MFS1:TO FALL-COMPLETED✅ (AVAILABLE IN NOVELNOW)

|21|

Chapter 21

"MEET YIEHMER VALENCIANO" bungad sa amin ni Direk. Napatayo kaming lahat na nasa loob ng production room ng dumating si Direk Nikki. Kasama nito ang sikat na artistang kinahuhumalingan ng mga kababaihan ngayon.

Ang katabi kong si Andee ay gulat at parang hindi alam ang gagawin. Naningkit naman ang mga mata ko ng pagmasdan ang reaction niya. Kaya siniko ko siya sa tagiliran.

"Gulat na gulat ka ha? Crush mo yang artista na iyan no?" medyo close na kami gawa nga ng pag-uusap namin kanina. Kaya ganun nalang ang lakas ng loob kong biruin siya.

"Hala ate Ran hindi po." deny niya. Kaya natawa ako ng palihim. Tinignan naman niya ako. Ramdam niya sigurong hindi ako naniniwala. "Totoo po. Wala akong crush sa kanya. Nagulat lang ako na siya ang gaganap na Simon. K-kasi napakagaling niyang artista. Hindi ko alam kung kaya ko ba 'to." pinagsalikop niya ang sariling mga kamay.

Inakbayan ko siya. "Naintimidate ka ba? Please don't. Magaling ka rin naman. Kaya alam kong kaya mo yan. Lahat ng artista dumaan sa ganyan. Hindi naman sila aangat kung walang pagsasanay." ramdam ko ang pagbuntong hininga niya habang nakatayo kaming dalawa.

Nakikipag shake-hands iyong Yiehmer Valenciano sa ibang production member. At malayo kami sa kanya. Nakita ko naman ang pagbaling ng tingin ni direk nikki sa direksyon namin. Umaliwalas ang kanyang mukha ng makita kami. May sinabi siya kay Yiehmer na tinanguan naman nito. Pagkatapos bumaling din ng tingin sa amin.

Naglakad silang dalawa palapit sa amin. Si Andee naman hindi mapakali. Kaya binalingan ko siya ulit.

"Wag kang kabahan. Tao din yan." pabiro kong bulong. Natawa naman siya.

"Ate Ran naman nakuha pang magbiro." natatawa niyang saad. Mabuti naman natawa siya. Mas mabuti na iyon para hindi siya kabahan.

Huminto si Direk, ganun din si Yiehmer Valenciano. "Goodmorning darling!" nakipagbeso si direk sa amin ni Andee pagkatapos tumingin siya kay Yiehmer.

"Yiehmer this is Ran. Siya iyong author from Project.R company..." pakilala nito sa akin. Nakipag kamay naman ako kay Yiehmer na malugod naman niyang tinanggap.

"Nice to meet you! Actually, idol ka ng mga pinsan ko." masaya niyang saad.

Nakakataba ng puso malaman na may humahanga pala saakin. Bakit hindi ko iyon alam? Ang alam ko lang kasi ay makapag sulat ng story okay na.

"Nice to meet you too. Pakisabi sa mga pinsan mo , salamat! Naku! hindi ko alam na kilala pala nila ako!"

"Tsk. If you only knew. Gusto ka nilang makita sa personal. Nag request pa sila saakin na magpa autograph sayo. Pwede ba?"

Nanlaki ang mata ko dahil hindi ako makapaniwala. Artista dapat ang hinihingian ng autograph hindi ako. Nakaka flatter naman po! Pero wag feeling para lang iyon sa mga pinsan niya. Mamaya ako naman ang hihingi ng autograph sa kanya. Joke! Pero totoo.

"Oo ba! Pero mamaya na!" ang kapal ng mukha kong sabihin iyon. Naku! Artista ka girl? Tinawanan niya lang ako tumatango-tango.

Bumaling ang paningin niya sa katabi ko. Napansin din ata ni direk nikki kaya tumikhim siya pagkatapos ay nagsalita.

"Um. Yiehmer this is Andee Mendoza." ani Direk pagkatapos tumingin naman siya kay Andee "..and Andee meet Yiehmer Valenciano"

Nag-extend ng kamay si Yiehmer para makipag shake-hands at malugod naman iyong tinanggap ni Andee.