💕💕မမြင်နိင်သောချစ်ခြင်း💕💕(Love never sees)(Completed)

💘part_74💖

[Unicode]

ရောင်စုံမီးလုံးလေးတွေက ခြံထဲနေရာအနှံ့အလှဆင်ထားပြီး ကျယ်ပြန့်တဲ့မြက်ခင်းစိမ်းစိမ်းအပေါ် အမြင့်နေရာများတွင် ပူပေါင်းလေးများကိုချိတ်ဆွဲထားသည်။

ထိုနေရာကတော့ မွေးနေ့ကျင်းပတဲ့အဓိကနေရာဖြစ်သည်။

လုပ်ငန်းရှင်တစ်ယောက်ရဲ့ သမီးမွေ့နေ့မို့ သာမာန်ထက်ကို လူပိုစည်ကားသည်။

ကြွရောက်လာကြတဲ့ ဧည့်သည်တွေက အများဆုံး နှစ်ယောက်တွဲလာကြတာမို့ ပိုမိုစည်ကားခြင်းလဲဖြစ်သည်။

ထိုလူအများကြားထဲတွင်မှ မွေးနေ့ရှင်ရဲ့အရေးပေးခြင်းခံရသူကတော့...

အနောက်တိုင်းဝတ်စုံပြည့်ဖြင့် သန့်ပြန့်နေပြီး ရှုးဖိနပ်အနက်ရောင်ကိုဝတ်ဆင်ထားကာ ကျော့ရှင်းတဲ့ကိုယ်ဟန်နဲ့ လှပတဲ့အသားအရေတွေက ယောကျာ်‌းလေးတစ်ယောက်အတွက် လုံလောက်တဲ့ ဆွဲအားတွေပဲပေါ့။

နက်မှောင်တဲ့ဆံပင်တွေကိုဆီလိမ်းထားပြီး သေသပ်စွာဖြီးထားပုံက လူကြီးဆန်ဖို့အသွင်ယူထားမှန်းသိသာသည်။

ဘာကြောင့်ဆို မိန်းခလေးတိုင်းနှစ်သက်နိင်သည့် ငယ်ရွယ်ချောမောမှုကြောင့်ပင်ဖြစ်သည်။

ထိုလူကတော့..*The value of life*ဆေးရုံအုပ်ကြီးOG ကျူးဖုန်းရှစ်ရဲ့တစ်ဦးတည်းသောသား ဒေါက်တာကျူးရင့်ဝေပင်ဖြစ်သည်။

ဖခင်ခြေရာနင်းမယ့်သားမို့ အဘက်ဘက်ကပြည့်စုံပြီး ထူးချွန်အောင်မြင်ဖို့ ပါရမှီပြည့်ဝသူတစ်ဦးလဲဖြစ်သည်။

ကျူးရင့်၏လက်မောင်းကိုချိတ်ထားပြီး ခြေလှမ်းတိုင်း တက်ကြွစွာလျှောက်လှမ်းနေသူကတော့ သူ့ဒယ်ဒီ မိတ်ဆွေရဲ့တစ်ဦးတည်းသောသမီးအချောအလှလေး နန်းမေယီပင်ဖြစ်သည်။

အဖြူရောင်ဂါဝန်ကားကားလေးက ဒူးဖုံးရုံသာဖြစ်ပြီး သူမရဲ့ခြေတံသွယ်သွယ်လေးတွေက ဖိနပ်အဖြူရောင်လေးနဲ့လိုက်ဖက်နေသည်။

ဆံပင်ကို ဘယ်နဲ့ညာမှာ ဆံကျစ်လေးတွေတစ်ခုစီကျစ်ထားပြီး ဦးခေါင်းအနောက်မှာ ဆံပင်အားလုံးကို ထိုဆံကျစ်လေးတွေနဲ့ရောယှက်ကာ လှပစွာထုံးဖွဲ့ထားသည်။