In Another Life: The Other Side Of The Parallel (Wattys2020 Winner)

A Paranormal-Love Story

***

Sa mundong lahat ay posible.

Harapin ang takot.

Tuklasin ang natatagong lihim.

Sa mga katanungan na hahanapan ng kasagutan.

"Nagsisimula na."

"Malapit nang sumapit ang katapusan."

"Kailangan mong mabago ang magiging kahihinatnan."

"Dahil hindi ito tama."

Aalamin ang ibig sabihin ng mensahe.

Bibigyang-linaw ang mga pangitain.

At ibubunyag ang misteryo sa likod ng mga panaginip.

Sapagkat hindi lahat ay maaaring makita ng mata.

Sa mundong nababalot ng hiwaga, maniniwala ka ba sa posibilidad na may ibang...

IKAW?

Normal at payapa ang buhay ni Cassy Enriquez, hanggang sa magsimula na siyang managinip patungkol sa babaeng kamukha, pero may ibang personalidad at katauhan mula sa kaniya.

Hindi rin inaasahan ay kaniyang natuklasan ang pagkakaroon ng misteryosong kakayahan na imposibleng taglayin ng pangkaraniwang mortal.

Ngunit ang pambihirang kapangyarihan ay may kapalit, sapagka't ang noon ay payapa niyang buhay ay unti-unting nabubulabog ng mga kahindik-hindik na pangyayaring halos hindi niya mapaniwalaan.

At dahil sa mga nararanasang kababalaghan, pinilit niyang hanapin ang taong maaaring makasagot sa lahat kaniyang mga katanungan-si Jacob Sto. Domingo.