منقذي و لكن

الفصل الثالث و الثلاثون

ياسمين : عز !!
جاء عز ليقترب منها و لكنها ابتعدت عنه سريعا و قالت بدموع و عصبية : رجعت ليه !! اهرب زي ما بتعمل كل مرة .. امشي و فكر في نفسك بس ولا اكني في حياتك
عز : كان غصب عني صدقيني
ياسمين بصراخ : كل مرة غصب عنك !! انت بتقول اني اختك و بنتك و كل حاجه بس الحقيقة اني ولا حاجة من دول
صمتت لحظة ثم اكملت ببكاء : هونت عليك ! هان عليك دموعي دي مفكرتش انا هيحصل فيا ايه لما تختفي تاني ! 
عز : انا فكرت فيكي و طلبت من يوسف يفضل جمبك و يطمني عليكي .. لو عليا مكونتش عايز اسيبك تاني و امشي صدقيني
ياسمين بصدمة : يوسف .. انت كنت علي تواصل بيه !!
عز تنهد : يوسف كان عارف بالخطة بتاعتي و كان بيطمني عليكم
ياسمين نظرت الي يوسف بصدمة و خذلان : انت كداب !
يوسف سريعا : ياسمين والله العظيم عز خلاني اوعده ان محدش يعرف هو فين حتي ملك جاتلي و انا مقولتش حاجة انا مش كداب !
عز اقترب منها : انا اسف يا ياسمين انا فعلا غلطان اني سيبتك و مشيت و مفكرتش فيكي حتي بس صدقيني كان غصب عني .. انا اسف اوعدك اني من النهارده هفضل جمبك زي الاول و مش هبعد ابدا و كل حاجه هترجع زي ما كانت
ياسمين بدموع معلقة في عينيها : كل حاجة
عز : كل حاجة .. سامحيني بقي
ياسمين رمت نفسها في احضانه و بكت بشدة و اخذت تضربه بخفه في صدرة
ياسمين : لو مشيت تاني مش هكلمك لأخر عمري
عز ضحك : خلاص بقي مش انا وعدتك
ابتعدت عنه ياسمين لتجد يوسف ينظر لها بتوتر و قلق
يوسف : ياسمين ارجوكي متزعليش مني انا ماقدرش علي زعلك والله اا اقصد يعني انتي عارفة غلاوتك عندي ازاي و الله لولا اني وعدت عز ان كل حاجة تفضل سر كنت طمنتك عليه .. سامحيني عشان خاطري او بلاش خاطري عشان خاطر عز
ياسمين : لا مش هسامحك و اطلع بره
يوسف نظر لها بصدمة و حزن كبير ثم استدار ليخرج من الغرفة ليجدها تضحك بشده و هي تمسح دموعها
ياسمين : خد هنا انت صدقت انا بهزر !
يوسف تنهد براحة : يا شيخة وقعتي قلبي حرام عليكي
ياسمين : تستاهل عشان تبقي تخبي عني حاجة تاني
ابتسم يوسف و نظر لها بحب و قد فضحته عيناه ليلاحظ عز تلك النظرات التي صاحبتها دمعة حاره سقطت من عينيه ليخرج يوسف من الغرفة سريعا
عز : ثواني و راجع
خرج عز خلفه و عندما وجده يخرج من البيت 
عز : يووسف
يوسف التفت له : خير يا عز
عز : مقولتيليش ليه !
يوسف : اقولك ايه ؟
عز : انك بتحب ياسمين اختي !
______________________________________
احمد صاح بها : ندي !!
و رفع مسدسه سريعا و أطلق رصاصة عليهم !
لحظات من الصدمة و الصمت خيمت علي  المكان ليسقط علي ارضا !
ندي بفزع : علي !!
و في تلك اللحظة هجمت الشرطة علي المكان و امسكت بأحمد سريعا و سحبوه الي سيارة الشرطة ليتم اعتقاله
فلاش باك
علي خرج من المستشفي استقل سيارته و اتجه الي بيت منصور و عندما وصل و قبل ان يترجل من سيارته اردف في نفسه
علي : انا مش ضامن ممكن يحصل ايه جوه بس انا مش مطمن .. انا هتصل بالبوليس احتياطي عشان لو حصل اي حاجه 
اتصل بهم بالفعل و اخبرهم عنوان المنزل و في تلك اللحظة تحركت الشرطة في طريقها لهم
باك
نزلت ندي و وضعت رأسه علي رجليها و قالت ببكاء : علي !! رد عليا
علي بتعب : انا كويس متقلقيش جت في كتفي حاجة صغيرة
ندي : لا مش حاجة صغيرة قوم معايا نروح المستشفي بسرعة
علي ابتسم بتعب : مكنتش اعرف انك بتحبيني اوي كده !
ندي ببكاء : اه بحبك و لو جرالك حاجه هقتلك
علي : انتي بتقولي ايه !!
ندي بتوتر : اقصد يعني هموت بعدك
علي : بعد الشر عليكي
ندي مسحت دموعها بظهر يديها : قوم معايا طب
ساعدته ان يقف علي رجليه ليذهبوا الي المستشفي سريعا و تم اخراج الرصاصة من كتفه و بعد ساعات خرج علي من غرفه العمليات و تم نقله الي غرفة عادية
ندي : عامل ايه دلوقتي !
علي : انا كويس اتطمني
ندي : اطمن ازاي و انا كنت شايفاك غرقان في دمك كده !
علي : والله انا بقيت كويس اتطمني بقي .. ياريتني بتصاب كل يوم يا ستي
ندي سريعا : لا بعد الشر عليك
علي : شوفتي .. اهو انا بقول كده عشان حبة القلق الحلوين دول
ندي بعصبية صاحت به : قصدك ايه يعني اني مش بهتم بيك ولا بقلق غير و انت تعبان بس
علي اصطنع الخوف : في ايه يا ندي صلي علي النبي انا بهزر مش كده
ندي : اه بحسب
علي ضحك : مجنونه ! يلا عشان نخرج
ندي : نخرج فين انت لازم ترتاح
علي : هبقي ارتاح في بيتي يلا
ندي : لا خليك عشان ابقي متطمنه عليك
علي بصرامة : ندي قولت يلا عشان اوصلك
ندي : حاضر
انهي علي بعض الاوراق ثم خرجوا الاثنان من المستشفي استقلوا السيارة و اتجه بها علي الي بيت ندي
عند منصور .. جلس مكانه علي احد المقاعد لتأتي سهام بعصبية
سهام : يعني خلاص كده كل حاجة راحت !
منصور : كل حاجه راحت فعلا
سهام : تحمد ربنا ان احمد اتسجن والا كان طالبنا بكل الفلوس اللي كنا بنسحبها منه علي امل انه يتجوز ندي
منصور : الحمدلله فعلا
سهام : كله بسبب الغبية اللي اسمها ندي دي !
منصور : لا يا سهام .. كله بسببك انتي .. انتي اللي خليتيني اعمل كده في بنتي لحد ما كرهتني
سهام : انا مالي انت هتجيبها فيا !
منصور هب واقفا بعصبية : منك لله .. خليتيني اخسر بنتي الوحيدة اللي ليا في الدنيا و انا كنت زي الاهبل ماشي وراكي .. اسود يوم في حياتي لما اتعرفت عليكي مشيت وراكي و بعت مراتي و بنتي .. اقولك حاجه كله بسببي انا .. انا اللي دخلتك حياتي .. انتي طالق يا سهام طااااااالق
سهام ببرود : كويس انها جت منك كده كده كنت هطلب الطلاق منك .. ده انت عيشتك بقت تقرف !
صعدت سهام سريعا و اخذت ملابسها و حقيبتها ثم خرجت من البيت سريعا ليجلس منصور مرة اخري و ينظر الي البيت الذي لم يبقي به احد سواه !
______________________________________
طارق : انت ناسي اننا شركاء في كل حاجة يعني لو انا وقعت انت كمان هتقع معايا و مصنعك اللي فرحان بيه هيتدمر .. يا فؤاد بيه !!
فؤاد التفت له بعصبية : انت بتهددني ولا ايه !
طارق : لا انا بفكرك بس لا تكون ناسي و خليك عارف اني لو وقعت مش هقع لوحدي
فؤاد : يعني ايه !
طارق : يعني تشوف حل للمصيبة دي معايا !
فؤاد : خلاص اتصرف مع مراد زي ما اتصرفت مع مدحت
طارق : مينفعش !
فؤاد : ليه
طارق : لان ممكن يكونوا مسكوه مجرد طعم عشان لما نحاول نقتله زي مدحت نتكشف
فؤاد : و الحل !
طارق بشر : انا كل اللي اعرفه دلوقتي ان لازم ملك تموت
فؤاد بعصبية : ملك ملك ملك هي البت دي مش بتموت و تخلصنا ليه !
طارق : كل ما اعمل خطة تبوظ !
فؤاد : بس مش ده الوقت المناسب انك تقتلها !
طارق : حتي لو حصل ايه لازم اقتلها !
فؤاد صاح به : فوق بقي .. لو انت عايز توقع نفسك انا مش عايز موت ملك في الوقت ده بالذات مينفعش
طارق صمت ليكمل فؤاد : مراد انا هتصرف معاه !
طارق : هتعمل ايه ؟
فؤاد : هخليه كبش فداء و اشيله كل حاجه .. هو اللي جابه لنفسه
طارق : تمام
فؤاد : انا همشي دلوقتي عشان بسببك خرجت من البيت فجأه و خايف اسر يشك في حاجه
طارق : مش كنت تقنعه يمسك الشغل بدالك بردو .. ده انت عجزت يا اخي
فؤاد : اسر ميعرفش اي حاجه عن الموضوع ده ولا يعرف ان جزء من المصنع بتاعنا و اللي انا مسؤول عنه بيصنع مخدرات !
طارق : و فيها ايه لما تعرفه !
فؤاد : اسر طالع لامه مخلص و كويس زيادة عن اللزوم و لو عرف حاجه كده مش بعيد يبلغ عننا !
طارق : انت متأكد انه ابنك ؟
فؤاد : نصيبي بقي .. انا همشي
و خرج فؤاد من المكان و اتجه الي بيته مرة اخري و بعد خروجه امسك طارق هاتفه و اتصل بسالي
سالي : قتلتها !
طارق : لا .. لسه عايشة كل مرة تنفد منها
سالي زفرت براحة : الحمدلله !
طارق : نعم  ؟؟
سالي : ايوة يا طارق انا مكونتش عايزاها تموت !
طارق بسخرية : ده ايه الطيبة دي !
سالي : مش طيبة .. انا مش عايزه حد يموت بسببي هدفي ان ملك و عز ميتجمعوش مش انك تقتلها
طارق : و انتي فاكرة اني كنت هقتلها عشانك ؟
سالي بتعجب و عدم فهم : ايوة فاكرة كده ؟!
طارق : انا هقتل ملك عشان انا عايز اخلص منها !
سالي بصدمة : انت بتقول ايه !! لييه ؟؟
طارق : عشان الشركة دي من حقي انا .. محدش تعب فيها ادي و الهانم كانت لسه عيله و في الاخر تيجي تاخد كل حاجة علي الجاهز و فوق كل ده تعاملني بتكبر .. متخلقش اللي يقف في وش طارق الشريف يا سالي !!
سالي : بس دي بنت عمك !
طارق : حتي لو كانت اختي !
سالي صمتت بصدمة و خافت منه كثيرا ليكمل طارق : ها عايزه اجي اتقدم لمامتك امتي ؟
سالي بتردد : استني شوية الفترة دي بس عشان اا مشغولين اوي
طارق : ماشي يا سالي هصبر الفترة دي لان انا كمان عندي مشكلة لازم اخلص منها .. بس بعد الفترة دي خليكي عارفة ان مفيش حاجه هتوقفني اني اخليكي ليا .. فاهمه
سالي : فاهمه
اغلق معها طارق لتجلس في مكانها بخوف و حيرة : انا مستحيل اوافق اني اتجوز طارق بس اعمل ايه .. لو قولتله لا ممكن يقتلني .. دي بنت عمه اللي من دمه و عايز يقتلها !
رجع فؤاد الي بيته مرة اخري ليجد اسر ينتظره بالأسفل
اسر بتعجب : انت خرجت فين فجأه كده !
فؤاد : ايه حمدلله علي السلامه افتكرت ان ليك اب ولا ايه !
اسر : لازمته ايه الكلام ده
فؤاد : لازمته انك تفوق لنفسك يا استاذ
اسر : خلاص فوقت
فؤاد : احسن بردو
صعد اسر الي غرفته مرة اخري بضيق و استغل فؤاد هذه الفرصة فاتصل بأحد رجالة .. صعد اسر الي غرفته و اخذ يفكر في اليوم التالي و كيف سيتمكن من ايقاف خطوبة ساره و لكنه لم يتمكن من الوصول الي حل مناسب فقرر ان يأخذ رأي والده في هذا الموضوع لعله يساعده .. فتح غرفته و اتجه الي مكتب والده حيث يتواجد به دوما جاء ليدخل لكنه توقف فجأه خلف الباب حين سمع والده يقول
فؤاد : اولا هتروح تسيب مخدرات في شقة مراد عشان لما الشرطة تروح تفتش بيته يتمسك ويشيل هو كل حاجه تاني حاجة و الاهم .. عز الدين كامل الاسيوطي و ملك محمود الشريف يكونوا مقتولين بكره .. انت فاهم !!

توقعاتكم ❤