Unicode
အချိန်က ည ဆယ်နာရီပင်ခွဲနေချေပြီ။ ပြိုင်ပွဲနေ့ဆိုတော့ ပြင်ဆင်ရန်ညနေလောက်ကတည်းကထွက်သွားပုံရပြီး သူအလုပ်ကပြန်လာတော့ဇော်လင်းညိုမရှိတော့ချေ။
အရာရာကို သူ သူ ဆိုတာချည်ဖြစ်နေတဲ့ သူ့ရဲ့စိတ်ကို သူအကောင်းဆုံးဖြစ်အောင် မတွေးပဲနေပေမဲ့ ဒီအခန်းကြီးထဲမှာ သူနဲ့အတူတူရှိခဲ့ဖူးတဲ့အမှတ်တရတွေက သူ့အတွေးထဲဝင်လာဖြစ်အောင်ကို ဝင်သည်။
ညစာ စားရင်ပင် သူနဲ့အတူစားခဲ့ဖူးတော့ မစားသေးပဲနေမိသည်။ သူပြန်လာရင် အရင်လိုစားမလားဆိုပြီး အတွေးနဲ့ပေါ့။
အချိန်တွေကတဖြည်းဖြည်းနဲ့ရွှေ့လျှားလို့လာကာ ညကတဖြည်းဖြည်းနက်သည်ထက် နက်လာခဲ့ပေမဲ့သူပြန်မလာသေး။ဧည့်ခန်းက ထိုင်ခုံလေးပေါ်မှာ စာအုပ်ဖက်နေရင်းမျက်လုံးများကမှေးစက်လို့လာပြီး အိပ်ပျော်လို့သွားခဲ့သည်။
***********
"ဟင် "
အလင်းရောင်ကမျက်လုံးထဲသို့တိုးဝင်လာ၍ ပိုင်မင်းဦး လန့်ကာနိုးလာခဲ့သည်။မိုးကစင်စင်လင်းနေပြီမို့ သူပြန်လာပြီလားဆိုပြီးတွေးမိကာ သူ့ရဲ့အခန်းဆီသို့ သွားပြီးတံခါးဖွင့်ကြည့်ပေမဲ့ အခန်းထဲမှာဘယ်သူမှ ရှိမနေ။
"သူဘယ်မှာအိပ်တာပါလိမ့် "
ဆိုပြီးတွေးနေမိသည်။
ပြိုင်ပွဲကနောက်ကျလို့ ဟော်တယ်မှာပဲအိပ်ဖို့စီစဥ်ပေးလို့များလား....
ဘာပဲဖြစ်ဖြစ်ပြန်မအိပ်နိုင်ဘူးဆိုရင်လဲ ငါ့ကိုအသိတော့ပေးသင့်တယ်မဟုတ်လား....
အခုဟာက ငါသူ့ကို စောင့်နေလိမ့်မယ်ဆိုတာ မသိသလိုနဲ့....
တွေးရင်စိတ်ထဲမှ ဝမ်းနည်းမိလာသည်။သူမရှိတဲ့ညစာကိုမစားခဲ့ရပေမဲ့ မနက်စာကိုတော့စားဖြစ်အောင်စားရမည်။အရာရာသူ ဆိုတဲ့စိတ်ကို သူရအောင်ဖြတ်မယ်လို့ဆုံးဖြတ်ထားတယ်မဟုတ်လား
"ညကလေ ကိုဇော်ကအရမ်းချောတာပဲသိလား TVကကြည့်ရတာကို အားလုံးထဲမှာ သူကအပြတ်ချောနေတာ အပြင်မှာများသွားပြီးအားပေးရရင်တော့အမိုက်ပဲ "
ВЫ ЧИТАЕТЕ
မင်း မရှိပဲ " မင္း မရွိပဲ "( Unicode)+(Zawgyi)(Completed)
Любовные романыUnicode တချိန်က တစ်ယောက်ကိုတစ်ယောက် မျက်မုန်းကြိုးကာမုန်းတီခဲ့ပေမဲ့ ဘဝအလှည့်အပြောင်းမှာ ငြိတွယ်ခဲ့တဲ့သံယောဇဥ်လေးတွေကနေ.... King ဆိုတဲ့ကုမ္ပဏီကြီးရဲ့တစ်ဦးတည်းသောအမွေဆက်ခံသူဘဝက နေ ဘာမှမရှိတဲ့ အောက်ခြေဘဝကိုရောက်သွားခဲ့တဲ့ ပိုင်မင်းဦးဆိုတဲ့ အထည်ကြီးပ...
