Kong ပြောသလို Kong တို့အိမ်ဘက်ရှိရာအခြမ်းက လမ်းမကြီးကနေ ကွေ့ဝင်ရင်း ဆယ်အိမ်လောက်ကျော်လာတာနဲ့တင် လှိုင်းသံတွေ တဘုန်းဘုန်းကြားနေရတယ်။ လေထုလည်း အရမ်းကောင်းပြီး ပင်လယ်ဘက်နဲ့
မတူဘဲ ခြံဘက်ကွေ့လာတဲ့တလျှောက်က အပင်တွေပန်းတွေ ဝေဝေဆာနေတော့ တောင်တန်းရှည်ကို ဖြတ်လာရသလိုပဲ ။
ခြံဝမှာရှိတဲ့ သံတံခါးကြီးတွေကို ပုံဖော်ထားတာကိုကြည့်တာနဲ့တင် ဒီနေရာတဝိုက်မှာ Kong တို့မိသားစုရဲ့အရှိန်အဝါ ဘယ်လောက်ကြီးလဲ သိရတယ်။ ခြံကျယ်ချက်က ပန်းခြံနဲ့ ရေကူးကန်ရော စိုက်ခင်းတချို့ပါရှိနေတော့ ခြံတံခါးပေါက်ကနေ Kong တို့အိမ် (စံအိမ်လို့ပဲပြောရမလား) အဲ့ဟာကြီးကို မှုန်မှုန်လေးပဲမြင်ရတယ်။
" N'Kong မင်းတို့က မင်းမျိုးမင်းနွယ်တော့ မဟုတ်ဘူးမလား ? "
အကုန်လုံးသိချင်နေကြတဲ့ မေးခွန်းကို ကားနောက်ခုံက Bright က ကားမောင်းနေတဲ့ Kong ကို လှမ်းမေးတော့ Kong က ခေါင်းခါရင်းနဲ့
" မဟုတ်ပါဘူး P' .. ဒီနားတဝိုက်မှာတော့ အဖေက နည်းနည်း ဩဇာညောင်းတယ်ပြောရမလား ? ဒီနားကလူတွေက ကျွန်တော့်အဖေကို အားကိုးကြတာများတော့ အဖေကလည်း ပြန်ကူညီပေးဖြစ်ရင်းနဲ့လေ "
" အဲ့ဒါမဟုတ်ဘူး ! မင်းတို့အိမ်က ေ..ာက်ရမ်းကိုချမ်းသာလွန်းလို့မေးနေတာ "
Bright ပြန်ဖြေရှင်းတဲ့စကားကြောင့် Kong ဆီက ရယ်သံသဲ့သဲ့ထွက်လာတော့ ဘေးကထိုင်နေတဲ့ သူပါ မနေနိုင်မထိုင်နိုင်ဝင်မေးမိတယ် ။
" Kong ? မင်းတို့စက်ရုံထောင်ထားတာ ဒီလောက်တောင်ချမ်းသာတာပဲလား ?"
" Umm... P' ကို တသက်လုံးတင်ကျွေးထားတဲ့အထိတော့ ရှိတာပေါ့ "
Kong က နောက်ပြီးပြန်ပြောပေမယ့့်လည်း နောက်ကမျောက်တွေက တယောက်တခွန်းအော်ဟစ်ပြီး မေးလာကြတယ် ။ အဲ့ဟာတွေနဲ့ ခရီးထွက်လာရရင် အမေးအမြန်းထူလို့နားတောင်အူတယ် ။
Kong ပုခုံးကိုလှမ်းရိုက်လိုက်တဲ့အချိန် Bright ဘေးနားမှာထိုင်ရင်း မုန့်စားနေတဲ့ Rome က
" P'Kong .. အကယ်၍ P'Arthit ကို တင်တောင်းရမယ်ဆိုရင် ဘယ်လောက်တင်နိုင်လဲ ? "
YOU ARE READING
You are the Only One ( SOTUS Fanfiction ) - Unicode
FanfictionCompleted / Start Date : May 15, 2020 (Unicode Ver.) ပြန်ဖတ်ဖို့ ယူနီကုတ်နဲ့တင်ပေးပါလို့ ပူဆာနေတဲ့သူတွေအတွက်ပါ 🙏🏽 အရင်တုန်းက အချစ်တွေနဲ့ပဲ Only One လေးကို ပြန်ဖတ်ရင်း SOTUS Team ကြီးကို ပြန်လွမ်းကြတာပေါ့။
