تعافيت به

تعافيت به ٢٢

بعد إصرار إياد على انهه يوصلني وانا سلفا عارفه انهه عنيد وحيتلايق فيني فاستسلمته من سكات وركبتهه معاهو ونحن في الطريق قال لي ي نور انت بكره عندك حاجه قلته ليهو حاجهه زي شنو م فهمته قال لي يعني ماشهه الشركه ولاحتقعدي في البيت ولا برنامجك كيف قلته ليهو المفروض انا الليله امشي افهم الحاصل شنو وبكرهه اداوم في الشركه  اللي انا اصلا م فاهمه فيها حاجه وعمو معاوية يشرح لي المفروض اعملوا هناك عشان أوقع الصفقه اللغاها راجل عمتي قال لي طيب زيت الزيت معاناها بكره حجيك الساعه ٦ صباحا قدام الباب عشان تمشي معاي المطار قلتهه ليهو ٦ صباحا؟! بتهظر صح منو تصحى ليك زمن زي دا عشان تمشي معاك المطار انت ي ولد ساطل ولا مخك دا م تمام وبعدين عندك شنو في المطار😒 قال لي شوفي حركات دب الباندا بتاعتك دي م بتنفع معاي👊 حتمشي معاي المطار نستقبل اخواني قلته ليهو اخوانك؟ قال لي اي اخوي الكبير واختي الصغيره جايين اجازه اسبوع واخوي بفهم في شغل الشركات والصفقات والحاجات دي لأنه ماسك الشركه حقتنا فأنا حخليهو يفهمك ليها قلته ليهو لكن هو حيجي من السفر تعبان وم ناقص تقوم انت تطلع ليهو بي 🙄قال لي انت اطلعي منها م شغلتك وبعدين تعبان شنو ياخ دا الروبوت بتاع العيله م شاء الله لا بزهج ولا بتعب من الشغل قلته ليهو الله أكبر سرحته الولد خلاص م احسن منك زول مسؤوليه م زيك ي الفارغ ضحك وقال لي اتلهي ي شافعه واهاا حتمشي ولا لا قلته ليهو م عارفه ي إياد بعد اشوف بابا والحاصل في البيت وبديك خبر قال لي ظريف ي زوله فضلنا نرغي لحدي م وصلته البيت حلفته إياد يدخل بس رفض وقال مستعجل عندو مشوار دخلته البيت كان بابا قاعد في كرسيهو المتحرك وجمبو ماما وقصادو جدو ووحبوبهه قاعدين برا في الجلسه اللي في الجنينهه ودي يمكن تكون المره الأولى من بعد غياب اشوف بابا وماما في مكان واحد وباين عليهم مرتاحين وبابا شايل الجريده وبقرا ليهم في عناوين الأخبار كميهه الفرحه الحسيت بيها اللحظه دي م قادره اوصفها ابدا دخلته عليهم وقلته ليهم جلسهه في الحرم ي رب جبنهه بدوني ي خونهه انا اشعر بالزعل 😔ضحكو و جدو قال لي جيتي ي السمحه قيلتي كيف  مشيت عليهو وبوستو في خدو قلته ليه الحمد لله بخير واتحركته على حبوبهه الكانت قاعده في البمبر وجمبها عدة الجبنه قالت لي  حبابك ي بتي بركهه الجيتي طيبهه تعالى اشربي ليك قهوه معانا بابا قال لي حمد الله على السلامة مشيت عليهو وحضنتهه قلته ليهو حمد الله على سلامتك انت  والله ❤️كيفك الليله قال لي الحمد لله متحسن قلته ليهو ربنا يتم ليك العافيه ❤️ماما قالت لي خشي غيري ملابسك مسافهه اجهز ليك حاجه تاكليها قلته ليها لالا انا شبعانه اكلته في الجامعة ح ادخل اخد دش عشان المفروض امشي الشركهه قالت لي ي بتي ارتاحي شويهه وبعدين امشي قلته ليها ماف طريقه ي ماما عم معاوية عايزني ضروري ودخلته جوا مشيت غرفتي اخدته دش وبدلته ملابسي ونزلته تحت لقيتهم دخلو  الصالون قلته ليهم انا حطلع بابا ناداني وقال لي نور عايزك وصليني المكتب قلته ليهو طيب لزيتو ودخلنا المكتب قلته ليهو خير ي بابا عايزني في شنو محتاج حاجه او كدا قال لي لا بس عايزك انت تعالى اقعدي قلته ليهو طيب وقعدته في الكنبه الجمبو مسكني من ايدي وقال لي انت عارفه ي نور انا وامك قعدنا سبعهه سنين بعد زواجنا بدون م نجيب اولاد امك كان عندها مشاكل كتيره وم خلينا مكان عشان تتعالج فيهو في النهايه قبلنا بي قسمتنا وفوضنا أمرنا لله وربنا م خيب رجانا ابدا ورزقنا بيك واول م جيتي على الدنيا دي وانا شلتك بين أيدي وطوالي اديتك اسامهه كنت جميله شديد ووشك منور ملامحك كانت هاديه و بتشبهي امكك اول اسم خطر على بالي ليك كان نور ❤️سميتك نور لأنك نورتي حياتي الكانت فاضيه ومليتيها سعاده اعمامك زعلوا وجاطوا وقالوا سبعه سنهه وجبته بنت قلته ليهم بتي الما عاجباكم دي بكرا هي الوحيده الحتشيلني بتي حتبقى بي مية راجل وانا بتحداكم والليله انت فوزتيني بالتحدي ❤️كنت قدر كلامي وخليتني أحمد ربنا إني جبتهه بت م ولد البنت اللي بالرغم من صغر سنها شالت حمل ومسؤوليه أكبر منها بكتير وبتحاول تكون سند لابوها العاجز ضغط على أيدي وقال لي انا فخور بيك شديد ي بتي وم ندمان اني جبته بنت واحده في الدنيا دي وانا لو متهه حموت مرتاح ومطمن اني خليت وراي سلف صالح قلته ليهو وانا دموعي نزلت بعد الشر عنك ي بابا أن شاء الله بعد عمر طويل وبعدين انت بتقول الكلام الما حلو دا ليهه بكره تقيف على رجولك من تاني وترجع لي احسن من الاول واوعدك انه دايما اكون عند حسن ظنك ابتسم وقال لي لو العمر فيهو مدد ي بتي اسي خلاص قومي شوفي شغلك بي وين م تتاخري قلته ليهو بابا ممكن اسالك سؤال؟ قال لي اتفضلي قلته ليهو م اشتقت لي اسامهه؟؟ 💔جرا نفس طويل واتنهد وفك ايدي ولز كرسيهو بي اتجاه المكتب وقال لي نور على شغلك من غير كلام كتير قلته ليهو بس.. قاطعني وقال لي على شغلك قلته ليهو طيب 💔 وطلعته خليتو ماما قالت لي طولتو جوا ليهه قلته ليها لالا ماف حاجه حطلع انا قالت لي طيب سوقي على راحتك قلته ليها تمام وشلته مفتاح عربيه بابا واتحركته على الشركهه......