Unicode
ပိုင်မင်းဦးရဲ့ ဒဏ်ရာတွေလဲသက်သာသွားပြီဖြစ်တာကြောင့် အခန်းထဲမှာချည်နေရတာ ငြီးငွေ့လာသည်။ဒါကြောင့် ပိုင်မင်းဦး တိုက်ရဲ့အောက်သို့ဆင်းလာကာ သူပြန်လာချိန်ဖြစ်၍ သူ့ကိုမျှော်နေမိသည်။
အရင်နေ့တွေကဆို ၆နာရီထိုးရင်ပြန်ရောက်ပြီဖြစ်သည်။အခုလဲ ၆နာရီတော့မထိုးသေးပေမဲ့ သူပြန်ရောက်တဲ့အချိန်ဖြစ်တာကြောင့် ပိုင်မင်းဦးသူပြန်လာရာလမ်းကို သူလာနိုးနဲ့ကြည့်နေမိသည်။
ပိုင်မင်းဦးအနေနဲ့ သူ့ကိုဘာကြောင့်မျှော်နေတယ်ဆိုတာ သူ့ကိုယ်သူပင်ဝေခွဲ၍မရ။
အထီးကျန်ဆန်တဲ့ သူ့ရဲ့ဘဝအနေနဲ့ မော်လီအပြင် သူရှိနေခြင်းက သူ့အတွက်ပျော်ရသည်။အထီးကျန်ဆန်မှုတွေလဲပျောက်သွားသလိုခံစားရသည်။
ဒါကြောင့်မျှော်နေရတာလားဆိုတော့လဲမဟုတ်ပြန်။ဘာကြောင့်မှန်းမသိ အချိန်ခဏအတွင်းမှာမထင်မှတ်ထားလောက်အောင်ရင်းနီးခဲ့ရပြီ
သူ့အနားမှာနေရတာ ပိုင်မင်းဦးပျော်သည်။
သူ့မျက်နှာကိုမြင်နေရခြင်းကစိတ်ချမ်းသာသည်။ သူ့အသံကြားနေရခြင်းက သူ့ကိုအထီးကျန်ဆန်မှုတွေပျောက်စေသည်။
ဒါတွေကိုခြုံပြီးကြည့်မယ်ဆိုရင် အဖြေကိုသေချာမသိရပေမဲ့ ခင်မင်ရင်းနီးမှုက ငယ်သူငယ်ချင်းတွေလိုပင်
ညဘက်တွေမှာ ဧည့်ခန်းထဲစကားတွေပြောကြပြီး တစ်ယောက်အကြောင်းတစ်ယောက်ပိုမိုသိရသည်။တခါတခါ ဇော်လင်းညိုရဲ့အရွှန်းဖောက်မှုလေးတွေက ပိုင်ပိုင်ကိုပျော်ရွှင်စေသည်။
"ဟေး ကောင်လေး ဘယ်သူ့ကိုမျှော်နေတာလဲ မှန်မှန်ပြောစမ်း "
"ဟင် ဇော်လင်းညို ဘယ်လိုကဘယ်လို "
ပြန်လာရာလမ်းကိုမျှော်နေမိပေမဲ့ တကယ်တမ်းပြန်လာတာက တခြားလမ်းကဖြစ်၍ ပိုင်မင်းဦးအံ့ဩနေသည်။
"ဘယ်သူ့ကိုမျှော်ရမှာလဲ အခန်းထဲ ပျင်းပျင်းရှိတာနဲ့အပြင်ထွက်ပြီးနေတာ "
"မသိပါဘူး ငါ့ကိုများမျှော်နေသလားလို့ "
"ဘာလို့မင်းကိုမျှော်ရမှာလဲ "
ŞİMDİ OKUDUĞUN
မင်း မရှိပဲ " မင္း မရွိပဲ "( Unicode)+(Zawgyi)(Completed)
RomantizmUnicode တချိန်က တစ်ယောက်ကိုတစ်ယောက် မျက်မုန်းကြိုးကာမုန်းတီခဲ့ပေမဲ့ ဘဝအလှည့်အပြောင်းမှာ ငြိတွယ်ခဲ့တဲ့သံယောဇဥ်လေးတွေကနေ.... King ဆိုတဲ့ကုမ္ပဏီကြီးရဲ့တစ်ဦးတည်းသောအမွေဆက်ခံသူဘဝက နေ ဘာမှမရှိတဲ့ အောက်ခြေဘဝကိုရောက်သွားခဲ့တဲ့ ပိုင်မင်းဦးဆိုတဲ့ အထည်ကြီးပ...
