မခွဲအတူ

(၁၄)

ချိုမြိန်နူးညံ့နေရာမှ ရုတ်တရက်
အနမ်းရိုင်းများနဲ့ တုံ့ပြန်လာခဲ့တယ်။

ရှောင်ကျန့် နှုတ်ခမ်းကို တအားဖိကိုက်ခံလိုက်ရတာကြောင့် လန့်ပြီး လွှတ်လိုက်မိတယ်။

နှုတ်ခမ်းကို လက်နဲ့ထိကြည့်ပြီး တစ်ဘက်လူကြည့်မိလိုက်ချိန်မှာ ဝမ်ရိပေါ်ကသူ့ကို လှောင်ပြုံးနဲ့စိုက်ကြည့်နေတယ်။

ပြီးတော့ ရယ်ချပစ်လိုက်တယ်။

"ရှောင်ကျန့် ....ရှောင်ကျန့် .... လွယ်ကူလိုက်တာနော် ဟဟ ခင်ဗျားသိလား လွယ်လွန်း
တော့လည်း စိတ်ဝင်စားဖို့ သိပ်မကောင်းဘူးလေ ဟုတ်တယ်မလား"

"ဘယ်လိုလဲ ....အဆင်သင့်ဖြစ်နေပြီလား"

ပြောရင်းဆိုရင်း ရိပေါ်က ရှောင်ကျန့်ရဲ့
ကုတ်အကျီကို ဆွဲချွတ်ဖို့ ကြိုးစားလိုက်ပြီး လည်ပင်းကို ဖိကပ်နမ်းရှိုက်လာတယ်။

အဲဒီအချိန်ကျမှ ရှောင်ကျန့်က အလန့်တကြားအသိဝင်လာပြီး အားနဲ့ပြန်တွန်းလိုက်တော့
ရိပေါ် ဟန်ချက်ပျက်ပြီး ဆက်တီစားပွဲဘက်လဲကျသွားတယ်။

ထို့နောက် ရှောင်ကျန့်က ဖရိုဖရဲ လျှောကျနေသော အကျီများကိုဆွဲတင်ရင်း ရိပေါ်
အခန်းထဲက ထွက်ပြေးသွားခဲ့တယ်။

*************

နှင်းလျှောစီးစခန်းရှိ ရိပေါ်ရဲ့ရုံးခန်းမှာအစည်းအဝေး ကျင်းပနေတယ်။

နဂိုရှိထားတဲ့အဆောက်အဦ‌တွေကို ပြုပြင်ပြီး ဒီဇိုင်းအသစ်နဲ့ အလှဆင်ဖို့ ရှောင်ကျန့်ကရှင်းလင်းတင်ပြနေတယ်။

မျက်နှာက ယခင်ကထက်ပိုပြီးဖြူလျော်နေသလို ဖြစ်‌ပေမဲ့ ရှောင်ကျန့် မျက်လုံးတွေက ကြည်လင်ပြီး တောက်ပနေတယ်။ ပြီးတော့အေးစက်နေတယ်။