منقذي و لكن

الفصل الاخير الجزء الثاني

الفصل الاخير الجزء التاني
عز : انت مقبوض عليك يا طارق .. بتهمة محاولتك قتل بنت عمك .. ملك محمود الشريف !!
طارق هب واقفا بصدمة لتتقدم ملك نحوه بدموع : ليه يا طارق .. للدرجادي بتكرهني
طارق صاح بها :  اه بكرهك و لو اطول اقتلك بأيدي كنت عملت كده ! 
ملك : لييه 
طارق : عشان شايفة نفسك و راسك في السما الشركة دي من حقي انا !!
دخل حسين و نادر و نائل
حسين : ايه اللي بيحصل هنا !
عز : ياريت يا طارق تتفضل معانا بهدوء
نائل : يتفضل فين !
عز : ده امر من النيابة بالقبض عليه لمحاولته قتل ملك بنت عمه
حسين بفزع : قتل !! انت يا طارق
طارق صاح بجنون : اه انا !! الشركة دي من حقي انا .. انا اكتر واحد تعب فيها و تيجي في الاخر حتت عيلة زي دي تاخدها و تكلمني اكني موظف عندها
ملك : انت اللي قراراتك كلها غلط و عايز توقعنا
طارق : انتي اللي غبية و مش بتفكري صح !!
ملك : فين الصح اني اعدي شحنه مش موثوق فيها !!
طارق صاح فجأه : انتي عارفة بسبب غباءك ده انا قتلت كام شخص !!
نظر له الحاضرون بصدمة و استوعب هو ما قاله
عز : اعتقد سمعنا كفاية .. اتفضل معانا
نائل ذهب الي طارق و قام بصفعة : غبي .. ياما قولتلك لا لكن انت صممت توقع نفسك !
حسين : انت كنت عارف يا نائل !
نائل : للاسف و حاولت امنعه كتير
حسين : تمنعه !! انت كان المفروض تقولنا و كلنا نتصرف معاه
ملك صرخت : بس كفااايه !! كل ده عشان الشركة .. خدوها مش عايزاها انا بس كنت عايزه اهل يخافوا عليا .. كنت محتاجة حد يعوضلي بابا اللي سابني لوحدي و مات كان فاكر انه سايبني مع اهل بجد لكن اتضح انهم وحوش
نادر : ملك والله لا انا ولا بابا كنا نعرف الموضوع ده !
طارق ضحك : خليك كده تحت رجلها لحد ما ييجي يوم و تدوس عليك انت كمان
ذهب اليه نادر بعصبية ليوقفه عز : اهدي عشان مش عايزين شوشرة .. يوسف
ذهب يوسف الي طارق ليقيده نظر طارق حوله بعدم تصديق ايعقل ان تكون تلك النهاية علي كل اعماله تلك سحبه يوسف خلفه ليقف أمام ملك نظر لها بنظرات كره و ردت له هي نظرات عتاب و حزن ليقف عز امامها و يكون الحاجز بينهم
عز : يلا يا يوسف !
نزل يوسف و معه طارق و قام بوضعه في سيارة الشركة و انتظر عز
حسين بعدم تصديق : انا مش مصدق اللي بيحصل حواليا ده .. غير كده انت مش سكرتير بتقبض عليه بأي حق !
عز اخرج الكارت الخاص به : انا العقيد عز الدين كامل الاسيوطي .. انا كنت بحمي ملك في السر محدش كان يعرف هويتي دي حتي هي و كل ده كان عشان اقدر اوصل للي بيحاول يقتلها و اللي انتم متعرفوهوش ان ملك اتخطفت مرتين
حسين : مرتين !! و انا هنا معرفش حاجه !
نائل في نفسه : هفضل ازاي في الشركة بعد اللي طارق عمله ده .. غبي !!
نائل : انا هستأذن لان وجودي مش هيبقي مرغوب فيه بعد كده
ملك : عمي !
نائل التفت لها لتكمل : انت ليك نسبة في الشركة و انا مشوفتش منك حاجه وحشة و اكيد مش هحاسبك باللي عمله طارق و هو هياخد جزاؤه لو عايز تفضل في الشركة اتفضل هي شركتك انت كمان
نائل : فيكي الخير يا ملك
حسين : متشكر جدا يا سيادة العقيد انك اهتميت بحماية ملك
عز : متشكرنيش ده واجبي
حسين : ابقي خلينا نشوفك بعد كده
عز امسك يد ملك : احنا قريب اوي هنبقي اهل بأذن الله .. انا و ملك بنحب بعض و هنتجوز قريب بأذن الله
نائل : هتتجوزوا !! اقصد مبروك ليكم بس الخبر صدمني مش اكتر
حسين بدموع : الف مبروك يا حبيبتي انتي تستاهلي كل خير اكيد ربنا هيعوضك عن كل اللي شوفتيه قبل كده
ملك : شكرا يا عمي
ثم نزلوا الي اسفل و ايديهم مشبكة ببعضها و عندما انتبه لهم يوسف اتجه اليهم
عز : ملك ممكن تستنيني في العربية و لحظات و هاجي
ملك : ماشي متتأخرش
ذهبت ملك و جلست في السيارة
يوسف : فؤاد هرب !
عز : ازاي !
يوسف : بعت قوات ليه عشان يمسكوه عقبال ما احنا نمسك طارق لكن للاسف هرب
عز بقلق : يوسف .. انا خايف علي ملك جدا
يوسف : انت معاها يا عز مش هيحصلها حاجه
عز : مش عارف يا يوسف بس قلبي مقبوض اوي
يوسف : متقلقش مش هيحصل حاجه
عز غير الموضوع : تمام .. انا هعمل مشوار مهم عقبال ما انت تخلص كل حاجه هعدي عليك بس ساعتين في البيت اخدك تمام
يوسف : تمام
عز : و موضوع فؤاد انا مش هيغمضلي عين غير و هو جمب طارق !
ذهب عز الي سيارته و استقلها بجانب ملك ثم انطلق بها
ملك : احنا رايحين فين ؟
عز : لما نوصل هتعرفي
و بعد فترة قصيرة وصل عز امام احد المستشفيات
ملك بتساؤل : مستشفي ؟؟ ليه
عز : احنا جايين نشوف مريم !
_________________________________
كريم : انا مش موافق علي الخطوبة يا امجد !!
امجد : مش وقت هزارك يا كريم الناس بتبص علينا
كريم : انا فعلا مش بهزر .. انا مش موافق علي الخطوبه دي .. الا الجواز يا امجد ده مفيهوش اجبار و فوق كل ده سارة مش بتحبني .. و واجبي عليها بأني صاحب علي الاقل اني اجمعها باللي هي اختارته
ثم اتجه اليهم و قال الي سارة : انا بحبك فعلا يا سارة بس حب اسر ليكي غلب حبي
سارة : كريم .. انا اسفه جدا
كريم ابتسم : انا اللي اسف اني دخلت بينكم .. انا كنت فاكرك مش موافقة علي الخطوبة بس لكن لما اسر جالي و قالي انكم بتحبوا بعض و شوفت الحب في عينيه و رعبه انك تضيعي منه في وقتها قررت اني لازم اجمعكم
و قال محدثا اسر : حافظ عليها مش هوصيك
اسر ابتسم : أنا مش عارف اشكرك ازاي
كريم : افرحوا يلا النهارده خطوبتكم
و ذهب بعيدا اتجه لهم امجد : ليه كده يا سارة لو كنتي قولتيلي انك بتحبيه كنت هحترم رأيك ده انا يهمني مصلحتك بس
اسر : امجد .. ياريت ننسي اللي فات و نفرح النهارده
امجد : بس انا معرفكش !
سارة : صدقني يا امجد اسر شخص كويس جدا ارجوك وافق
سكت امجد للحظة ثم ابتسم لها : بعد الحفلة نبقي نشوف الموضوع ده
لتبدأ حفلة الخطوبة كانت سارة في غاية السعاده و الفرحة و لم تفارق الابتسامة وجهها طوال الحفلة و كذلك اسر
سارة : عملت كل ده ازاي
اسر : عز هو اللي ساعدني و قالي الفكرة دي .. عمري ما هنسي اللي عمله معايا .. سارة
سارة : نعم
اسر : انا بموت فيكي !
سارة بخجل : و انا كمان !
_________________________________
عز : احنا جايين نشوف مريم
ملك : مريم !! ليه
عز : عايز اقولها حاجة
ملك بتردد : طيب اا انا هستناك في العربية
عز : اكيد انا مش جايبك معايا عشان تستني في العربية انتي هتيجي معايا
ملك : متأكد
عز : جدا .. يلا انزلي
نزلت ملك بتردد و دخلت الي المستشفي مع عز حتي وصلوا الي غرفة مريم .. دلفوا للداخل ليجدوها مغمضة عينيها و يجلس عزيز بجانبها التي فزع عندما رأي عز امامه و عندما احست مريم بحركة في الغرفة فتحت عينيها
مريم : جاي ليه يا عز .. عشان تشمت فيا !
عز : انا عمري ما اكون زيك .. انا جاي بس عشان اوريكي انك خسرتي في الاخر كل حاجه .. جاي اطفي غليل سنين قفلت علي قلبي بسببك .. سنين كنت عايشهم في نار انك موتي بسببي و في الاخر يطلع كل ده كدب .. مكونتش متخيل ان هييجي يوم و اكرهك كده .. بس اقولك حاجه انا مش زعلان باللي حصل لان لولا اللي حصل ده مكونتش هتعرف علي ملك .. كل الحب اللي كان في قلبي ليكي بقي لملك الضعف و انتي اللي خسرتي في الاخر .. دي نتيجة كدبك يا مريم
ثم نظر لعزيز : و انت متقلقش .. دورك قرب اوي
ثم امسك يد ملك و خرج من الغرفة سريعا
ملك : ليه عملت كده !
عز : مهما اعمل مش هطفي غليلي منها
ملك ابتسمت : خلاص انسي .. يلا نفتح صفحة جديدة انا معاك
عز ابتسم : كفاية انك معايا
ثم اوصلها الي بيته سريعا ثم ذهب الي يوسف و بعد ساعات كان يوسف امام منزل عز بتوتر
عز : مالك يابني
يوسف : متوتر اوي
عز ضحك : ليه يعني هو انت غريب
يوسف : في اللحظة دي حاسس اني غريب فعلا
عز ضحك : طب اجمد كده
و بعد لحظات فتحت لهم ملك : ايه التأخير ده كله احنا هنتقل من اولها
يوسف : والله عز اللي اخرني انا مليش دعوة
عز نظر باحتقار لتضحك ملك من نظراته تلك و دلفوا للداخل
ملك : انا هطلع اجيب ياسمين
و صعدت ملك لإحضار ياسمين و بعد لحظات نزلت ياسمين مع عايدة و ملك كانت ترتدي فستان فضي اللون و اطلقت شعرها للعنان نهض يوسف عندما نظر لها و ثبت مكانه حتي وقفت امامه بخجل
عز : احم .. بلاش اندم ها بص قدامك هي لسه مش مراتك
يوسف ضحك ثم جلسوا
عز : و طبعا المقدمة اللي كلكم عارفينها .. امي احنا طالبين ايد ياسمين ليوسف ايه رأيك
عايده ضحكت : انا معنديش مانع .. ربنا يسعدهم
يوسف سريعا : يبقي نقول مبروك .. امي سمعينا زغروطة والنبي
ضحكت عايدة بشدة لتطلق ( زغروطة ) و نظر يوسف الي ياسمين بحب لتبادله هي نفس النظرات
و بعد مرور شهرين تم فيهم الحكم علي مراد و طارق بالسجن خمسة عشر عاما .. حركة كثيرة في فيلا عز الدين و الكثير من العمال يجهزون الفيلا و يقومون بتزيينها
عز : الاضاءة ظبطوها اكتر .. فين المسؤول عن الاكل
علي : اهدي يا عز كله هيبقي تمام
عز : انت ملبستش ليه روح يلا جهز نفسك
علي ابتسم : طول عمرك شايل همنا حتي النهارده .. طب انت مش مركز ان النهارده فرحك انت كمان ولا ايه
عز : ملكش دعوة بيا يلا
و بعد ساعات كان يقف كل من يوسف و علي و عز امام مرآتهم يضعون اللمسات الاخيرة علي اطلالتهم
علي :  اخر حاجه كنت اتوقعها ان احنا التلاته نتجوز في نفس اليوم
يوسف ضحك : النصيب لما يريد بقي
عز : يلا نروح نشوف العرايس احسن يكونوا خلصوا و شكلنا هيبقي وحش جدا
خرج الثلاثة من الغرفة ليجدوا عايده و سعاد متجهين اليهم
عايدة بدموع : الله اكبر ماشاء الله عليكم يا حبايبي
سعاد : عيشت و شوفتك عريس يا علي
علي قبل يديها : و هتعيشي و تشوفي ولادي كمان .. ربنا يخليكي ليا
احتضنت عايدة يوسف و عز : ربنا يسعدكم يا ولادي و يكمل فرحتكم علي خير
حياة  : البنات خلصوا انتم فين كل ده !
ذهب الشباب امام غرفة العرائس في انتظار خروجهم و بعد لحظات فُتِح الباب ليخرج منه ثلاث حوريات جمالهم يشع ليطلق الشباب صفيرا عاليا و ذهب كلا منهم الي شريكته
عز بابتسامة ساحره مد يده اليها : تسمحيلي !
ملك ضحكت : سيبني افكر
عز : لا مش هسيبك
ملك : اتعودت عليا اوي انت !
عز : بحبك
ملك بخجل : طب يلا ننزل عشان منتأخرش علي الناس
........
يوسف  : ايه القمر ده !
ياسمين : بجد حلوة !
يوسف : انتي بتسألي .. انا اتلميت بس عشان اخوكي واقف
ياسمين : لا والله
يوسف : اه والله .. بلاش اتهور بقي
ياسمين بخجل : طب ركز مع الناس
.......
علي : انا مش مصدق اننا هنتجوز
ندي : ولا انا يا علي انا فرحانه جدا
علي بغرور : بتموتي فيا مش كده
ندي : انت اللي وقعت في حبي الاول علي فكرة
علي : غصب عني .. انا يا ستي فجأه كده بقيت مش قادر اعيش من غيرك
ندي ابتسمت : طب ماشي
علي : بس كده
ندي : اه بس بقي
خرجوا الي الناس الذين قاموا بتهنئتهم و بعد لحظات تم عقد القران لكلًا منهم و قاموا باحتضان بعضهم
ياسمين : يوسف
يوسف : ها
ياسمين : انا بحبك
يوسف صاح فرحا ثم حملها و لف بها وسط ضحكاتها .. اخذ كلا منهم عروسته للرقص ليلاحظ عز توتر ملك
عز : مالك
ملك : قلبي مقبوض !
عز : ماتخافيش مش هيحصل حاجة
ملك : بجد يا عز
عز : بجد يا قلب عز !
و بعد ساعات انتهي الحفل ليذهب كلا منهم الي شهر العسل فقد قرر ندي و علي ان يكون شهر عسلهم في شرم الشيخ و كذلك يوسف و ياسمين لكن عز و ملك قرروا السفر خارج مصر و تحديدا باريس .. استقلوا سيارتهم بعد ان ودعت ملك امها ببكاء شديد و بعد فترة انطلق عز بسيارته نحو المطار و قبل ان يصلوا بلحظات
ملك : عز انا عطشانه جدا مفيش مياه هنا
عز : لا يا حبيبتي مفيش .. استني فيه استراحة هناك هنزل اجيبلك
ملك : ماشي يا حبيبي متتأخرش عليا
عز ابتسم : حلوة حبيبي دي
ملك : اه اتعود عليها بقي
ضحك عز و نزل من السيارة و اتجه الي الاستراحة و اشتري لملك زجاجة مياه و اثناء عودته لوح لها بيديه لترد عليه بابتسامة عريضة و عيونهم معلقة ببعض و لكن فجأة ظهرت سيارة كبيرة و صدمت السيارة التي تتواجد بها ملك بقوة ليتكسر زجاجها بالكامل
عز صرخ : ملك !!! 
................ لحظات من الصمت و الخوف ما يشعر به عز في هذه اللحظة لا يمكن وصفه تجمع الناس سريعا نحو سيارة ملك التي تشوهت بالكامل .. ذهب عز اليها بنظرات رعب و خوف و ترفض قدمه ان تتحرك خطوة اخري حتي وصل الي سيارة ملك و قام بفتحها سريعا لتهوي ملك منها و هي غارقة في دمائها
عز بدموع و صراخ : لاااا لااا ملك ردي عليا .. يارب لا ارجوك بلاش ملك مش هقدر
و وضع يده علي رقبتها سريعا ليجد ان نبضات قلبها ضعيفة و لكنها تتنفس حملها سريعا و اتجه بها الي اقرب مستشفي سريعا و ما ان وصلوا حتي دخلت غرفة العمليات سريعا
جلس عز امام غرفة العمليات و تغلبه دموعه التي تتساقط لا اراديا شكلها و هي غارقة في دمها لا يفارق خياله ترعبه فكرة ان يفقدها و بعد ساعات خرج الطبيب من غرفة العمليات ركض عز نحوه سريعا
عز بتوتر و قلق : طمني عليها هي كويسة صح !
الدكتور : للاسف وشها اتشوه بالكامل .. ازاز العربية اتكسر علي وشها و فيه جروح كتيره جدا
عز بصدمة : اتشوه !! لا
الدكتور : فيه حل عندنا بس لازم موافقتك .. انت جوزها صح
عز : ايوة
الدكتور : احنا هنضطر نعملها عملية تجميل و نغير شكلها بالكامل
عز : يعني ايه !
الدكتور : يعني مراتك هيبقي ليها وش جديد !!

انتظروا ملك بالوجه الجديد .. الجزء التاني من رواية منقذي و لكن بقلمي ميار خالد موجود واكتملت كل الفصول ❤❤❤