Unicode
"ဒီနေ့ အလုပ်ပိတ်တယ်မဟုတ်ဘူးလား "
"ပိတ်တယ်လေ ဘာဖြစ်လို့လဲ "
"မင်းက အဝတ်အစားတွေလဲနေတော့ ဘယ်သွားမလဲလို့ "
"ဪ ငါတခြားအလုပ်တစ်ခုရနေပြီ ။ အဲဒီအလုပ်မှာအသားကျသွားရင် ငါစားသောက်ဆိုင်ကထွက်တော့မှာ "
မနက်အစောကြီးကတည်းက သူ့အခန်းထဲသို့ဝင်လာပြီး အိပ်နေတဲ့သူ့ကို နှိုးနေသည်။ ပြီးတော့ မနက်စာ စားဖို့ပြင်ပြီးပြီဆိုကာအထဲပြန်ဝင်လာပြီး အဝတ်အစားလဲနေတဲ့ပိုင်မင်းဦးကိုမေးခြင်းဖြစ်သည်။
"ဘယ်မှာအလုပ်လုပ်မှာလဲ ငါလဲမသိရပါလား "
"ငါဟိုတစ်ခါပြောတဲ့ ဇာတ်ညွှန်းရေးတဲ့အလုပ်လေ ငါရေးတဲ့ဟာကို သဘောကျလို့အခွင့်အရေးပေးမယ်တဲ့ အဲဒါကြောင့်ငါလဲစမ်းကြည့်မလို့ "
ကိုမင်းကျော်ဆီမှာအလုပ်လုပ်ရမယ်လို့ သူမပြောချင်။ ပြောရင်လဲ သူကြိုက်မှာမဟုတ်တာကြောင့် မပြောဖြစ်တာပါ။
ဇော်လင်းညိုအနေနဲ့ လူတိုင်းအပေါ်မှာအဲလိုမဟုတ်ပေမဲ့ ကိုမင်းကျော်ကိုဘာကြောင့်များဒီလောက်ထိ အမြင်လွဲနေရတဲ့အပေါ် ဘာကြောင့်ဆိုတာ သူသိချင်မိပါသည်။
"အင်း မင်းတကယ်ပဲ အဲဒီအလုပ်ကိုဝါသနာပါတာလား "
"အင်း ငါထင်တယ် ငါအဲဒါကိုလုပ်နေရရင်ပျော်တယ် ငါစိတ်ညစ်နေရရင်တောင် အဲဒီအကြောင်းလေးတွေးလိုက်ရင် စိတ်ညစ်တာတွေပျောက်သွားတယ် "
"အင်းပါ သွားရမယ်ဆိုလဲသွားပေါ့ ငါပြင်ထားတဲ့မနက်စာတော့ စားသွားပါအုံး ဒါနမြောက်သွားအောင် "
"မစားမှာတော့မပူနဲ့ ဆာနေတာ အဟင်း ဒါနဲ့မင်းရော အလုပ်မရှိဘူးလား "
"ခုရက်ပိုင်းတော့အလုပ်မရှိဘူး နောက်တစ်ပတ်ကြာသပတေးနေ့မှာ ငါခရီးထွက်ရမယ် "
"ဟင် "
"ဟုတ်တယ် ငါပုဂံ ဘက်ကို MTV သွားရိုက်ရမှာ လေးငါးရက်တော့ကြာမယ်ထင်တယ် "
"ဪ "
ချက်ခြင်းဆိုသလို ပိုင်မင်းဦး မျက်နှာပျက်သွားသည်။အလုပ်ကိစ္စပဲ ဆိုပြီးတွေးလိုက်ပေမဲ့ထိုရက်တွေမှာဘယ်လိုနေမလဲဆိုတာတွေးလို့ပင်စိတ်ပျက်စရာ ။
VOCÊ ESTÁ LENDO
မင်း မရှိပဲ " မင္း မရွိပဲ "( Unicode)+(Zawgyi)(Completed)
RomanceUnicode တချိန်က တစ်ယောက်ကိုတစ်ယောက် မျက်မုန်းကြိုးကာမုန်းတီခဲ့ပေမဲ့ ဘဝအလှည့်အပြောင်းမှာ ငြိတွယ်ခဲ့တဲ့သံယောဇဥ်လေးတွေကနေ.... King ဆိုတဲ့ကုမ္ပဏီကြီးရဲ့တစ်ဦးတည်းသောအမွေဆက်ခံသူဘဝက နေ ဘာမှမရှိတဲ့ အောက်ခြေဘဝကိုရောက်သွားခဲ့တဲ့ ပိုင်မင်းဦးဆိုတဲ့ အထည်ကြီးပ...
