منقذي و لكن

الفصل الخامس و الثلاثون ( الاخير الجزء الاول )

اسر تنهد : انت حياتك في خطر و واحدة تانية مش عارف تعرفها ولا لا هي اسمها ملك محمود الشريف .. انا سمعت شخص بيقول انك انت و ملك بكرة تكونوا مقتولين و للاسف الشخص ده يبقي .. ابويا !
عز : ابوك !! احكيلي كل حاجه من الاول و انت مين اصلا
اسر : انا اسر فؤاد صاحب نص مصنع الفؤاد للأدوات الطبية و النص التاني من المصنع تحت اشراف ابويا .. النهارده بالصدفة كنت رايح اكلم بابا في موضوع بس وقفت فجأه لما سمعته بيقول كده و من ساعتها و انا مش تمام بس كل اللي كان شاغل تفكيري اني اوصلك انت و ملك عشان احذركم
عز : و ايه اللي يخليني اصدقك !
اسر : اني قاعد قدامك دلوقتي بعترف علي ابويا .. انا كنت هبلغ البوليس بس قولت احذرك الاول
عز : و ده اللي انا مستغربه .. انك بتعترف علي ابوك
اسر : انا مقدرش اشوف حاجه غلط قدامي و أسكت حتي لو ابويا .. هو هيعمل حاجه غلط و انا لازم اوقفه عشان محدش يتأذي
عز وقف مكانه و مد يده ليصافح اسر : انا العقيد عز الدين كامل الاسيوطي
اسر : عقيد !! طب ليه ابويا عايز يقتلك !
عز : اعتقد عشان انا بحمي ملك .. و كده انت حليت اكبر لغز في القضية
اسر بعدم فهم : قضية ؟ قضية ايه !
عز : في الفتره الاخيرة زادت محاولات اغتيال ملك و عشان كده انا بقت مهمتي حمايتها .. و للاسف احنا كنا بنحارب طرف مجهول و مش عارفين الضربة بتيجي من مين .. لحد ما وصلنا لمدحت الشاذلي و شريكة عزيز و عرفنا انهم جزء صغير من الصورة و ان في حد اكبر بيحركهم و بيقولهم يعملوا ايه و الجزء ده كان مفقود .. لحد ما انت حليته
اسر : انا مش فاهم اي حاجة
عز : بس فؤاد عايز يقتل ملك ليه .. هيستفاد ايه ؟
سكت عز للحظة ثم قال : قولي بالحرف اللي سمعته من فؤاد !
اسر : قال لحد انه يروح يسيب مخدرات في شقة واحد اسمه مراد عشان لما البوليس يروح يفتش يشيل هو كل حاجة و بكرة انت و ملك تكونوا مقتولين
عز : بس مقالش حاجة تاني ؟
اسر سكت لحظة ثم قال سريعا : لا قال حاجة كمان ..قال ان اقل غلطة مش مسموح بيها و لو طارق عمل حاجة ان..
عز قاطعة : طارق !!
وقف سريعا ثم قال و قد جحظت عينياه : انا دلوقتي فهمت كل حاجة !!
و في تلك اللحظة دق الباب فجأة
عز : اتفضل
فُتِح الباب لتدخل سالي ! .. نظر لها اسر بصدمة
اسر : سالي !! انتي بتعملي ايه هنا
عز : انتو تعرفوا بعض ؟
سالي : انا جايه عشان عز
عز بعدم فهم : عشاني انا ؟؟ انتي تعرفيني
سالي : ايوة .. انا صاحبة ياسمين لو تفتكر شوفتني مرة هنا
عز بتركيز : ايوة خير
سالي بتوتر : اا انا جايه اقدم بلاغ في حد !
عز : بلاغ ؟؟! و مروحتيش القسم ليه ؟
سالي : عشان في حد مراقبني و لو روحت القسم كنت هتقتل قبل ما ادخل حتي
عز : و البلاغ ده في مين ؟
سالي : طارق نائل الشريف .. في محاولة قتله لبنت عمه !!
عز : مستعده تقولي الكلام ده في القسم !
سالي : مستعده و معايا تسجيلات لكدة بس بشرط
عز : ايه ؟
سالي : تحميني منه .. طارق مصمم يتجوزني و انا خايفة يأذيني
عز : متقلقيش انتي من النهاردة في حمايتنا
سالي صمتت لتقول بعد لحظات بدموع : انا اسفه يا عز
عز : بتتأسفي ليه ؟
سالي : انا حاولت كتير ابعدك عن ملك عشان كنت فاكرة اني بحبك بس ده مطلعش حب دي كانت انانية مني انا اسفه .. بس انا اتغيرت و فوقت اول ما طارق قالي انه هيقتل ملك عشان يفرقكم فوقت قبل ما اقع في غلطة كبيرة اوي
عز : انا بشكرك انك جيتي النهاردة و قولتيلي الكلام ده و ده اللي شفعلك عندي
سالي ابتسمت و نظرت لاسر : انت بتعمل ايه هنا
اسر : الدنيا قصدت تجمعنا كلنا في شبكة واحدة
عز : تمام روحوا دلوقتي و خلوا الموضوع سر تماما لحد بكرة .. نهايتك قربت يا طارق انت و فؤاد
خرجت سالي و اتجهت الي بيتها سريعا و عندما وصلت وجدت امها تجلس بتوتر
امال : خرجتي فين بالليل كده يا سالي قلقتيني عليكي
سالي بدموع ركضت نحوها ثم احتضنتها : انا اسفة
امال بقلق : في ايه يا بنتي قلقتيني
سالي : انا كنت بعاملك بطريقة وحشة اوي و كنت رافضة اسامحك او اديكي فرصة حتي .. انا اسفة
امال : انا اللي اسفة يا بنتي انا غلطت في حقك و قصرت معاكي كتير .. يلا نفتح صفحة جديدة و ننسي كل اللي فات
سالي : ياريت .. انا تعبت .. تعبت من كل حاجة
امال : خلاص يا حبيبتي انا معاكي و عمري ما هسيبك تاني
عند عز
قبل خروج اسر لاحظ عز اضطرابه الشديد
عز : انت كويس ؟
اسر : مش عارف .. مش عارف افكر في ايه ولا ايه .. افكر في ابويا اللي فجأه طلع مجرم و قتال قتله ولا في حبيبتي اللي هتتخطب بكرة و مش عارف اوقف الخطوبة دي ازاي
عز : هي كمان بتحبك ولا ؟
اسر : ايوة بتحبني
عز ربط علي كتفه : يبقي تحارب الدنيا عشانها .. انا هقولك علي حل
تحدث عز معه لفترة طويلة و في النهاية نهض اسر و دلف بابتسامة : انا متشكر جدا يا عز .. ارتحت جدا أما كلمتك
عز : انا اللي متشكر جدا و لو احتاجت اي حاجه انا موجود
خرج اسر من المكان و ظل عز يفكر و يرتب افكاره
في اليوم التالي استيقظ يوسف بتفاؤل و امسك هاتفه ليتصل بعز و لكنه تفاجئ ان عز هو من يتصل به
عز : يوسف صباح الخير
يوسف : صباح النور
عز : تكون قدامي حالا انا في القسم
يوسف : بس النهارده اا
عز : عارف النهارده ايه .. ورانا شغل مهم نخلصه بعدين نروح تكون ياسمين جهزت حتي
يوسف : تمام
اغلق عز معه ثم خرج سريعا و اتجه الي بيت ملك و عندما وصل دلف الي المنزل ليجدها في انتظاره بفستان ازرق رقيق و شعرها التي اطلقته للعنان كانت جميلة و رقيقة جدا
ملك : طلبت اني اشوفك بدري اوي كده ليه
عز : ايه القمر ده
ملك ابتسمت بخجل ليكمل : هو انا وقعت من شوية
ملك بتوتر : عز بطل بقي
عز : ابطل ايه ؟
ملك : كلامك ده
عز ضحك : ماشي يا ستي .. ممكن نتحرك دلوقتي و انا هفهمك كل حاجة في الطريق
دخلت حياة : رايحين فين بدري كدة
عز : مشوار مهم و راجعين متقلقيش
حياة : انا مش بتطمن علي ملك غير و هي معاك يا عز .. ربنا يحميكم
و بعدها خرجوا من البيت و استقلوا سيارة عز و في الطريق
عز : احنا رايحين القسم
ملك : قسم ؟؟ ليه
عز : عرفنا حاجات كتير جدا في القضية بتاعتك
ملك : بردو مصمم تجري ورا الموضوع ده يا عز .. انسي و خلينا نبص قدامنا
عز : مش هينفع يا ملك طول ما انا حاسس انك مش في امان مش ههدي ولا ارتاح
ملك : للدرجادي بتخاف عليا
عز : و اكتر من نفسي
و بعد لحظات وصلوا الي القسم ليجدوا يوسف في انتظارهم
يوسف : خير يا عز
عز : انا عايزكم تقعدوا و تسمعوا اللي هقوله بهدوء و بالذات انتي يا ملك
عز تنهد ثم اكمل : انا وصلت للي كانوا بيحاولوا يقتلوكي الفترة اللي فاتت .. اللي رتبوا للحادثة بتاعتك و قطع فرامل العربية و محاولة قتلك يوم عشاء العمل و خطفك .. و الاتنين دول واحد اسمه فؤاد صاحب مصنع كبير و ..
ملك : و مين يا عز ؟
عز : و طارق ابن عمك !!
_________________________________
بدأ العمل في بيت سارة علي قدم و ساق حتي يتم تجهيزه قبل المساء لحفل الخطوبة و بعد ساعات من العمل بدأ المعازيم في الحضور .. سارة تجلس في غرفتها بتوتر تتصل بأسر و لكنه لا يرد عليها .. دخل امجد عليها
امجد : زي القمر يا حبيبتي
سارة ابتسمت بتوتر ليكمل : انا اسف اني ضغط عليكي بس صدقيني ده لمصلحتك
سارة : عادي مش فارقه
امجد : لا طبعا فارقه معايا .. يلا جهزي نفسك عشان دقايق و هطلع اخدك
سارة : كريم جه ؟
امجد : لا لسه بس شوية و هيوصل يلا
خرج امجد لتسقط دمعة من عين سارة : انت فين يا اسر !
و بعد فتره صغيرة صعد امجد الي سارة ليأخدها الي الاسفل نزلت معه بتوتر و جلست علي المقعد المخصص لها بجانب مقعد العريس و مرت ساعات و لم يأتي كريم و بدأ الناس في ملاحظة غيابه
امجد بتوتر : مبيردش ليه ده كمان
سارة : في ايه يا امجد !
امجد : كريم مبيردش عليا و المعازيم بدأت تمشي .. شكلنا وحش اوي اعمل ايه
و في تلك اللحظة نظرت سارة امامها لتجد اسر متجها اليها بابتسامة عريضة و يرتدي بدلة سوداء تخطي الجميع حتي وصل اليها و جلس بجانبها
اسر : اتأخرت ولا ايه ؟
سارة بصدمة : انت اا ازاي
امجد : ايه اللي بيحصل هنا ! ده مش مكانك ق..
و فجأه وضع احدهم يده علي كتف امجد التفت سريعا ليجده كريم
امجد : كريم ! انت فين كل ده
نظر له ليتفاجئ من لبسه ملابس عاديه : مش لابس رسمي ليه !
كريم : انا مش موافق علي الخطوبة يا امجد !!
_________________________________
عز : و طارق ابن عمك !!
ملك : طارق !! ازاي اكيد كدب
نهض عز من مكانه و اتجه الي باب الغرفة ليفتحه و تدخل سالي ثم رجع الي مكانه مرة اخري
عز : شغلي التسجيل يا سالي
سالي فتحت هاتفها و فجأه صدع صوت طارق في المكان و هو يقول " انا هقتل ملك عشان انا عايز اخلص منها !.. عشان الشركة دي من حقي انا .. محدش تعب فيها ادي و الهانم كانت لسه عيله و في الاخر تيجي تاخد كل حاجة علي الجاهز و فوق كل ده تعاملني بتكبر .. متخلقش اللي يقف في وش طارق الشريف يا سالي !!
ملك شهقت بصدمة : معقول !!
عز : انا اسف يا ملك مكونتش اتمني اني احطك في الموقف ده
ملك : و هنعمل ايه دلوقتي
عز : انا مضطر اقبض عليه
ملك : بس ده ابن عمي !
عز : بس عايز يموتك .. ياما قرايب بيقتلوا بعض عشان الماديات بس و انا مش هستني لما ينجح و يأذيكي
ملك : اللي تشوفه صح اعمله يا عز انا بثق فيك
عز : تمام .. سالي انتي هتتحركي دلوقتي و ياريت تفضلي في بيتك و انا هعين حرس علي بيتك لحمايتك انتي و والدتك
سالي : شكرا جدا
عز : ملك حاليا هناخد قوات و نطلع علي الشركة بتاعتك عشان نمسك طارق
و بعد دقائق خرج عز و يوسف و ملك من القسم و معهم قوات و اتجهوا الي شركة الشريف و بعد فترة وصلوا امام الشركة ترجلوا من السيارات و دلفوا للداخل وسط اندهاش الموظفين و الموظفات و تهامسهم
احد الموظفات : مش ده عز !
: ايوة والنبي هو .. هو مش سكرتير بردو
: لا .. ده طلع كان في مهمه عشان يحمي استاذه ملك لكن هو في الحقيقة ظابط
: بت المحظوظة ده زي القمر
: بس هم جايين كده ليه
: اسكتي و احنا نعرف
اقتحم عز مكتب طارق ليجده جالس علي مكتبه نظر له طارق بدهشة و في دقائق كان المكتب مليئ بالعساكر
طارق : فيه ايه !!
عز : انت مقبوض عليك يا طارق .. بتهمة محاولتك قتل بنت عمك .. ملك محمود الشريف !!

❤❤❤❤