Before Dating
အခန်းထဲမှာ တီဗီရဲ့အလင်းရောင်ကလွဲလို့အကုန်အမှောင်အတိ ..
၂ ယောက်တည်းဆိုတဲ့အသိနဲ့တင်ရင်တွေက တအုန်းအုန်းခုန်နေပေမယ့် ဘေးနားက P'Bright မသိအောင် သူ့မှာ အသက်ကို မနည်းထိန်းရှူနေရတယ် ။ အစောကြီးထဲက P'Bright သာ တွဲဖို့မေးလာခဲ့ရင် ဖြေဖို့အဆင်သင့်ဖြစ်နေပြီပဲလို့ ကိုယ့်ကိုကိုယ်ထင်နေခဲ့တာ ။
ဒါပေမယ့် ဒီနေ့ည P'Bright သူ့အိမ်လာပြီး ရုပ်ရှင်ကြည့်ရင်း မေးလာမှာဆိုတာ သိသိကြီးနဲ့တောင် စိတ်တွေဂဏာမငြိမ်ဖြစ်နေတယ် ။ ဘေးနားက P'Bright ကလည်း ချောင်းတွေတဟွတ်ဟွတ်ထဆိုးလိုက် သူ့ကိုခိုးကြည့်လိုက်နဲ့ ရုပ်ရှင်စဖွင့်တည်းက စကားတခွန်းမှ မပြောသေး ။
တခု စိတ်ချမ်းသာစရာက P'Bright နဲ့သိပြီးတည်းက ခဏခဏလာကြိုလိုက် လိုက်ပို့လိုက် လုပ်ပေးတတ်လွန်းလို့ အိမ်က Mae နဲ့က အမျိုးတွေအတိုင်းကို ခင်သွားကြတာပဲ။ တခါတလေ သူ့တောင် စကားဝိုင်းထဲက ပယ်,ပယ် ထားကြတာ ။ အားကြီးစိတ်ဆိုးတယ် တကယ် ...
" သား Bright လေးက သိပ်စကားတတ်တာပဲ။ စိတ်ထားလေးလည်းကောင်းတယ် ။ ရုပ်လေးကလည်း ချောတယ် ။"
"Rome .. Mae က အပိုပြောတာမဟုတ်ဘူး ။ Rome သာ မိန်းကလေးဖြစ်ကြည့် သား Bright ကို Mae သားမက်အဖြစ် အမိဖမ်းခိုင်းမှာ "
သားအဖြစ်နဲ့လည်း အမိဖမ်းပေးနိုင်ပါတယ်ဆိုတာကို ဒီ မလည်အူကြောင်လုပ်နေတဲ့ P'Bright ကြီးကို မိမှ Mae ကို ပြောပြရမယ် ဟွန့် !
အိမ်မှာ ချီးမွမ်းခံရလွန်းလို့ တခဏအတွင်းမှာတောင် အိမ်ကို တံခါးမရှိ ဓားမရှိအလား သူ့အိမ်လိုတောင် ဝင်ထွက်နိုင်သေးတာ။ ဘာလို့ သူနဲ့တွဲဖို့ကို ခုထိမမေးနိုင်ရသေးတာလဲ !
" အဟွတ်.. ဟွတ်.. အဟမ်း "
P'Bright လည်ချောင်းရှင်းသံကြီးကြောင့် စဉ်းစားနေတာတွေပါပျက်သွားရုံမက လန့်လို့ တုန်တောင်တုန်သွားမိသေး ။
" အဟွတ်......."
" တော်လောက်ပြီ P'Bright ! နို့မို့ဆို ကျွန်တော် P' ဆီက ကူးကုန်မှာဆိုးလို့ စကားမပြောခိုင်းဘဲ Mask ကြီးတပ်ခိုင်းထားမိလိမ့်မယ် "
YOU ARE READING
You are the Only One ( SOTUS Fanfiction ) - Unicode
FanfictionCompleted / Start Date : May 15, 2020 (Unicode Ver.) ပြန်ဖတ်ဖို့ ယူနီကုတ်နဲ့တင်ပေးပါလို့ ပူဆာနေတဲ့သူတွေအတွက်ပါ 🙏🏽 အရင်တုန်းက အချစ်တွေနဲ့ပဲ Only One လေးကို ပြန်ဖတ်ရင်း SOTUS Team ကြီးကို ပြန်လွမ်းကြတာပေါ့။
