ဆင့်ခေါ်သူ (Volume II) [ရပ်နား]

Chapter 70 : Crazy Voting

လီချန်းယွီ က သစ္စာရှိတဲ့အချိန် လျှိုရွှမ်းက လုပ်သင့်လုပ်ထိုက်တာကို လုပ်တတ်တဲ့ ခေါင်းဆောင်တစ်ယောက်ဖြစ်သည်။ လွန်ခဲ့တဲ့အပတ်က သူတို့ ချောင်ရှားမှာဆုံတုန်းက ရှောင်ဂူနဲ့ လောင်ကျောက်ကို နယူးယောက်သွားဖို့ လက်မှတ်မှတ်ဝယ်ပေးခဲ့သည်။

Dragon Warriors Club က ရင်းနှီးမြှုပ်နှံသူတွေများတဲ့အပြင် ပိုင်ရှင်ဖြစ်သူ လျှိုရွှမ်းကိုယ်တိုင်က ပိုက်ဆံရှိအသိုင်းအဝိုင်းက ဖြစ်တာမို့ လက်မှတ်ဝယ်တာလောက်က မပြောပလောက်တဲ့ အသေးအမွှားလေးသာ ဖြစ်သည်။ အဲ့ဒီအပြင် ရှောင်ဂူလေးကလည်း club ထဲဝင်ပြီးတည်းက ဘယ်မှမသွားဖြစ်တော့တာမို့ ရှောင်ဂူလေးအတွက်လည်း ပွဲဦးထွက်အတွက် ခရီးပေးထွက်ရင်း အပန်းဖြေခိုင်းလိုက်သည့် သဘောဖြစ်သည်။

ကျောက်ကျွင်းမင်နဲ့ ရှောင်ဂူကတော့ သူတို့ရဲ့ သူဌေးကို လေယာဉ်ချိန်မေးပြီးတာနဲ့ အဝတ်တွေကောက်ပြီး အထုပ်ပြင်ထားလိုက်ကြသည်။

***

စက်တင်ဘာလ ၂၅ ရက်နေ့ ၌ တရုတ် Miracles official website တစ်ခုလုံး ဖန်တွေကြောင့် ရပ်တန့်လုမတတ်ဖြစ်သွားသည်။

အကြောင်းက voting ပေးတဲ့ နောက်ဆုံးရက်ဖြစ်တာကြောင့် ဖြစ်သည့်အပြင် ရလဒ်တွေကလည်း မိနစ်တိုင်းကို ပြောင်းလဲနေပြီး သူတို့ မောက်စ်က right click လေးနှိပ်ပြီး refresh လေးတစ်ခါနှိပ်ရုံနဲ့တင် မတူညီတဲ့ ရလဒ်တွေကို ပြနေသည်။

လင်းရှီဖန်ရဲ့ ဖန်တွေကတော့ ည ၁၁ နာရီထိုးတာနဲ့ သူတို့ရဲ့ idol ကို ပထမနေရာရအောင် လုပ်ပေးပြီးပြီးဖြစ်သည်။ နောက်နေ့မနက်အထိ လင်းရှီဖန်က ပထမနေရာကနေ ပြန်မဆင်းစတမ်း ရှိနေပြီး သူ့နောက် ဒုတိယနဲ့ တတိယနေရာတွင်တော့ စူဂွမ်မိုနဲ့ တန်စီထျန် တို့ ရှိနေကြသည်။

လေးနေရာမြောက်ကနေစလို့ ဆယ့်နှစ်နေရာအထိကတော့ နောက်ဆုံးအချိန်အထိ အပြောင်းအလဲတွေရှိနေပြီး သူတို့ရဲ့ ဖန်တွေကလည်း အကြိတ်အနယ်ကို vote ပေးနေကြသည်။

လက်ရှိ ranking အရ လေးနေရာမြောက်၏ ပိုင်ရှင်တွေက Red Fox အသင်း ခေါင်းဆောင် လျိုရှောင် ၊ Time အသင်း၏ ဒုခေါင်းဆောင် ချောင်ဝေ ၊ Pure Cleansing အသင်း၏ ဒုခေါင်းဆောင် ချူယန် ၊ Cheetah အသင်းခေါင်းဆောင် ကျန်းရှီ ၊ Ghost Spirits အသင်းခေါင်းဆောင် လုံဝူရွှမ်း ၊ Red Fox အသင်း၏ ဒုခေါင်းဆောင် ယျောင်မုဇီ ၊ Flying Feathers အသင်း၏ ဒုခေါင်းဆောင် ရွီဖျင်ရှန်း နဲ့ Pure Cleansing အသင်း၏ ဒုခေါင်းဆောင် ကျိုးချင်ယွဲ့ တို့ ဖြစ်ကြသည်။ သူတို့က စတုတ္ထနေရာကို သူတက် ငါဆင်းနဲ့ နောက်ဆုံး တစ်နာရီကျန်တဲ့အချိန်အထိ လုလို့ကောင်းဆဲဖြစ်နေသည်။