Unicode
သူတို့လမ်းနားမှ ကစားကွင်းလေးမှာ ထိုင်ကာငိုနေမိသည်။ တကယ်ဆိုရင် သူ့မှာသွားစရာနေရာမရှိတော့ ခြေဦးတည့်ရာလျှောက်လာရင်း ကစားကွင်းလေးထဲမှာအဆုံးသတ်လို့သွားသည်။
အောက်တိုဘာလရဲ့ ရာသီဥတုကလဲဆောင်းသွင်းဖို့ပြင်နေသလို အေးစိမ့်စိမ့်ဖြစ်နေပြီး ဘယ်ကမှန်းမသိတဲ့ မိုးတိမ်တွေက ကောင်းကင်ထက်မှာ စုစည်းလာကြသည်။
ထိုင်ခုံလေးပေါ်သို့ထိုင်နေရင်းပြောရက်တဲ့သူ့စကားတွေကိုပြန်ကြားယောင်လာရင်း ပို၍ ဝမ်းနည်းမိလာသည်။ သူ့မှာ ဘယ်မှသွားစရာမရှိဘူးဆိုတာလဲသူအသိကို 'ထွက်သွား' ဆိုပြီရက်ရက်စက်စက်ပြောရက်တာက ရင်ထဲမှာစူးနင့်အောင်နာကျင်ပါသည်။
ညတုန်းကရုပ်ရှင်ကအပြန်အိမ်ရောက်တော့ သူ့ကိုစောင့်နေရာ တညလုံးအိပ်၍မပျော်ခဲ့ပါ။ မနက်မိုးလင်းသည်အထိ သူပြန်မလာတော့ အတွေးပေါင်းများစွာဖြင့် အဆင်မပြေခဲ့။
စောစောက ဆော့ကစားနေကြတဲ့ကလေးတွေကို သူတို့မိဘတွေကပြန်ခေါ်သွားကြသည်။ အကြောင်းအရင်းမှာ မိုးတိမ်တွေမှ ငွေ့ရည်ဖွဲ့ကာ မိုးစက်လေးတွေကျဆင်းလို့လာ၍ဖြစ်သည်။
ဝမ်းနည်းစွာငိုကျွေးနေရင်းက ကောင်းကင်သို့မော့ကြည့်ရာ မိုးစက်များမျက်နှာပေါ်သို့ ကျလာသည်။ တဖြည်းဖြည်းမိုးစက်လေးတွေက သည်းထန်စွာရွာလာတော့သည်။ သို့ပေမဲ့သူကတော့ထိုထိုင်ခုံပေါ်မှတစ်ဖဝါးမှမရွေ့ပါ ။
"ငါ့အတွက် ကူပြီးငိုပေးနေကြတာလားမိုးစက်တွေရယ် ငါ့မှာဘယ်မှသွားစရာမရှိဘူး ဒါပေမဲ့ ငါ့အတွက်မင်းတို့လေးတွေရှိနေပေးတယ် ငါ့မှာမင်းတို့ပဲရှိတာ "
မိုးစက်လေးတွေကိုစကားပြောကာ ငိုနေတော့ မျက်ရည်လား မိုးစက်လားမသဲကွဲနိုင်လောက်တော့အောင်ပါ။
ထိုစဥ်သူ့ရဲ့အပေါ်သို့မိုးစက်များမကျလာတော့၍မော့ကြည့်ရာ ခေါင်းပေါ်သို့ထီးတစ်ချောင်းရောက်လို့နေပြီး ထိုထီးပိုင်ရှင်ကိုကြည့်ရာ....
"ကိုမင်းကျော် "
"ကလေးလဲမဟုတ်ဘူး မိုးရေထဲဘာလုပ်နေတာလဲ "
ŞİMDİ OKUDUĞUN
မင်း မရှိပဲ " မင္း မရွိပဲ "( Unicode)+(Zawgyi)(Completed)
RomantizmUnicode တချိန်က တစ်ယောက်ကိုတစ်ယောက် မျက်မုန်းကြိုးကာမုန်းတီခဲ့ပေမဲ့ ဘဝအလှည့်အပြောင်းမှာ ငြိတွယ်ခဲ့တဲ့သံယောဇဥ်လေးတွေကနေ.... King ဆိုတဲ့ကုမ္ပဏီကြီးရဲ့တစ်ဦးတည်းသောအမွေဆက်ခံသူဘဝက နေ ဘာမှမရှိတဲ့ အောက်ခြေဘဝကိုရောက်သွားခဲ့တဲ့ ပိုင်မင်းဦးဆိုတဲ့ အထည်ကြီးပ...
