Unicode
"မအိပ်သေးဘူးလား မနက်ဖြန်ခရီးထွက်ရမှာမို့အစောကြီးနားမယ်ဆို "
ညဆယ်နာရီထိုးတဲ့အထိမသွားသေးတဲ့ဇော်လင်းညိုကိုသူမေးလိုက်ခြင်းဖြစ်သည်။ သူလဲ စိတ်သက်သာရာ ရသွားတော့ ပိုင်မင်းဦး စာပြန်ရေးနေတာကိုသူက ဘေးနားမှာ ဖုန်းကိုကလိရင်း စောင့်နေသည်။
"ဟင့်အင် မအိပ်ချင်သေးဘူး "
"မအိပ်ချင်လဲ သွားအိပ်တော့ အိပ်ရေးမဝရင် ခရီးပမ်းလိမ့်မယ် "
"သွားအိပ်လို့ မနက်ဖြန်ရောက်သွားရင် မင်းနဲ့ခွဲရတော့မှာစိုးလို့ "
ဖုန်းကိုကြည့်ရင်းပြောနေတဲ့ သူ့စကားကြောင့် ပိုင်မင်းဦး ကွန်ပြူတာရှေ့မှ သူ့ကိုလှည့်ကြည့်လိုက်မိသည်။ သူကတော့အေးဆေးပဲ ဖုန်းကိုသာဆက်ပွတ်နေသည်။ သူပြောတဲ့စကားအဓိပ္ပါယ်ကို ပြန်မစဥ်းစားဘူးလားမသိ။
"ဟင်း ငါတော့စာရေးပြီးသွားပြီ သွားအိပ်တော့မယ် "
"မအိပ်ပါနဲ့အုံးအစောကြီးရှိသေးတယ် ငါပျင်းလို့ "
"မင်းပဲအမျိုးမျိုးနော် စောစောကကျ စောစောနားမယ်ဆိုပြီးငါ့ကိုနှင်ထုတ်နေတယ် အခုကျပျင်းလို့ဆိုပြီးခေါ်ထားပြန်ပြီ ငါအိပ်ချင်ပြီကွ ပြီးတော့ မင်းလဲအိပ်တော့ နားတော့ "
"မင်းမနက်ဖြန်အလုပ်သွားရအုံးမှာလား "
"အင်း သွားရမှာပေါ့ စာမူတွေရေးထားတာ သွားပို့ရမှာ "
"ဒါဆိုအခုကတည်းကနှုတ်ဆက်ထားရမှာလား "
"မင်းကလဲကွာ မင်းကဘယ်လောက်ကြာမှာမို့လဲ သုံးလေးရက်ပဲဆို အပိုတွေလုပ်မနေနဲ့ မင်းစော်ကိုပဲသတိရပါ "
"သူနဲ့ငါက ပျက်သွားပြီ အခုငါက ဆင်ဂယ်"
"စောင့်ကြည့်ရသေးတာပေါ့ "
"မင်းငါနဲ့လိုက်ခဲ့ပါလား "
"ဟင်းဟင်း ကျေးဇူးပဲ ဒါပေမဲ့ငါမအားဘူး ငါသွားအိပ်တော့မယ် "
ဟိုကအတည်ကြီးပြောနေပေမဲ့ ပိုင်မင်းဦးက ပြုံးဖြဲဖြဲနဲ့ ပြောပြီး ထိုင်ရာမှထသွားရန်ပြင်လိုက်စဥ် ဇော်လင်းညိုက သူ့ရဲ့လက်ကိုဆွဲထားလိုက်တော့ ပိုင်မင်းဦး နောက်သို့လန်ကျသွားပြီးခုံပေါ်မှာ ပတ်လက်အိပ်နေတဲ့ ဇော်လင်းညိုပေါ်သို့ထပ်ကာကျသွားသည်။
CZYTASZ
မင်း မရှိပဲ " မင္း မရွိပဲ "( Unicode)+(Zawgyi)(Completed)
RomansUnicode တချိန်က တစ်ယောက်ကိုတစ်ယောက် မျက်မုန်းကြိုးကာမုန်းတီခဲ့ပေမဲ့ ဘဝအလှည့်အပြောင်းမှာ ငြိတွယ်ခဲ့တဲ့သံယောဇဥ်လေးတွေကနေ.... King ဆိုတဲ့ကုမ္ပဏီကြီးရဲ့တစ်ဦးတည်းသောအမွေဆက်ခံသူဘဝက နေ ဘာမှမရှိတဲ့ အောက်ခြေဘဝကိုရောက်သွားခဲ့တဲ့ ပိုင်မင်းဦးဆိုတဲ့ အထည်ကြီးပ...
