ကော်ဖီဆိုင်ထဲကို လှမ်းဝင်လိုက်တည်းက သူ့မျက်လုံးထဲကို ဝင်လာတာ Kong နဲ့ မိန်းမတယောက် ။ ခုံတခုမှာ နှစ်ယောက်ပူးကပ်ထိုင်ရင်း Kong က ကောင်မလေးကို မုန့်ခွံ့ကျွေးနေတော့ ကောင်မလေးက Kong လက်မောင်းကို တဖတ်ဖတ်ရိုက်ရင်း ရယ်နေတယ် ။
ဒီမြင်ကွင်းကြောင့် သူ့တကိုယ်လုံးပူထူသွားသလိုပဲ ။ ဒီနေ့မှ Bright က ကိတ်မုန့်စားချင်တယ်ဆိုလို့ သူ Bright နဲ့ ဒီဆိုင်ကိုလိုက်လာခဲ့တာ ဒီလို တန်းမိဖို့ ဖြစ်လာတယ်တဲ့လား ?
" Arthit စိတ်ထိန်းနော် !! ရုပ်ရှင်ထဲကလို မင်း အဲ့ကောင်မလေးကို ပါးသွားရိုက်လို့မရတာတော့ သိတယ်မလား ? "
Bright က သူ့ကို ခုံအကွယ်တခုမှာထိုင်ခိုင်းရင်း Kong တို့ဘက်ကို လှမ်းကြည့်ပီးပြောနေတော့ သူ Bright ရဲ့ခေါင်းကို စားပွဲပေါ်မှာတင်ထားတဲ့ Menu ပြားနဲ့ကောက်ရိုက်လိုက်တယ် ။
" Arthit ! "
" မင်းက အဓိပ္ပါယ်မရှိတာလာပြောနေတာကိုး ! ငါက ဘာလို့အဲ့လိုလုပ်ရမှာလဲ ?"
" မင်းပါးစပ်ကသာ အဲ့လိုပြောနေ ! ငါ မင်းမျက်လုံးထဲက မီးတွေပွင့်နေတာကို မြင်နေရလို့ပြောနေတာ "
" .... "
"မင်းသိလား ? N'Kong လိုရုပ်မျိုးက မိန်းကလေးတွေအကုန်မြင်တာနဲ့ကြွေတယ်ဆိုတာ "
" ... "
" သူ့ဘေးနားက စော်လေးကိုကြည့်ပါလား ? ဘယ်လောက်တောင်လှလဲ .. သူဖောက်ပြန်နေတာသေချာရင်တောင် ငါတော့ အားပေးတယ် "
လက်ထဲက Menu ပြားထပ်မြှောက်လာတာမြင်တာနဲ့ Bright က သူ့လက်ကိုအတင်းလှမ်းဆွဲထားတယ်။ Bright စကားတွေက သူ့ကို ပိုပြီး စိတ်တိုအောင်လုပ်နေသလိုပဲ ။
" အမှန်အတိုင်းပြောရရင် ငါ ခု Kong တို့ဝိုင်းကို ပေါ်တင်သွားမေးချင်တာ "
" Oii မင်းကို ပွဲကြမ်းလို့မရဘူးလို့ ငါပြောထားတယ်လေ ။ မင်းခုသူတို့ကို မိသွားလို့ N'Kong က အဲ့မှာ မင်းကိုလမ်းခွဲသွားရင် မင်းဘယ်လိုလုပ်မှာလဲ ?"
"ငါ ဂရုမစိုက်ဘူး Bright ! ငါ့မှာ မေးပိုင်ခွင့့်အပြည့်အဝရှိတယ် "
YOU ARE READING
You are the Only One ( SOTUS Fanfiction ) - Unicode
FanfictionCompleted / Start Date : May 15, 2020 (Unicode Ver.) ပြန်ဖတ်ဖို့ ယူနီကုတ်နဲ့တင်ပေးပါလို့ ပူဆာနေတဲ့သူတွေအတွက်ပါ 🙏🏽 အရင်တုန်းက အချစ်တွေနဲ့ပဲ Only One လေးကို ပြန်ဖတ်ရင်း SOTUS Team ကြီးကို ပြန်လွမ်းကြတာပေါ့။