MFS1:TO FALL-COMPLETED✅ (AVAILABLE IN NOVELNOW)

|29|

Chapter 29

"ITO NA ANG INUMIN!"

Masayang nilapag ni nay Lusing ang juice sa harap maliit na table. Nasa sala kami ngayon kasama ang bisitang sinasabi ni nay Lusing na nobyo ko daw.

Bago ko siya pinapasok kanina, klinaro ko muna sa matanda na wala akong boyfriend at higit sa lahat itong lalaking kaharap ko sa upuan ngayon ay hindi ko boyfriend.

Hindi ko alam kung naniwala ba ang matanda sakin dahil nagkibit balikat lang siya at tumango na parang napipilitan.

At kaya familiar ang pangalan niya ng banggitin ni dada kasi siya pala yung CEO ng StarShine company na minsan ng nag-alok sa kay Laz na magkaroon ng collaboration at ang company nila ang siyang nagpasikat sa kwentong ginawa ko noon limang taon na ang nakakaraan. Hindi ko alam kung kamusta ba ang tv drama na ginawa nila gamit ang kwento ko, under 'Project R' naman kasi yung ginawa ko kaya wala akong ikinabahala nung umalis nalang bigla sa company na pinagtatrabahuhan ko.

"Ikaw pala iyong sinasabi ni Roberto?" basag sa katahimikan namin.

Roberto ang tawag ni nay Lusing kay dada, Robert lang naman ang pangalan ng tatay ko. Maging saakin din, imbis na Emannuel naging Manuela. Hindi ko rin masakyan ang trip ng matanda, kaya minsan hinahayaan ko nalang.

"Opo." Napapaikot nalang ang mata ko sa pagiging magalang ng kaharap ko.

Tinignan naman niya ako nahuli niya kasi ang pag-irap ko sa kanya. Tinaasan lang ako ng kilay. Suplado! Sarap niyang sapakin sa oras na 'to. Bakit hindi niya ipakita ang totoong ugali niya.

"Samuel diba?" tanong ulit ng matanda sa kanya. "Kay gwapo mong binata. Ano naman ang nag-udyok sayo at natipuhan mo ang dalaga namin-"

"Nay!"

Napapakamot naman si Samuel sa batok dahil sa kakulitan ng matanda. Gusto kong paalisin si nay Lusing at ng makapag-usap kami ng lalaking 'to. Hindi ko alam kung ano ba ang balak niya bakit siya pumunta sa Naga at bakit siya pumayag na ireto siya ni dada saakin. Gusto ko ring tanungin kong paano sila nagkakilala ng ama ko, anlabo kasing isipin na nakilala ng tatay ko ang isang CEO na katulad niya. Hindi ba aware si dada na ang taong inirereto niya ay ang tagapagmay-ari ng malaking entertainment company? Isn't he aware?

Tumikhim ako nagkatinginan kami ni nay Lusing, nagsinyasan kami dahil nasa likod naman siya ni Samuel nakatayo. Tumikhim din siya bago nag salita.

"Ah, maiwan ko muna kayong dalawa at ako'y magluluto. Gutom kana ba?"nakuha pang magtanong kay Samuel.

Tumingin siya sa matanda "Hindi pa naman po nay Lusing. Nag drive thru ako kanina kaya medyo busog pa ako..." matamang sagot niya. Feeling close narin nakikitawag ng nay Lusing sa matanda.

Kada sigundo ata napapabuntong hininga ako. Sabay nila akong nilingon, hindi ko naman sila pinansin. Napaayos lang ako ng upo nang dalawa nalang kami ang nasa sala. Nilukob ng katahimikan ang paligid at pareho kaming tahimik.

Sino ba ang dapat maunang magsalita saamin? Ako ba? Tatanungin ko ba siya? Parang ang awkward kasi tapos hindi pa kami ganun ka close para simulan ko ang usapan? Hindi naman magsisimula ang topic kung magtititigan lang kaming dalawa? Baka pagkamalian kaming baliw nito.

Inipon ko muna ang lahat ng hiya ko, huminga din ng malalim bago pinakawalan pagkatapos ay ibinuka ang bibig para makapag salita.

"So..." nagkagulatan kaming dalawa dahil sabay kaming nagsalita.

"Ikaw muna..." sabay ulit.

Pinanliliitan ko siya ng mata dahil sinasadya niya talagang sumabay sa sasabihin ko. Tumikhim ako ganun din siya.