Unicode
သူမ ကအရမ်းကိုလှပါသည်။ဖြူဝင်းတဲ့အသားအရေက သူမဆိုတာ ပိုပြီးထင်ရှားသိစေနိုင်သလိုပဲ မျက်ဝန်းစူးစူး နှင်းဆီဖူးလိုနှုတ်ခမ်းလှလှလေးကိုလဲပိုင်ဆိုင်ထားသေးသည်။
လည်ပင်မဟိုက်တဟိုက် အကျီကိုခေတ်မှီစွာ ဘောင်းဘီနဲတွဲကာဝတ်ထားသည်။ကျောပြင်ထက်မှရွှေဝါရောင်ဆံပင် အလိမ်အကောက်များကအသွယ်အသွယ်...
"ပိုင်မင်းဦး မင်းရောက်လာပြီလား လာလေ "
ဘာမှပြန်မပြောပဲ အရုပ်တစ်ရုပ်လို တည်တည်ကြီးကြည့်နေတဲ့ပိုင်မင်းဦးကြောင့် ဇော်လင်းညို သူ့အားဖက်ထားတဲ့မိန်းမပျိုကိုအတင်းခွာချလိုက်သည်။ ထိုမိန်းမပျိုကတော့ ဇော်လင်းညိုအားလွှတ်မပေးချင်ပဲလွှတ်ပေးလိုက်ရတယ်ဆိုပေမဲ့ သူ့ရဲ့လက်ကိုချိတ်ကာဆွဲ ထားသည်။
သူကိုမြင်တာတောင် ရှက်ကြောက်ရမှန်းမသိတဲ့သူမဟာ ခေတ်ကာလမိန်းမပျိုတစ်ဦးလို ဟော့ဟောရမ်းရမ်းဆိုတာ ပိုင်မင်းဦးနားလည်လိုက်သည်။
"ဇော် ဒါဆို ရှူ့ပြန်တော့မယ် နောက်မှတွေ့တာပေါ့ ဘိုင် ပွတ်စ် "
ပြောကာ ဇော်လင်းညိုရဲ့ပါးပြင်အား တချက်နမ်းသွားသေးသည်။သူမထွက်သွားတော့ ဇော်လင်းညို သူ့အားကြည့်၍ပြုံးပြနေပေမဲ့ ပိုင်မင်းဦးကတဖက်သို့မျက်နှာလွှဲထားသည်။
ရှူ့ဆိုပြီး နာမ်စားသုံးသွားတာကြောင့်တနေ့က ဖုန်းဆက်တဲ့မိန်းကလေး သာဖြစ်လိမ့်မည်။
"မင်းညစာစားပြီးပြီလား "
"ငါဘယ်တုန်းကမင်းနဲ့မဟုတ်ပဲ အပြင်မှာစားဖူးလို့လဲ ဘာလဲ မင်းစားပြီးခဲ့လို့လား အဲဒါဆိုလဲရပါတယ် ငါလဲမဆာဘူး အလုပ်က ပင်ပမ်းလာလို့ ငါသွားပြီးနားလိုက်အုံးမယ် "
တောက်လျှောက်စကားလုံးများထွက်လာပေမဲ့ သူ့ရဲ့မျက်နှာကို ပိုင်မင်းဦးမကြည့်ပေ။ပြောပြီး သူ့ရဲ့အခန်းထဲသို့ပိုင်မင်းဦး ဝင်သွားတော့သည်။
ဘာမှန်းမသိပေမဲ့ အခုလိုပိုင်မင်းဦးရဲ့အပြုအမူတွေဟာ သူ့ကိုအနေရခက်စေပြီး စိတ်ထဲမှာလဲ တစ်ခုခုလိုနေသလိုခံစားမိသည်။
YOU ARE READING
မင်း မရှိပဲ " မင္း မရွိပဲ "( Unicode)+(Zawgyi)(Completed)
RomanceUnicode တချိန်က တစ်ယောက်ကိုတစ်ယောက် မျက်မုန်းကြိုးကာမုန်းတီခဲ့ပေမဲ့ ဘဝအလှည့်အပြောင်းမှာ ငြိတွယ်ခဲ့တဲ့သံယောဇဥ်လေးတွေကနေ.... King ဆိုတဲ့ကုမ္ပဏီကြီးရဲ့တစ်ဦးတည်းသောအမွေဆက်ခံသူဘဝက နေ ဘာမှမရှိတဲ့ အောက်ခြေဘဝကိုရောက်သွားခဲ့တဲ့ ပိုင်မင်းဦးဆိုတဲ့ အထည်ကြီးပ...
