تعافيت به

تعافيت به ٢٧

قال لي معاك مازن النصري إذا عندك وقت فاضي ممكن اشوفك بكره؟؟! للحظهه حسيت نفسي بحلم مازن النصري؟يعني المغرور متصل علي انا وبطلب موعد؟قلته ليهو مازن النصري بي حالو عايز مني وقت فاضي بعد العملتو فيني الصباح والاهانهه العرضتني ليها اسي بكل وقاحهه بتطلب تشوفني؟ وبكل عين قويهه بتتصل علي وتطلب موعد فضيت خلاص؟ ولا عندك باقي كلام عايز تقولو لسهه؟ بكل برود الدنيا قال لي على العموم انا م متطر ابرر ليك حاجه ابدا إذا لقيتي نفسك فاضيه بتعرفي الشركه تعالي الساعه ١٢ بالضبط وإذا م عندك وقت ف راحتك شديد وطق قفل الخط في وشي تخيلو قفل فيني الخط الحيوان كل مره بثبت لي انهه انسان تافهه وحقير ومغرور بس كان عندي فضول اعرف بالجد عايز مني شنو  نمته وانا بفكر في الموضوع، صحيت الصباح على صوت المنبه اخدته دش وصليت لبسته ابرول أسود ومعاهو جكت جينز صغير وعملته شعري ضنب حصان وشلته شنطه صغيره بالون التيفاني وشبك بنفس اللون عملته ميكب هادي واتعطرته شلته نظارتي الشمسيه ومفتاح العربيه ونزلته تحت لقيت ماما و بابا و حبوبهه وجدو كلهم ملموين صبحته عليهم ماما قالت لي الليله بدري كدا ومتحمسهه خير قلته ليهو وانا بشيل قطعهه من الكيكهه خيرين عندي محاضرات ووراي شغل وعاينته لي بابا وغمزته ليهو وقلته ليها و حاجات تانيه بابا فهم كلامي وابتسم مع انها ابتسامه باهته بس حسيت انه فيها نوع من الرضى في الأنا بعملو ماما قالت لي أفهم من كدا انها مواضيع بين البت وابوها قلته ليها ييييس ضحكت قالت لي سمح لما نشوف اخرتكم شربته الشاي وانا واقفه وبوسته بابا في راسهه وقلته ليهو ادعي لي ابتسم وقال لي أن شاء الله طلعته طوالي واتحركته بالعربيه لحدي الجامعه اتصلت على إياد م رد عرفته حيكون نايم الحيوان فضلته اتصل في النهايه حتى رد سبيت ليهو ونبزتهه لمن روحي طلعت قال لي مسافه السكهه بس واصلك اتصلته للبنات قالو قاعدين جمب القاعه مشيت عليهم شهد اول م شافتني جات علي ولبعتني لمن الله غفر لي وقالت لي انت ي كلبه ي رمهه بقيتي سافهاني وعامله فيها شخصيه مهمه وم بنشوفك الا في السنه حسنهه ريم قالت ليها اي اي بقت مفتريه وم عندها لينا حاجهه ولويهه قالت ليهم حرام عليكم هي مضغوطه مع مشاكل الشركه قلته ليها حبيبي ماف حد غيرك فاهمني شهد قالت ليها انت ي الأم الحنون اخرصي بالله ماف شغل يحميها شوفتنا ولا تتواصل معانا م كفايه انها شالبهه صحبي خليهو ينفعك ويضوي ليك ضحكت وقلته ليها غيرك انت ماف ضي ي جميل وحضنتها قالت لي م تموتي لي قلبي ي زوله وم عايزه معاك كلام والله انت بقيتي رمهه خلاص قلته ليها والله حقكم علي انتو م عارفين الحاصل بس ياخ انا النوم فارقته من جري الشغل للجامعه للغيرو ريم قالت لي اممم خلاص ي زوله نسامحك لكن بشرط الطقهه عليك الليله ضحكته قلته ليها كدا بس عيوني ليكم ولويهه قالت ليهم انا م حقدر قبل م تكمل كلامها شهد قالت ليها الليله ي بت الكلب ابقي مرا قولي ماشهه تاكلي مع حبيب القلب عشان اقتلك واشرب من دمك ولويهه عاينت ليها بي خوف وسكتت وانا ضحكت عليها قلته ليهم يشهد الله انتو سناقل حاقدين م تخلو البت تشوف راجلها بي وين شهد قالت لي تترجى الدجال انت وهي كل يوم هو م بمسخ الكلام دا ضحكته وقلته ليها انت واحده حاقده بس ريم قالت لي اها ي نور الشغل كيف قلته ليها م تذكريني واااي بس ياخ كميهه بتاعت ضغوطات قلته ليها شهد م وريتك تخيلي كنت ح أوقع صفقه مع منو؟ قالت لي منو قلته ليها متذكره الولد العملته معاهو الحادث وصحبه قالت لي حادث شنو انت عملتي حادث متين 😐عاينته ليها كدا😒 قلته ليها شهد 🙂ضحكت قالت لي والله م متذكره نطتت ريم قالت لي قصدك الولد الجاء سلم علينا في المطعم قلته ليها لالا الولد الكبيت فيهو العصير شهد قالت لي واااااااااااااي فارس أحلامي القمحي الملتحي ابو حواجب ورموش ومعضل وطويل 😍قلته ليها اسي م قلتي م اتذكرتي قالت لي هو دا بتنسي ي يمهه انا انساك انت م انساهو واحي بس لقيتي وين ي بت الكلب انا جايهه اشتغل معاك مدام شغلك دا بجيب حاجات زي دي قلته ليها اتلهي وم تذكريني م شفتي عمل فيني شنو ي شهد قالت لي من موقف المره الفاتت انا متأكده انه المره دي حتكون أسوأ من الفاتت لأنه باين عليهو مغرور وشايف نفسهه وانت استفزيتهو لا وكشحتي فيهو بكل برود دم العصير اها وريني عمل ليك شنو قلته ليها الكلب الحيوان اهاني في مكتبه وقدام الناس وحكيت ليهم الحصل كلهه شهد ماتت من الضحك وريم شغاله لي نور الحسيني في فتيل عاينته ليهم كدا 😒ولويهه قالت لي يخسي عليهو الولد دا حيوان خلاص ليهه يعمل معاك كدا قلته ليها اسي عليك الله ديل صحبات بعد مسافهه وقفو ضحك وشهد قالت لي اها حتمشي تشوفي؟ قلته ليها م عارفهه والله بنتكلم كدا فجأة ريم صرخت وقالت تلو الحلوه وقامت عاينته ليها لقيت إياد جاي ومعاهو بت أقل م يقال عنها قمبلة كياتهه قصيرونه كدا ومليانهه شويهه وعيونها عسليه واسعه حلبيهه شديد وملامحها طفوليهه كانت لابسه فستان مورد زهري بي اوف وايد ولافه طرحهه اوف وايد يعني حجاب رغم صغر سنها الواضح بالجد كانت ايهه من الجمال ❤️جات على ريم وحضنتها وبعدها سلمت على ولويهه وشهد سلام معرفهه بعدين جاتني انا وقالت لي نور المجنونه صح ضحكته وسلمته عليها قلته ليها ايوا قالت لي كيفك جيت المره الفاتت وم اتلاقينا انا تالين قلته ليها ايوا المره الفاتت كنت مشغوله شويهه اتشرفنا ي تالي إياد وصلنا قال لينا انا م عندي نصيب من البوس والاحضان دي شهد قالت لي يحضنك قطر احترم نفسك على الأقل قدام اختك دي تالي ضحكت قالت ليها لما يتعلم يحترم نفسه قدام ابوي اول دا الطبيعي بتاعه قال ليها اها بدينا شر غسيل يرجعك لاخوك اسي ضحكت وقالت ليهو لو بتقدر عشان يعلقك قعدنا نضحك عليهم فضلنا نتونس ونرغي وتالين كانت مندمجه مع البنات شديد وشكلها زوله مرحهه ودمها زي العسل حبيتها وحبيت تعاملها فجأة إياد وجهه لي كلامه  وقال لي نور مشينا قلته ليهو طيب شهد نطتت قالت لي اها ماشين وين ي عشاق زمانهم ضحكته قلته ليها ماشين نتمعشق إياد قال ليها عايز نور دي خمسهه قالت ليهو خمساتك كترت ي اخوي ضحك قال ليها بتغاري علي ي بيبي اعترفي انك بتحبيني وبتغاري 😔 قالت ليهو غارت عليك حيطهه ي بعيد اللهي الحبه التخنقك خلاص طير غلطانه انا البسألك قعدنا نضحك عليها إياد قال لي تالين خليك مع البنات م بتاخر قالت ليهو طيب وطلعنا انا واياد كافي جنب الجامعه طلبنا قهوه وقعدنا إياد كان متوتر على غير العادة حسيته م مرتاح ابدا قال لي اها خير هدا جينا مكان هادي قولي كنت عايزني في شنو؟ قلته ليهو خليك مني انت مالك فيك شنو؟ قال لي لالا ماف حاجه قلته ليهو إياد قال لي بعد تخلصي كلامك انا بوريك مالي قلته ليهو اممم طيب لما نشوف وبديت احكي ليهو الحصل كلهه وكلام الدكتور ووعدي لي بابا وعايزه اعرف عن الادله ووو..الخ قال لي بالجد ي نور نحن راحت علينا النقطه دي كيف؟ اكيد شمس ورا الموضوع دا كلهه لكن مستحيل تقدر تعمل حاجه زي دي براها لازم يكون في زول ساعدها عشان تصل لأوراق مهمه زي دي الماليه ماسكهه منو في شركتكم؟ قلته ليهو عم معاويه قال لي م معاهو زول تاني قلته ليهو لا كان معاهو اسامهه من فتره لكن لما بابا مسك اسامه الفرع خلاها قال لي معناها عم معاويه هو المسؤول عن لخبطته الأوراق قلته ليهو لالا مستحيل قال لي م هو م منطقي أوراق زي دي تقع في ايد شمس بالساهل كدا قلته ليهو دقيقه دقيقه انا اتذكرته حاجه بكون أحمد ورا الموضوع دا قال لي احمد؟ قلته ليهو ايوا أحمد ولد عم معاويه وحكيت ليهو عن لما لقيناهو انا وشهد مع شمس ولحدي م لقيتهم في المكتب بتناقشهه ويوم لقيته بفتش في مكتب عم معاويه وبديت اربط الأحداث مع بعض قال لي بس نحن كدا مسكنا طرف الخيط اكيد دا ملعوب منهم الاتنين وهم الورطو اسامه في حاجه زي دي قلته ليهو بالجد ي إياد يعني انا متأكده اسامهه مستحيل يعمل حاجات زي دي قال لي بس ي ستي نحن لازم نحاول نعرف السبب الأول لي أحمد في انهه يساعد شمس في حاجه زي دي شنو قلته ليهو طيب حنعرف كيف ي إياد قال لي لازم نراقب أحمد كويس ونشوف كل تحركاته هو وشمس وعشان نتأكد من الموضوع بعدين نعرف نحلهه قلته ليهو تمام انا حشوف زول يساعدني في انهه يراقب تصرفاتهم جوا الشركه قال لي وتوصي زول ليه الموضوع م مستاهل مش الشركه فيها كاميرات مراقبه؟ قلته ليهو ايوا قال لي بسس تمشي تشيلي التسجيلات كلها من قبل المشكله لحدي الوقت دا لمكتب كل واحد فيهم حيكون الموضوع ساهل لأنك أنت المديره وماف زول حيسالك عايزه بيها شنو قلته ليهو اياااد ياخ انت عسل وربي انا كيف م فكرته في حاجه زي دي قال لي عشان انت واحده غبيه وتفكيرك كلهه اكل ونوم ي باندا 🐸قلته ليهو ههه م ناقصة ظرافه قال لي ظرافه ولا غزاله،🐸قلته ليهو إياد ضحك وقال لي خلاص معليش خلينا في المهم زي م قلته ليك اعملي وانا حجي معاك الشركه ونشوف التسجيلات وانا بزاتي ح أعين زول يراقب لي كل تحركات شمس وأحمد خارج الشركه لحدي م نوقعهم قلته ليهو إياد بالجد انا م عارفه اشكرك كيف على الانت بتعمله عشاني قال لي ي بت انت هبله انت معزتك عندي زي تالين وبعدين نحن أصحاب ليهه يعني لو م لقيتني وقت الشده حتلقيني متين؟ قلته ليهو وقت السكون ضحك وقال لي ماف مسكون غيرك ي متخلفه ضحكته بعدها سرحته لي ثواني فيهو وابتسمته وقلته ليهو عارف انك بتذكرني بي اسامهه 💔انا اشتقته ليهو شديد ي إياد نفسي نرجع نعيش تاني مع بعض سنه وشويه م سمعته عنهه حاجه ولا صوتهه حتى ولا عارفه هو وين ولا الحاصل عليهو شنو عايش حياته كيف من دون وجودنا وخصوصا تعلقه الشديد بي امي فاقدهو وفاقده تصرفاته كان بقول لي بقره نوامه زي م انت بتقول لي باندا دموعي نزلت وانا بتكلم 💔إياد قال لي كله حيتحل قريب ي نور صدقيني وحترجعو تعيشو مع بعض تاني وي ستي انا مش قلته ليك اعتربيني اخوك انا هنا ي نور م حتخلى عنك عارف انه م حقدر اعوضك غيابه بس ححاول على قدر م اقدر بس عايزك تفضلي قويهه وقشي دموعك دي بالله م تملينا قرف 😂صريت ليهو قعد يضحك قال لي خلاص معليش فجأة صرخته وقلته ليهو م وريتك م وريتك م وريتك قال لي م وريتيني شنو اها مالك بتكوركي قلته ليهو تخيل منو الاتصل علي امبارح بالليل قال لي منو حبيبك 🐸❤️قلته ليهو إياد ضحك قال لي اها منو خلاص م شايفك متحمسه عشان كدا  قلته ليهو الحيوان المتكبر المغرور الكريهه قال لي لاحولا دا منو كمان الانتهيتي منو دا 😂 قلته ليهو في غيرو مازن النصري فجاه إياد بقى عامل كدا 😐قال لي مازن اتصل عليك قال ليك شنو كان عايز شنو قصدي  ؟؟ قلته ليهو اي اتصل علي تخيل عايز يلاقيني م بخجل من نفسه بعد كل العملو معاي بقول لي لو عندك وقت تعالى الساعه ١٢ الشركه ولو م عندك براحتك وقفل فيني الخط اتخيل ياخ انا م لاقاني انسان بالبرود و الحقاره دي قبل كدا قايل نفسهه منو واحد تافهه وبدون أخلاق م كنت غلطانه لما سميتو المتوحش إياد كان ساكت وعامل كدا 😷قلته ليهو وانت ساكت مالك كمان عاين لي مسافه وفكاها ضحكهه طويله قلته ليهو ممكن اعرف المضحك في كلامي شنو واصل ضحك وهو وبعاين لي قال لي قلتي لي شنو متوحش حرام عليك والله اخوي م بالسوء دا كلهه 😔قلته ليهو شنو؟؟ اخوك؟ سكت وهو مبتسم ورفع لي حاجبهه عاينته ليهو وانا بضيق عيوني باستفهام ضحك وقال لي نور انا كنية عيلتي شنو؟ قلته ليهو م عارفهه 🙂قعد يضحك تاني ووقف على حيلهه ومدا لي أيدو وقال لي مرحب انا إياد النصري عاينته ليهو بعدم تصديق ضحك ورجع قعد في الكرسي قلته ليهو إياد بتهظر صح؟ ابتسم وقال لي اول مره اكون جادي كدا بالجد ي نور انا إياد النصري والكنت بتتكلمي عنه قبل شويهه دا مازن النصري اللي هو اخو إياد النصري الكبير 😁للحظه حسيت نفسي اتجمدت وم قدرته اقول حاجه فضلت ساكته وانا بعاين لي إياد وانا محرجه وم عارفه اقول شنو بعد مسافه قلته ليهو طيب ليهه م حصل قلته لي الكلام دا ولا جبته لي سيره الموضوع دا وانك من عيلة النصري المشهوره قال لي دا السبب عيلة النصري المشهوره  لأنه م كنت عايز زول يعرف الحكايه دي اولا عشان التطبيل الحيحصل في الجامعه ولمة الناس حوليني والأجواء الما دسيسه دي انا كنت عايزه الناس تعرف اياد وبس زميلهم والاساتذة يعرفه طالبهم م المستثمر الرئيسي في جامعتهم م بحب الاجواء دي ي نور ولا بعرف ليها ولا بهمني إني أتكلم كتير عن عيلتي واملاكهم عشان انا من جيت السودان كان نفسي اتغير بالجد وم عايز نفس الإهتمام والشلل الكنت مصاحبها اتلم حوليني بسبب عيلتي ومكانتهم بس ثانيا انا م كنت عارف انه الصفقه الانت عايزه توقعيها مع مازن أو مع شركتنا بالأصح وم عرفته الا أمس بالصدفه من مازن لما طلبته منك تلاقي مازن عشان تدربي عندو ويفهمك طريقه الشغل وافق وطلب مني اديهو اسمك وحدد معاي المواعيد ولما ذكرته اسمك هو زاتو اتفاجئ وعرفته منو الحصل والحوار الدار بينكم كله حتى اني لمتهه وشاكلته على تصرفهه معاك ودا الموضوع الأنا كنت عايزك فيهو صدقيني ي نور انا م كان عندي علم ابدا انه الصفقه مع شركتنا وأنه مازن هو الاهانك بالطريقه دي وانا حاليا بعتذر جدا بالنيابه عنه وحقك علي شديد مازن م سئ بس تقدري تقولي انهه عصبي بزياده واحمق في تصرفاته لأنه من قام وهو متحمل مسؤوليات وبعيد كل البعد عن مجتمع البنات والأجواء والتعاملات الغير رسميه زول رسمي وانطوائي لدرجه بعيده انا أحياناً بناديهو روبوت لأنه طبيعي من مكتب الشركه لي مكتب البيت من قام ودا طبعه قلته ليهو بس دا م بديهو الحق انه يتصرف على كيفو مع الناس معليش ي إياد بس اخوك دا انسان معاق ومريض فكريا قال لي ليك الحق تقولي عنهه كدا م اعترض على كلامك ولا ح المع ليك عشان هو اخوي تصرفهه معاك كان غلط كبير وانا لمتهه وشاكلته بس لو كان سئ زي م انت بتقولي م كان اتصل ليك وطلب منك تلاقيهو مازن عيبهه الوحيد في الدنيا انهه م بعترف بي غلطهه نهاي م بعتذر لكن بتصرف تصرفات تدل على ندمهه حتى لو كان فيها نوع من الغرور والدليل على كدا انه اتصل عليك يعني لو كان م حس بي غلطته م كان حاول يصلحو ويديك فرصهه تانيه فضلته ساكتهه وبعاين ليهو قال لي نور م عايزك تسامحي مازن على العملو معاك عشان هو اخوي أو كدا بس اديهو فرصهه تانيه عشان المصالح البينكم وعشان خاطر الشركه مدام مازن بحد زاتو طلب تشوفيهو معناها الموضوع كبير بالنسبه ليهو لاني بعرف اخوي كويس عمرو م عملها مع زول قبل كدا فعليك الله امشي ليهو قلته ليهو بس ي إياد قال لي نور عشاني وعشان الشركه انا م عندي دخل في الشركه ولا مسؤولياتها ولا قاعد ادخل في الشغل كتير بس صدقيني مازن قادر يرجع شركتكم زي اول اي حاجه قالها ليك امسحيها في وشي انا وانا ح أفضل اعتذر ليك لحدي م ترضى بس م تضيعي الفرصه دي من ايدك رجاء إياد لي وكلامه الكان صحيح وخصوصا وضع شركتنا وصحه بابا والحاجات دي كلها م خلت لي مجال للرفض لأنه بالجد انا محتاجه للصفقه دي قلته ليهو طيب انا موافقه بس بشرط قال لي شنو قلته ليهو تمشي معاي ضحك وقال لي خايفه منو ولا شنو م بياكل على فكره عاينته ليهو كدا 😒قال لي خلاص خلاص معليش وي ستي حاضر حنمشي ليهو سوا وكمان معانا تالين قلته ليهو تمام قال لي يلا خلينا نرجع للبنات عشان شهد حتقتلني لو اتاخرته اكتر من كدا ضحكته وقلته ليهو كبير كدا ويهرشوك قال لي ي زوله هوي دي شهدون بي حالا 👊 قلته ليهو اممممم ملاحظه ليك انا ملاحظه ليك 💅قال لي ملاحظه شنو كمان قلته ليهو لالا ولاشي كلهه في وقته حلو ي حلو جراني من شعري وقال لي ااابت انجري قدامي من سكات ضحكته ومشيت معاهو رجعنا الجامعه فطرنا واتونسنا بعدها كان عندنا محاضره حضرناها واتصلته على إياد لقيته منتظرني في العربيه هو تالين طلعته معاهم واتحركنا على شركه النصري ......