Unicode
"ညတုန်းကဘာလို့ငါ့ကိုမပြောပဲပြန်သွားတာလဲ "
ဪ တစ်မနက်လုံးသူ့ကိုဘာစကားမှမပြောပဲ တစ်ယောက်ထဲတည်တည်ကြီးလုပ်နေတာကို King ဖြစ်သွားလို့ဘဝင်မြင့်နေတယ်လို့ထင်တာ။ ဒါကြောင့်စိတ်ဆိုးနေတာကိုး
"ငါကိုကျော်စွာကိုပြောခဲ့သားပဲ ငါခေါင်းနည်းနည်းမူးလို့ပြန်မယ်ဆိုတာလေ သူကမပြောဘူးလား "
"ပြောတယ် "
"ပြောရဲ့နဲ့မေးနေရလား ငါတကယ်ညက ခေါင်းမူးနေလို့မင်းရဲ့ပွဲကိုပြီးအောင်မကြည့်နိုင်တာ တောင်းပန်ပါတယ်နော် နောက်ပြီး မင်းအတွက်ဂုဏ်ယူပါတယ် "
"ငါ့ပွဲကိုပြီးအောင်မကြည့်လို့ငါပြောနေတာမဟုတ်ဘူး ငါမင်းကိုဘာမှာထားလဲ မင်းငါ့စကားကိုဘာလို့နားမထောင်ရတာလဲ ပိုင်မင်းဦး "
ရုတ်တရက်ဆိုသလို ထိုင်နေရာမှထပြီး ပြောလာတဲ့သူ့အသံက အနည်းငယ်ကျယ်သည်။ဒေါသထွက်နေတဲ့မျက်လုံးရဲကြီးတွေမျက်မှောက်ကုတ်၍ ကြည့်ကာ ပြောနေသည်။
"ငါဘာလုပ်မိလို့လဲ ငါမင်းစကားကိုဘာနားမထောင်လို့လဲ "
"ငါပြောမှမင်းသိမှာလား ဒါမှမဟုတ်မသိချင်ယောင်ဆောင်နေတာလား "
"ဇော်လင်းညို ငါ့ကိုရှင်းရှင်းပဲပြောစမ်းပါ ငါဘာလုပ်မိလို့လဲ "
"မင်းကိုဟိုလူနဲ့မပတ်သက်ဖို့ငါမှာထားတယ်လေ အဲဒါမင်းဘာလို့ငါ့စကားနားမထောင်တာလဲ ဘာလဲ ငါ့ကိုဂရုစိုက်စရာမလိုဘူးလို့မင်းတွေးနေတာလား "
ပြောရင်းနဲ့ ဇော်လင်းညို ဒေါသထွက်လာကာ သူ့ရဲ့ရှေ့မှ ပိုင်မင်းဦးအားတွန်းလိုက်သလိုဖြစ်သွား၍ ပိုင်မင်းဦးခုံပေါ်သို့ဖင်ထိုင်လျက်ကျသွားသည်။
ဘာမဟုတ်တဲ့ဒီကိစ္စလေးနဲ့ ဒီလောက်ကြီးဒေါသထွက်နေတဲ့သူ့ကို ပိုင်မင်းဦးအံဩနေမိသည်။
"အဲဒီလူက လူကောင်းမဟုတ်ဘူး မင်းနားလည်လား "
"သူက လူကောင်းမဟုတ်ဘူးဆိုရင်လဲ ငါ့ကိုဘာဒုက္ခပေးနိုင်မှာမို့လဲ ဘာလဲသူက မုဒိန်းကောင်ကြီးဖြစ်နေလို့လား ငါကမိန်းကလေးမဟုတ်တဲ့အတွက် ဘာမှမဖြစ်နိုင်ပါဘူး "
VOCÊ ESTÁ LENDO
မင်း မရှိပဲ " မင္း မရွိပဲ "( Unicode)+(Zawgyi)(Completed)
RomanceUnicode တချိန်က တစ်ယောက်ကိုတစ်ယောက် မျက်မုန်းကြိုးကာမုန်းတီခဲ့ပေမဲ့ ဘဝအလှည့်အပြောင်းမှာ ငြိတွယ်ခဲ့တဲ့သံယောဇဥ်လေးတွေကနေ.... King ဆိုတဲ့ကုမ္ပဏီကြီးရဲ့တစ်ဦးတည်းသောအမွေဆက်ခံသူဘဝက နေ ဘာမှမရှိတဲ့ အောက်ခြေဘဝကိုရောက်သွားခဲ့တဲ့ ပိုင်မင်းဦးဆိုတဲ့ အထည်ကြီးပ...
