تعافيت به

تعافيت به ٢١

طيلة الفتره الفاتت وانا بحاول اصل لي عماد الدين دا بس بدون فايده بحثته في كل الإماكن الممكن تخطر على بالك ي مهند بس م عندو إثر حتى اني لما نزلته السودان ومشيت للعنوان المكتوب في البيانات العندي م كان فيهو زول وسألته الجيران قالوا انهه الناس دي رحلت من اكتر من ٢٠ سنهه والصراحه انا تعبته من الموضوع دا زاتوا بس ابوي رافض ومصر اني احاول لسهه قال لي والله دي مشكله اسي ناوي تعمل شنو قلتهه ليهو م عارف ي مهند والله انا الشغل كله بقى في راسي من يوم إياد م عارف الخطر على باله شنو فجأه وقعد في السودان لا وكمان حول في الجامعه هناك وعامل فيها عايز يكمل قرايتهه والله الولد دا انا كرهني وغلبته معاهو الصراحه مره عايز يقرأ ومره لا ابوي خربوا شديد بالدلع وم عارف حيبقى راجل ويتحمل مسؤولية متين مهند قال لي خليهو يكون لقى ليهو مزه هناك م بقدر يخليها انت عارف اخوك في الجكس م عندوش يمهه ارحميني 😂قلته ليهو والله عندك حق انا زاتي شاكي في الموضوع فجأه كدا يرجع الجامعه مره واحده دي الا كان مزه قاطعه عديل 😂غايتو ربنا يصبرني لحدي م ابوي يرجع الشغل تاني واتفك من المصايب دي اسي م صدقته انه رجع وقف على حيلو والدكاتره طمنونا عليهو ووضعه وطلعته البيت دي براها خطوه كويسه وحالته النفسيه ماشه كويس من يوم قلته ليهو اني قربته اصل لي عماد وانا حاسي الفرحه م سايعاهو والله عندي فضول اعرف عماد وسرو الكبير البتعلق بي ماضي ابوي بس خايف اسأله يرجع يتوتر ووضعو يتدهور تاني مهند قال لي اي م تحاول تجيب ليهو سيرة الموضوع دا نهاي وإذا سألك قول ليهو قربته بس وبالمناسبة عندي ليك خبر حيخليك تضحك شركات الحسيني رفضت توقع معانا الصفقه 😂قلته ليهو كيف كيف؟! ي زول رفضوا عديل كدا 😂م مصدق  والله مش في يوم كانوا بترجونا نوقع معاهم الصفقه الجد شنو؟ والله وطلع ليكم حس ي شركات الحسيني قلته لي برفضو صفقات كمان ااا قال لي سمعته انه صاحب الشركه مرض واتشل للأسف وحاليا الشركه م فيها زول مسؤول عشان كدا قلته ليهو خلاص ألغى العقد طوالي بدون تردد واتصل بالشركه بتاعت الإمارات وقع معاها م عندنا زمن نحن ولا محتاجين شركات الحسيني في حاجه بالعكس هم المحتاجين العقد دا نسبه لظروف شركاتهم السيئه وانا عملته كدا اساسا عشان اعوضهم عن الخساره السببتها ليهم المره الفاتت مهند قال لي ممكن ننتظر شويهه ي مازن لأنه هم لسه م أكدوا عدم قبولهم للصفقه تماما قلته ليهو مهند أنجز بالله القلتوا ليك انا م عندي زمن لحاجات سخيفه زي دي دا بزنس م لعب عيال اوك وبالمناسبة الطياره بكرا الساعه كم كدا؟ قال لي الطايره الساعه ٣ صباحا قلته ليهو انت حتفضل هنا وانا حتحرك السودان حاقعد اسبوع واجي راجع م عايز أوصيك على امي وابوي وتالي قال لي عيب عليك ي صحبي في زول بوصو على أهله بعدين انا حقعد معاهم في البيت لحدي م انت تجي قلته ليهو خلاص عديله ي اخوي أنا حطلع على البيت اسي اللحق ارتاح عشان م افوت الطياره يلا سلام، اتحركته على البيت وصلته لقيت ابوي قاعد في كرسيهو و امي وتالي بحضروا في فلم مشيت عليهم وقلته ليهم جلسه في الحرم أن شاء الله امي قالت لي امين يارب قيلته كيف ي ولدي قلته ليها بخير الحمد لله انتو كيفكم واتحركته على ابوي قلته ليهو كمال النصري بي حالو مشرفنا في الصالون م شاء الله شايفك شديت حيلك ي بطل ايوا كدا خليك قوي مرض شنو كمان البقدر على النصري وسلمته عليهو في رأسوا ضحك وقال لي الحمد لله ي ولدي كله بفضل ربنا قلته ليهو لالا الحمد لله عقبال م تقوم وترجع احسن من الاول كمان قال لي ان شاء الله ❤️ قاطعتني تالي قالت لي مازن انا زعلانه منك م تتكلم معاي وصرت وشها  مشيت عليها وقلته ليها لالالا دا كلام كبير شديد انا مزعل الاميره تالين بي حالا حنيت راسي وقلته ليها سموك انا اسف جدا ولكن ماذا فعلت ضحكت وتاني صرت وشها قالت لي م تحنكني بس م عايزه معاك كلام قلته ليها  خلاص إياد هدا فيك م تحنكني ماشين وين ي اولاد النصري امي ضحكت قلته ليها طيب ممكن اعرف فصعونتي الحلوه زعلانه من اخوها في شنو عشان اعرف أراضيها قالت لي مش انت وعدتني تسوقني معاك السودان ليه م سوقتني بس إياد مشى وانا لا قلته ليها بس كدا مسكتها من مقدمه انفها وقلته ليها اسي دا السبب المزعل أميرتنا الحلوه طيب ي ستي انت تامري وانا على انفذ انا بكره نازل السودان جهزي نفسك الطياره الساعه ٣ واعملي حساب حنقعد اسبوع قالت لي بالجد 🥺 قلته ليها ونحن نقدر على زعل سمو الاميره كمان حضتنتي وقالت لي مازن انا بحبك ياه 😭❤️ ابوي قال لي بس ي مازن حتقعد في البيت براها كيف وانت يومك كله في الشغل واياد في الجامعة قلته ليهو م تشيل هم ي حاج بتصرف انا ومستحيل اخليها في البيت براها بس نحن م بنقدر على زعل الجميل دا امي قالت ليها خلاص يلا اجهز معاك شنطتك عشان م تاخري اخوك بكرا وطلعوا فوق قعدته مع الحاج وكان عندي احساس حيسالني من عماد وانا م كنت عارف ح اقول ليهو شنو فحاولته اغير الموضوع وقلته ليهو اها ي حاج الصحه ماشه كيف بتاخد ادويتك في مواعيدها قال لي الحمدلله على كل حال قلته ليهو ربنا يعجل الشفاء أن شاء الله وترجع لي شغلك الخاتيهو لي في راسي دا انت عجزته ولا شنو م صدقته لقيت الراحه وقلته اخلي الشغل لي مازن المسكين دا أنت واولادك تدلعوا علي عشان لاقيني الكبير اسي لو كان عندي اخو كبير كان دلعني لكن الله فوق 😂 لاحظته بعد كلامي القلته دا ملامح ابوي اتغيرت ١٨٠ درجهه وفضل ساكت وسرح قلته ليهو خير ي حاج في حاجه؟ قال لي بصوت مبحوح لالا ماف شي بس اسندني عايز اطلع غرفتي ارتاح حاولته اعرف الضايقو شنو من كلامي بس م اداني فرصهه سندتو لحدي غرفته ورقدته في السرير وطلعته وانا بفكر السبب الضايقو من كلامي شنو..؟ دخلته غرفتي اخدته دش وجهزته شنطتي للسفر سرحته وانا بعاين للصور والأوراق القدامي ونفسي اتجاوب على الاسئله الكتير البتدور في راسي قطع تفكيري صوت تلفوني وكان إياد متصل علي فيديو كوول رديت وقلته ليهو سي إياد أفندي بحالهه متصل علي انا والله عجايب الدنيا ياخ قال لي البووص ياخ والله مشتعلقين متجيب بوسهه قلته ليهو مشتعلقين وبوسهه  مصحلتك شنو أنجز قال لي أخص عليك انا بتاع مصالح كمان ضحكته وقلته ليهو أياد م فاقدك والله انا نعسان وطيارتي كمان ٣ ساعات عايز اتخمد قال لي جاي السودان بكرا 😍 قلته ليهو ايوا جاي وجايب معاي تالي قال لي معناها عزززه عديل ي مان وانا كنت عايز احنكك عشان تجي وبتاع لكن مدام انت جاي بوريك بكرا  في شنو يلا اسي اقطع وشك لحدي بكره بديك الزيت قلته ليهو احنكك وزيت لالا ماشي كويس ي ولد النصري السودان شغال ضحك وقال لي اصلا انت شفتهه حاجه قلته ليهو وم متنمي اشوف الصراحه لأنه م مطمن ابدا ضحك وقال لي لالا ياخ اطمن وبتشوف براك قلته ليهو تمام ي سيدي سلام وقفلته الخط كنت مرهق وتعبان شديد رقدته في السرير وضبطه المنبه وطفيت النور وسلمته نفسي للنوم ....