تعافيت به

تعافيت به ١٧

بعد الكلام السمعتو من ابوي راسي شطب م عرفته اقول حاجه حسيت حواسي اتحجرت ولساني اتشل حاجه زي دي في خيالي م اتوقعتها كنت مصدوم ومتفاجئ في نفس الوقت ابوي كان مراقب كل حركاتي ورد فعلي ربت على أيدي وقال لي عارف ي ولدي الموضوع صعب عليك بس انا عايز ابرئ زمتي وأموت نضيف قول لي حتقدر تعمل كدا عشاني م قدرته اقول ليهو حاجه وفضلته ساكت ولسه بحاول استوعب قال لي مازن توعدني ي ولدي ربته على أيدو و اكتفيت بأنه قلته ليهو خير ي حاج انت ارتاح بس وم تفكر كتير ربنا بسهلا أن شاء الله، الباب فتح وامي جات داخله قلته ليها انا ح ارجع البيت بعد كدا ارتاح وبجيك بكره محتاجه حاجه اجيبها ليك معاي قالت لي لالا سلامتك ي ولدي بس خلي بالك من اخوانك قلته ليها أن شاء الله عاينته لي ابوي اللسه كان بتفحص في نظراتي ومراقبني ابتسمته ليهو وقلته لي امي خلي بالك منو وإذا حصلت اي حاجه اتصلي لي قالت لي خير ي ولدي امشي الله يعدل طريقك طلعته من المستشفى دورته العربيه واتحركته على البيت وانا م فاهم اي شيء وبفكر في كلام ابوي وبحاول استوعب الشي السمعتو قطع تفكيري صوت التلفون كان مهند رديت عليهو قال لي وين انت من الصباح بحاول اتصل عليك ناسي انهه بكره عندنا صفقه مهمه قلته ليهو والله م ناسي لكن انا م حقدر أجي بكره أجلها للأسبوع الجاي أو الغيها م مشكله قال لي الغيها كيف يعني في الوقت دا الحاجات كلها جاهزه بتبالغ ي مازن انت كدا بتعرض الشركه التانيه لخساره كبيره قلته ليهو مهند م تصرعني ياخ انا كلمتك الغيها أو أجلها م مهم اتصرف انت قال لي طيب ممكن اعرف انت مالك حاليا باين من صوتك انهه في حاجه حاصله عمي كويس قلته ليهو مهند لالا ماف حاجه عمك في أتم الصحه والعافيه وفاق من الغيبوبه واتكلم معانا قال لي طيب الحمد لله على سلامته بس انت مالك صوتك م عاجبني قلته ليهو مهند بعدين بعدين الله يرضى عليك اسي سايق اما بالنسبه للصفقه فاتصرف انت وشوف المناسب قال لي تمام وقفل الخط وصلته البيت وانا أفكاري بتتضارب فتحته الباب كانت تالي قاعده في الصالون بتحضر اول شافتني جات جاريه علي وحضنتني قالت لي مازن حمد الله على السلامة اشتقته ليك قلته ليها الفصعونه حقتي كتير والله كيفك قالت لي تمام الحمد لله جيت متين من السودان قلته ليها جيت الصباح وكنت مع ابوي بس وريني قاعده برااك ليهه وين خالتو فاطمه ووين سي إياد قالت لي دادا فاطمه نعست دخلت تنوم واياد بره البيت م شفتو من الصباح على أساس انه بقعد في البيت يعني فجاه سمعنا الباب فتح اتلفته لقيتو إياد ربعته ايدي ووقفته عاينته للساعه وقلته ليهو م بدري ي استاذ جاء على وهو مبسوط و بصفر قال لي اووووو البووص وصل ي جماعه مازن النصري بي حالو هنا حمد الله على السلامة ياخ جيت متين قلته ليهو والله انت لو قاعد في البيت بتعرف انا جيت متين قال لي مازن م ناقص محاضرات انا عليك الله قلته ليهو انت م ناقص محاضرات لأنك م فاضي لمحاضرات اصلا حتكبر متين انت! ؟نا قايل نفسك لسه شافع أخجل على دقنك دا انت راجل وبعدين انا اسافر السودان يوم واحد أجي القاك بتخلي امك براها في المستشفى واختك براها في البيت يعني دي الامانه الأنا امنتك عليها م بتصونها ابوك المرمى في المستشفى دا م هاميك؟ قال لي اول حاجه انا م خليت امي براها انا كنت معاها جاني تلفون ضروري واطريت امشي اما تالي فمعاها دادا فاطمه فشنو روق المنقه ي ولدي قلته ليهو افهم من كدا انه أصحابك والسهر معاهم أهم من أبوك وامك واختك إياد انت حتخلي الاستهتار بتاعك دا متين؟ م شايف انا بتعب قدر شنو ألقاها من الشغل ولا من ابوك الراقد ولا منك انت ؟ حتتعلم تشيل مسؤوليه متين اسي م بتخجل من نفسك راجع البيت مبسوط ولا همك وابوك بين الحياه والموت ، قال لي مازن م تعمل موضوع ياخ انت عارف انا م بحب الأجواء بتاعت الشغل والحاجات دي وبعدين انت موجود يعني تسدها طوالي ي مان وتعال جيب حضن انا مشتاق ليك والله رفعته ايدي في راسي واستغفرته ربنا وقلته ليهو اصلا انت الكلام معاك م بجيب نتيجه وم منو فايده حتفضل مستهتر وعديم مسؤوليه طول عمرك وطلعته خليتوا واقف مع تالي دخلته غرفتي اخدته دش بعدها نزلته المكتب بتاع الحاج وفتحته الدرج الوصفو لي وكانت الصدمه التانيه .....