Sven's Eponine

SE-30

30

"Bakit po hindi pwede?"

Hindi ko mapigilang ipakita ang disgusto sa sinabi ni Sir Ced. Nagpaalam kasi ako na kung pwede ay mag leave ako ng three days, since lilipad nga kami ni Sven pauwi ng Aklan at susunod sa Mommy niya roon. Ngunit malabo yata ang gusto naming mangyari.

"Alexa, you're one of the promising acoustic Singers now, hindi malayong maraming mga mata ang naghihintay ng magandang scoop tungkol sa inyo now. Besides, naroon naman na si Sitri at si Sven, so why do you have to be there? Isa pa, hindi lang naman ikaw ang hindi makakapunta roon. Silk also asked for my permission, but i also said NO." 

Sinulyapan ko ang binatang nakaupo sa couch, katulad ng kanyang nakasanayan may nakakabit na namang earphones sa magkabila niyang tenga. Nakapikit ang kanyang mga mata at mukhang wala naman din siyang pakialam kung payagan siya o hindi ng Uncle niya. Gusto ko sana siyang kumbinsihin pero wag narin, baka madagdagan lang ang disappointment ko. Hindi na ako umimik ngunit hindi ko maiwasang tumango na lamang ng magpalaam si Sir. Ced sa amin. 

Nakakabuisit kasi.

"And Alexa." Pinigilan ko ang pagtaas ng aking kilay, pag ganyan kasi ang tono niya at ang panimula niya, siguradong hindi maganda ang kasunod. "Ipinagpaalam na kita sa School Director, you will do Home Schooling starting on Wednesday. I have to go i need to meet someone. " Nginitian pa ako nito bago tuluyang lumabas sa Lounge. 

Home Schooling? Ako?

Teka, paano akong mag home schooling eh sa Dorm ako tumutuloy? Baka Dorm Schooling ang ibig sabihin ni Sir Ced, Dorm schooling--

"Balak ni Uncle na ikuha ka na ng Apartment, doon ka na titira since you're one of his Talents now. And to avoid ambush interviews as well as madali ka naming mapupuntahan if you need help etc. etc."

Awang ang labing napatitig ako sa kanya. Bakit feeling ko sila na ang nagdedesisyon para sa akin? Para sa sarili ko? Bakit hindi man lang ako nainform tungkol dito? Coz as far as I remember wala sa kontrata na pinirmahan ko lang noong nakaraang araw ang tungkol sa Apartment na iyon. Kung hindi ako nagkakamali sa pagkakatanda ah.

"Bakit hindi man lang niyo sinabi sa akin?"

Hindi niya ako sinagot. Tinapunan lamang niya ako ng tingin bago bahagyang umiling. "Uncle's decision." At muli niyang sinuot ang earphones sa kanyang tenga.

----------------------------------------

"I will be away for three days, behave Alexa ha?"

"Hindi ba dapat ako ang magsabi niyan sa'yo?" Umingos ako at humalukipkip sa aking pagkakaupo sa kanyang sofa. Matapos kong umalis sa Studio ay dito na ako dumiretso sa pad ni Sven, hindi pa man nga ako nakakaalis doon kanina. Andami-dami na agad habilin sa akin ng Tito niya, kesyo umiwas iwas daw akong maglalabas at baka may mag ambush interview sa akin. Minsan gusto ko na ngang sabihin na paano ako maambush interview, eh hindi pa naman ako sikat na sikat kagaya nung ibang mga Singer. Yun bang tipong mga Regine Velazques, Morisette Amon, IU, BlackPink mga ganun.