Unicode
ဒီနေ့ သူပြောင်းတော့မယ်လို့သိရသည်။ သူ့ရဲ့ အဝတ်အစားတွေ နဲ့ ပစ္စည်းတွေကိုထုတ်ပိုးဖို့နဲ့ သယ်ဖို့ကို လူငှားပြီးခိုင်းခဲ့သည်။ အဲဒီနေ့ကတည်းက သူအခန်းကိုပြန်မလာပဲ ဒီက ကိစ္စတွေအားလုံးကိုလူလွှတ်၍ သာခိုင်းစေခဲ့သည်။
"အကိုက ပိုင်မင်းဦးဆိုတဲ့တစ်ယောက်လားမသိဘူး "
အထုတ်တွေလာသယ်ကြတဲ့ လူတွေထဲမှ တစ်ယောက်က ပိုင်မင်းဦးကိုမေး၍ သူခေါင်းညိတ်ကာဖြေလိုက်သည်။
"အကိုလေးက ဒါပေးခိုင်းလိုက်လို့ပါ "
"ဘာတွေလဲ "
စာအိတ်လေးနဲ့ ပေးလာတာကြောင့် ပိုင်မင်းဦးမယူပဲမေးလိုက်တော့ ထိုတစ်ယောက်လဲ စာအိတ်ကို ပိတ်ထား၍ ဘာတွေဆိုတာသိပုံမရပဲ ခေါင်းကိုယမ်းကာဖြေသည်။
"ဒါတော့ ကျွန်တော်လဲမသိဘူးဗျ "
ပိုင်မင်းဦးယူလိုက်ပြီး ဖွင့်ကြည့်ရာအထဲမှာ ပိုက်ဆံတွေဖြစ်နေပြီ တစ်သောင်းတန်အရွက်တွေဆိုတော့ ငါးသိန်းလောက်တော့ ရှိနိုင်သည်။
"ဘာအတွက်လဲ အဟင်း နေအုံး "
ပြန်သွားကြဖို့ပြင်နေတဲ့ သူတို့ကို ပိုင်မင်းဦးတားလိုက်ကာ သူတို့အနားသို့သွားပြီး အိတ်ကို ပေးတဲ့တစ်ယောက်ထံ ပြန်ပေးလိုက်သည်။
"ငါ့အတွက် မလိုဘူးလို့ပြောလိုက်ပါ "
"အကိုလေးက သေချာပေးဖို့မှာလိုက်တာ ပြန်ယူသွားလို့မဖြစ်ဘူးဗျ "
"ဖြစ်အောင်ပြန်ပေးလိုက်ပါ ဘာလို့ဆို ဒီပစ္စည်းကို ငါလက်မခံနိုင်လို့ပဲ "
"အထဲမှာပိုက်ဆံတွေမဟုတ်လား အကိုလေးက အကို့ကို သုံးစေချင်လို့ပေးတာဖြစ်မှာပေါ့ "
"သူ့အတွက် အရေးမပါတော့တဲ့ငါ့ကို သူဘာမှ ထောက်ပံပေးဖို့မလိုဘူးလို့မင်းတို့အကိုလေးကိုပြောလိုက်ပါ "
သူတို့လဲ ပေးမရတော့ လက်လျှော့ကာပြန်ယူသွားတော့ ပိုင်မင်းဦး သူ့ရဲ့အခန်းကို ဝင်ကြည့်ရင်း သူ့ရဲ့အငွေအသက်တွေရှိနေသေးတဲ့အတွက် ဝမ်းနည်းကာ လာမိသည်။
BẠN ĐANG ĐỌC
မင်း မရှိပဲ " မင္း မရွိပဲ "( Unicode)+(Zawgyi)(Completed)
Lãng mạnUnicode တချိန်က တစ်ယောက်ကိုတစ်ယောက် မျက်မုန်းကြိုးကာမုန်းတီခဲ့ပေမဲ့ ဘဝအလှည့်အပြောင်းမှာ ငြိတွယ်ခဲ့တဲ့သံယောဇဥ်လေးတွေကနေ.... King ဆိုတဲ့ကုမ္ပဏီကြီးရဲ့တစ်ဦးတည်းသောအမွေဆက်ခံသူဘဝက နေ ဘာမှမရှိတဲ့ အောက်ခြေဘဝကိုရောက်သွားခဲ့တဲ့ ပိုင်မင်းဦးဆိုတဲ့ အထည်ကြီးပ...
