته ليها كدا 😒قلته ليها شايفاني فايقهه شديد لي حركاتك دي اسي صاح ضحكت وقالت لي خلاص معليش بس ي هنايهه دي الحقيقه قلته ليها شهد انجري قدامي خلينا نشوف حبوبهه بقت كيف م ناقصه معاك عولاق 🙄مشينا على غرفه حبوبهه كانت نايمه لقينا معاها جدو وعمتي مني وشروق وعمو عبدالرحمن ومرتو سلمتهه عليهم وقعدنا قلته ليهم حبوبهه م صحت لسهه بقت كيف جدو قال لي كويسهه الحمد لله الدكتور قال ضغطها رجع طبيعي قلته ليهو طيب الحمد لله جدو قال لي بقيتي كيف انت ي بتي قلته ليهو كويسهه عمو عبدالرحمن قال لي ابوك وضعو شنو قلته ليهو الدكتور قال مخليهو تحت المراقبه ووضعو مستقر عمتي منى قالت لي يعني صحى ولا لسهه قلته ليها لسهه 💔مرت عمي قالت لي الحمد لله ي بتي على المصايب البتجي سوا دي الله يجازي الكان السبب بس طبعا مرت عمي عبدالرحمن م بطيق عمتي نهاي ودايما الشحمه والنار معاها عمتي عاينت ليها من فوق لتحت وسكتت وانا اتكيفت من كلامها وقلته ليها والله على قولك الله يجازي الكان السبب على العموم انا راجعه الغرفه عشان ماما براها طمنوني على حبوبهه أول م تصحى جدو قال لي سمح ي بتي طلعته من غرفهه حبوبهه ومشيت الغرفه المرقدين فيها بابا وقفته بالشباك وانا بعاين ليهو شهد ربتت على كتفي قالت لي الله بغطيهو وبرفعو عشانك ادعي ليهو بس قلته ليها أن شاء الله اتلفته على صوت زول بقول زفتهه اتلفته لقيت ريم وولويهه في وشي ريم من وصلتنا وقعت في شهد لبع وضرب وولويهه صاره وشهاا وبتعاين لي قالت لي شهد انت واحده كلبه ورمهه عرفنا دي داخله في صدمهه وم مجمعهه انت م بتعرفي تتصلي وتكلمينا انهه عمو في المستشفى شهد شغاله ليها دقيقه اوريك والله دقيقه وهي بتحاول تغطي جسمها عشان ريم م تلبعها قالت ليها توريني شنو م توريني م دايره اسمع منك حاجهه انت واحده رمهه ومستكلبهه ولاء قالت ليها بالجد ي شهد حركتك زي وشك يعني لو م إياد م كان عرفنا الحاصل قلته ليهم بنات بالجد شهد م عندها ذنب والله لأنه نحن اتلخمنا والله حقكم علي انا ريم قالت لي انت حتجاوزك بس عشان الوضع الانت فيهو لكن بختها ليك وجات حضنتي وولويهه قالت لي زي م قالت ريم بتعرفي تتصلي لي شهد م بتعرفي تتصلي لينا لكن اصبري لمن يجي وقتو شهد قالت ليهم والله م اتصلت علي انا كنت مع  إياد لما نور اتصلت عليه ريم قالت ليها هسس ولا كلمهه المهم بعد جوطهه وزلهه حتى رضو سلمو على وسالوني من وضع بابا ومشينا الغرفه الكنت مرقده فيها سلمو على ماما وقعدو يتنوسو معاي وشهد الشمشاره حكت ليهم بي زياره مازن النصري واستلموني تشغيلات وحركات غايتو قلبو المستشفى دي فوق وتحت كأنهم م جاين زياده لمريض والممرضات ديل كل شويهه يجو ينبهوهم بي انهم يسكتو غايتو اتفضحنا......

كنت براقب في الوقت بالدقيقة والثانيه وانا منتظر رد نور الحسيني على العرض القدمتو ليها ولسهه م عارف السبب كنت بقنع نفسي انه انا عملته العلي وتصرفاتي دي كلها بسبب احساسي بالذنب لكن الصوت الكان بجيني وبقول لي وين الذنب العظيم الانت عملته ويستاهل تكفر عنهه بالعرض دا فعلا م كان مستاهل انهه أقدم ليها عرض كدا وم كنت عارف السبب الخلاني اطلب منها تجي تشتغل معاي في الشركه حسيت الوقت بمشي براحهه وانا منتظر ردها ومواعيد سفري اللاجلتها من اسبوع لي أسبوعين عشان بس اسمع إجابتها و م عارف عنها خبر ومن غير م احس بلقى نفسي عايز اعرف هي بتفكر في شنو وهل حتوافق ولالا لحدي م قررته انه اسأل إياد عن الموضوع انتظرته لحدي المساء جاء داخل كان تعبان وباين عليهو مرهق شديد سلمته عليهو وسألته الحاصل شنو قال لي انهه ابوها وقع وجاتهه نوبهه قلبيهه وهو كان معاها في المستشفى لقيت نفسي ملهوف وبساله عن حال نور ووضعا حكي لي انهه حالتها سيئه نسبهه لأنها متعلقه بي ابوها جدا حسيت انهه في حاجه شاداني وأني لازم اكون معاها في وقت زي دا وما اترددت ابدا في انه اطلب من أياد ياخر مواعيد الطياره شويهه ويسوقني انا وتالين نزورهم في المستشفى ونطمن على حالتهم ملامح إياد والاستفهامات الكانت مرسومه على وشو كانت مبرره جدا لأنه انا برضو كانت عندي نفس الاستفهامات ليه. انا بعمل كدا وعشان شنو اصلا؟ يعني شنو نور الحسيني وكيف هي قادره انها تحتل حواسي كدا وتشغل بالي لدرجه اني أأجل مواعيد طيارتي عشان اطمن على صحتها هي وابوها وفعلا مشيت مع إياد واطمنته عليها مع انه م كان مبرر بالأنا بعمل فيهو دا اول م شفتها كانت ملامحها حزينه وعيونها واقعهه وباهته شديد وباين عليها التعب والإرهاق قلبي وجعني من شوفتها كدا وحسيت انهه عايز أهديها واقول ليها كله حيهون بس اكتفيت بي انهه راقبتها من بعيد وانا ساكت نور الحسيني كل يوم بتخليني اسأل نفسي الف سؤال في الثانيه شنو المميز فيها ومخليها تتمحور وتدور في أفكاري للدرجه دي حتى لما طلبته منها تديني جواب على العرض القدمتو ليها كنت متنمي من قلبي انها توافق اول م سمعته موافقتها حسيت اني مبسوط وم كان عندي نيه اتناقش معاها في التفاصيل اكتفيت بي انه اختصر عليها حاجات كتيره واقول ليها انه حكون على تواصل معاها م بنكر انه تصرفاتي الفتره دي م مفهومه حتى بالنسبه لي انا م قادر افهم ليهه بتصرف مع نور بالشكل دا وليهه نور مسيطره على أفكاري كدا وليهه كل م احاول اتجاهلا بلقاها بتجتاحني اكتر واكتر رغم مرات لقاي البسيطه شديد معاها وكلامنا المحدود والأسلوب اللي بنتعامل بيه مع  بعض  بس هي شاغله بالي كدا ليه حتى لما وصلته المطار لقيت نفسي بوصي اياد عليها وبطلب منه يطمني عنها انا م عارف البحصل جواي شنو بالضبط ولا قادر افهم احاسيسي كل العارفو انهه نور الحسيني شخصيه انا م قادر أتجاوزها حتى لو عايز .....

#تعافيت - به
#هويدا عبدالله