ဆင့်ခေါ်သူ (Volume II) [ရပ်နား]

Chapter 68 :Sixth Member

ခြိမ်းခြောက်နည်းအဖြာဖြာနဲ့ ဆွဲဆောင်ခြင်းကိစ္စအောင်မြင်သွားပြီးနောက် တစ်သင်းလုံးက လက်ခုတ်တီးနေတဲ့ အီမိုဂျီတစ်တန်းစီပို့ကာ ကြိုဆိုကြလေသည်။

လီချန်းယွီကတော့ လူသတ်သမားနဲ့ပတ်သတ်တဲ့ equipment မှန်သမျှကို ပို့ပေးလိုက်ပြီး နယ်မြေရှင်းလင်းရေး စတင်လိုက်သည်။

[မင်း အသင်းဖော်အသစ် ရှာတွေ့သွားပြီလား]

လင်းရှီဖန် ဂိမ်းထဲဝင်ဝင်ချင်း လီချန်းယွီ၏ အသင်းမှာ ကစားသမားခြောက်ယောက်ပြည့်နေတာကို တွေ့တော့ စာပို့ပြီးမေးလိုက်သည်။ အဲ့တာက အသစ်ဝင်လာတဲ့ ကစားသမားကလည်း မနေ့က သူ့ကို သတ်ဖို့ကြိုးစားတဲ့ တစ်ယောက်ဆိုတော့ လင်းရှီဖန် နည်းနည်း အံ့ဩသွားသည်။

[အင်း တွေ့သွားပြီ။ သူက ချောင်းမြောင်းတိုက်ခိုက်တဲ့နေရာမှာ လှုပ်ရှားမှုတွေ အရမ်းမြန်တယ်။ ဒါပေမယ့် လေ့ကျင့်ပေးဖို့တော့ လိုသေးတယ်]

[သူ့အကြောင်းတွေကိုရော မေးကြည့်ပြီးပြီးလား]

[ငါ အဲ့တာကို ဖြည်းဖြည်းချင်းပဲ ပြောပြချင်တယ် ။ professional အသင်းမှာဝင်ကစားရမယ်ဆိုတာ သိသွားရင် သူလန့်သွားမှာဆိုးလို့]

[အင်း အဆင်ပြေပါစေ]

လင်းရှီဖန်က လီချန်းယွီကို တွေ့ချင်လို့ ဂိမ်းထဲဝင်ခဲ့တာဖြစ်ပြီး အခု လီချန်းယွီ အဆင်ပြေနေတာ သိလိုက်ရတော့ ထွေထွေထူးထူးမဟုတ်ပေမယ့် စိတ်အေးသွားတယ်လို့ ခံစားလိုက်ရသည်။

[ဒီရက်ပိုင်းအတွင်းမှာပဲ ပြိုင်ပွဲတွေစတော့မှာမလား ။ မင်း ငါ့ကို စိတ်မပူပဲ ပြိုင်ပွဲအတွက် ပြင်ဆင်တော့ ။ မင်းရဲ့ အလုပ်မှာ ပြဿနာမဖြစ်စေနဲ့ ]

[ကောင်းပါပြီ]

လီချန်းယွီနဲ့ စကားပြောပြီးတာနဲ့ လင်းရှီဖန် လိုင်းပေါ်ကဆင်းကာ မနက်ဖြန်အစည်းအဝေးအတွက် ပြင်ဆင်စရာရှိတာတွေ ပြင်ဆင်ပြီး အိပ်ရာဝင်ခဲ့သည်။

လက်ရှိမှာ အသင်းတွေ၏ထိပ်ဆုံးနေရာတွင် Wind Colour အသင်းရှိနေပြီး ဒုတိယနှင့် တတိယ က Time အသင်းနှင့် Ghost Spirits အသင်းတို့ဖြစ်သည်။ Flying Feathers အသင်းက လက်ရှိမှာ စတုတ္ထနေရာရောက်သွားပြီး Pure Cleansing အသင်း ၊ Red Fox အသင်းနဲ့ Cheetah အသင်းတို့က သူ့နောက်တွင် တွဲလျက်တည်ရှိနေကြသည်။ တစ်သင်းနှင့်တစ်သင်းက အမှတ်သိပ်မကွာတာမို့ ပြိုင်ပွဲမှာနည်းနည်းလေး လွဲချော်သွားတာနဲ့ အဆင့်တွေလည်း ပြောင်းလဲသွားနိုင်သည်။ ထို့အပြင် အခုတစ်ကြိမ်လာမယ့် ပြိုင်ပွဲက အရေးအကြီးဆုံးနဲ့ အခက်ဆုံးပြိုင်ပွဲတွေဖြစ်လို့ ပိုပြီး ဂရုစိုက်ဖို့လည်း လိုသည့်အပြင် ပြိုင်ပွဲမှာထိပ်ဆုံး လေးနေရာဝင်တဲ့ အသင်းလေးသင်းက အတော်ဆုံးကစားသမားလေးယောက်က ချန်ပီယံဆုအတွက် ထပ်ပြိုင်ရမှာဖြစ်လို့ ကစားသမားတွေလည်း နေ့ရောညပါ လေ့ကျင့်နေရသည်။