Kapag tinitignan ko ang sarili ko sa salamin, napapatanong na lang ako kung sinong nanay at tatay ko. Charot! No offense sa parents ko. I love them both. Satisfied naman ako. Contented ako. Wala akong gustong palitan o idagdag. Except sa surname niya. Siyempre, babae lang po. Nangangarap din nang gising.
Medyo matangos 'yong ilong ko. Cute nga daw, eh. Sana ilong na lang ako para overall, cute ako. Medyo makapal 'yong kilay ko pero maganda 'yong shape, no need mag-ahit. Deep set 'yong light brown eyes ko pero di ganoon kahaba ang mga pilik-mata ko.
Given na 'yong chubby cheeks lalo na kapag ngumingiti ako. My instant reminder of asadong siopao, yummy! And I have a perfect set of pearly white teeth. Akala pa nga ng iba ay artificial. But mine is natural, no need for braces or to seek for a dentist's help. At least sa part na ito, may edge ako.
'Yong lips ko naman, naturally pinkish na manipis na laging ready para sa pagkain. 'Yong buhok ko. Never mind. Ewan kung buhok nga ba talaga 'to? Baka nga may plantation lang ng mais sa ulo ko.
Pero keri lang. Hanggang balikat. Medyo maalon, tapos blackish na brownish lalo na 'pag natatamaan ng sikat ng araw. Nadadaan naman ng suklay, so ipagkikibit-balikat ko na lang. Nagiging straight, silky and shiny naman kapag narerebond. May paraan para gumanda. Nakakatamad nga lang magpa-salon. Kakain na lang ako.
As for my body, mmmmh... Wait ha, I'm trying to figure it out. May kaunting Math calculations kasi 'to. Coca-cola-shaped naman. In-can nga lang. Don't ask me the circumference and diameter. Walang bastusan uy. Hahaha.
Mas malaki pa nga ang bilbil ko sa dibdib ko. Pero nahiya ba ako? Hindi eh. Walang'ya kasi ako.
I mean, wala akong hiya. Confident ako sa hitsura ko. Ang mahalaga, happy tummy ako. Pero ang kapansin-pansin ay 'yong butt part ko na madalas pinupuna ng mga fans ko. I mean, friends. Bet kasi nila.
"Sana all" daw 'pag napapatingin sila sa part na 'yon ng katawan ko, which is nothing to me. That's a normal sight para sa akin. There's nothing special about it. Sus, maliit na bagay.
BINABASA MO ANG
Getting Away with Gluttony
General FictionMETANOIA SERIES 1 [COMPLETED] "Biniro ko pa nga si Lord noon. Na kung hindi ka niya ibibigay sa akin, ako na lang ang ibigay niya sa iyo. Char!" -Shaza I am Shaza Khrizz Ventura, a clairvoyant and a glutton. But He showed me the way to get away with...
