မခွဲအတူ

(၃၀)

"ဘာကိုရည်ရွယ်တာလဲ ဒေါက်တာကျန်းချန် ပြောချင်တာ ဘာလဲ"

ရိပေါ်က ကျန်းချန် မျက်နှာကို သေချာ
ကြည့်ပြီး မေးတယ်။

"ငါက ကွေ့ဝိုက်ပြီး မပြောတတ်ဘူး
ဒါရိုက်တာဝမ် ရှောင်ကျန့် ခုလို ဖြစ်တာ
မင်းဇနီးလောင်းရဲ့ ပရောဂမကင်းဘူး"

ကျန်းချန်က တည့်တည့်ဘဲ ပြောလိုက်တယ်။

"စုမင်ကျဲကြောင့်?" ရိပေါ် က ထပ်မေးလိုက်တာ။

"ရှောင်ကျန့်ကို အဲ့အမျိုးသမီးလာတွေ့သွားတယ် ပြီးတော့ ခင်ဗျားကို မမြှူဆွယ်ပါနဲ့
ဆိုတဲ့ စကားမျိုးပြောသွားတယ် "

" ကျနော်ဒါတွေ တကယ်မသိခဲ့ဘူး ဒေါက်တာ"

"တစ်ခု တောင်းဆိုပါရစေ ရှောင်ကျန့်ရဲ့
ကျန်းမာရေးကို တာဝန်ယူထားတဲ့ ဆရာဝန် အနေနဲ့ပါ"

" ပြောပါ "

"ရှောင်ကျန့်က  စိတ်အရမ်းဖိစီးတာ
စိတ်ထိခိုက်တာတွေ ခံစားလိုသင့်တော်တဲ့သူ မဟုတ်ဘူး ဒါကြောင့် အလားတူ ကိစ္စမျိုး
ထပ်မရှိအောင် ခင်ဗျား ကူညီပေးပါ ဒါရိုက်တာဝမ်"

"ပြီးတော့ ရှောင်ကျန့် ဆေးရုံတက်ရတာကို
ဒီတစ်ခါ‌ မသိချင်ယောင်ဆောင်လိုက်တာ အကောင်းဆုံးပါဘဲ လို့ အကြံပြုချင်တယ်"

*****************

ဆေးရုံဆင်းပြီး နောက်ရက်မှာဘဲ ရှောင်ကျန့် လုပ်ငန်းခွင် ပြန်ရောက်လာတယ်။

ပုံမှန်အတိုင်းဘဲ သူလုပ်စရာရှိတာလုပ်တယ်။အရင်ကထက်ပိုပြီး တိတ်ဆိတ်သွားတယ်။

ဒါကို သတိပြုမိတဲ့ ရိပေါ်မှာ ရင်နာနာနဲ့ ကြည့်နေရတယ်။ အစ်ကို ရွှမ်းဟွမ်ကိုလည်း
မပြောမိဖို့ တောင်းဆိုထားရတယ်။

****************

စကိတ်ကွင်း အပြီးသတ် ဒီဇိုင်းတွေနဲ့ ကုန်ကျစရိတ် ခန့်မှန်းတွက်ချက်မှုတွေ ဆွေးနွေးဖို့ ရိပေါ်ရုံးခန်းကို ရှောင်ကျန့်
လာခဲ့တယ်။

ဒေါက် ဒေါက်..

"ဝင်ခဲ့ပါ" ရိပေါ် အသံကြားတော့
ရှောင်ကျန့် ဝင်လာခဲ့တယ်။