{ Unicode }
နေမြင့်မှနိုးလာတဲ့ရှောင်းကျန့်ဟာ ညကတစ်ညလုံးငိုထားတာမို့ ခေါင်းတွေအုံခဲနေတယ်။အားယူကာထထိုင်လိုက်ပြီး ကိုက်ခဲနေတဲ့မျက်ရိုးတွေကိုနှိပ်နယ်နေမိသည်။ညကဝမ်ရိပေါ်ဘယ်မှာအိပ်သလဲမသိပေမဲ့ ရှောင်းကျန့်ကတော့ ဝမ်ရိပေါ်ထွက်သွားပြီးထဲက ငိုပြီးအိပ်ပျော်သွားတာပဲ။
မှန်ရှေ့မှာမတ်တပ်ရပ်လိုက်တော့ ဖောင်းအစ်နေတဲ့သူ့မျက်လုံးတွေကိုပြန်မြင်ရတယ်။တစ်ဆက်တည်းမျက်လုံးကအငြိမ်မနေ..နှုတ်ခမ်းဆီအကြည့်ရောက်သွားတော့ မနေ့ကဝမ်ရိပေါ်ရဲ့အကြမ်းပတမ်းနမ်းရှိုက်သွားတာတွေကို ပြန်မြင်ယောင်လာတာမို့ မျက်နှာကြီးကိုရေနွေးပူနဲ့ပက်ခံလိုက်ရသလို ပူရှိန်းရှိန်းနဲ့။ခေါင်းကိုနာနာလေးခါထုတ်လိုက်ပြီး မျက်နှာသစ်လေတယ်။
"မသိချင်ယောင်ဆောင်နေမယ်...ဟုတ်ပြီ"
မျက်နှာသစ်ပြင်ဆင်ပြီးလို့ အောက်ဆင်းမယ်ကြံတော့လည်း ချက်ချင်းကြီးမဆင်းသွားနိုင်။ဝမ်ရိပေါ်နဲ့များထိပ်တိုက်တွေ့ခဲ့ရင် ဘယ်လိုမျက်နှာထားမျိုးနဲ့ ဘယ်ကနေဘယ်လိုစကားစရပါ့မလဲတွေးနေမိတယ်။
"နိုးပြီလား"
ရှေ့ကနံရံကြီးကိုမချိပြုံးလေးပြုံးရင်းမေးသည်။နံရံကြီးကဘာမှပြန်မဖြေ။
"အာ.. မဟုတ်သေးပါဘူး..."
ခါးထောက်ကာမဟုတ်သေးဘူးဆိုပြီး မျက်မှောင်ကျုံ့ပြန်တယ်။
နောက်တစ်မျိုးပြောင်းတာက...
နံရံကြီးကိုမျက်စောင်းတစ်ချက်ထိုးပြီး မနက်စာစားနေတဲ့ပုံထပ်ဟန်ဆောင်တယ်။
နံရံကြီးနေရာမှာ ဝမ်ရိပေါ်လို့မှတ်ကြကုန်။
အသက်မဲ့တဲ့နံရံကြီးအားစိုက်ကြည့်ရင်း
အဆင်မပြေသေးဘူးဆိုပြီး စိတ်ရှုပ်စွာခေါင်းကိုဆွဲဖွတယ်။
နှုတ်ခမ်းကိုခပ်ဖွဖွကိုက်ရင်း အကြံထုတ်နေတဲ့ရှောင်းကျန့်က ရုတ်တရက်ကြီးချောင်းတစ်ချက်ဟန့်ကာမေးပြန်တယ်။ဘာတုန့်ပြန်မှုမှမရှိတဲ့ နံရံကြီးဝမ်ရိပေါ်ကို။
"ညကဘယ်မှာအိပ်တာလဲ"
မေးပြီးမှမဟုတ်သေးဘူးဆိုကာ ခေါင်းခါပြန်သည်။
YOU ARE READING
My Youth Is Yours
FanfictionYizhan "ေဝအိေဖာ္နဲ႔ေဂ်ာင္းဂ်န္႔ဟာတူနယ္ဂ်င္းေတြပါ။ တိေန့ေသာအထာရန္ဂ်စ္ဂ်။ ေဝအိေဖာ္ကႏွထန္းနဲ႔ခ် ေဂ်ာင္ေဂ်ာင္းဂ်န္႔ယဲ့မက္နာ၀ယ္ ခ်ေတြးကြက္ေတြကကြယ္ ဘယ္ကရတလဲဆိုရင္ေတာ့...ေဝအိေဖာ္မြမြလုပ္လို႔ေပါ့...ခ္ခ္.." "ဝေအိဖော်နဲ့ဂျောင်းဂျန့်ဟာတူနယ်ဂျင်းတွေပါ။ တိနေ့သေ...
