{ Unicode }
လူတွေရှုပ်ရှက်ခတ်နေတဲ့ ညဈေး ။ ရောင်စုံမီးလုံးတွေ ထိန်ထိန်လင်းတဲ့ညဈေး ။ ရှက်ပြုံးလေးတစ်ခုရှိမယ် ။ လက်ချောင်းချင်းယှက်သွယ်ထားတဲ့ လက်နှစ်ဖက်ရှိမယ် ။ ပုခုံးကနေဆွဲဖက်လို့ ရင်ခွင်ထဲနစ်နေအောင်ဖက်ထားလိုက်ချင်သော်လည်း မနည်းမနောလူအုပ်ကြီးရဲ့ကြားမှာမို့ အောင့်အီးသည်းခံလိုက်ရသည် ။ အနက်ရောင်ဟူဒီနဲ့အနက်ရောင်ဘောင်းဘီအပွကို လွယ်လွယ်ပဲဆွဲထုတ်ဝတ်ဆင်ခဲ့ပေမဲ့ ဝမ်ရိပေါ်ရဲ့ချောမောခန့်ညားမှုတွေကငုပ်လျှိုးမသွား ။ ဖုန်းသုံးရင်းလမ်းလျှောက်နေတဲ့ ဝမ်ရိပေါ်ကရှောင်းကျန့်လက်ကလေးကို မြဲနေအောင်ဆုပ်ကိုင်ထားပါသည် ။ ငါ့ဘဝရဲ့တစ်ခုတည်းသော ကာကွယ်စရာ ။ လက်မောင်းနှစ်ဖက်ကြား မြုပ်နေအောင်ဖက်လို့ ဖွက်ထားချင်စရာဟာ ရှောင်းကျန့်တစ်ယောက်သာရှိကြောင်းလည်း ပြချင်သေးသည် ။ ဝမ်ရိပေါ်ဆွဲခေါ်တဲ့နောက် ဟိုကြည့်သည်ကြည့်နဲ့ ရှောင်းကျန့်ကငြိမ်ငြိမ်လေးလိုက်လာသည် ။
ဝမ်ရိပေါ်တစ်ချက်ငဲ့ကြည့်လိုက်တော့....
"မင်းဘယ်သူ့ကိုကြည့်နေတာလဲ"
"အမ်...မကြည့်ပါဘူး"
"ကြည့်နေပါတယ်...ဟိုကောင်မလေးကိုကြည့်နေတာမဟုတ်ဘူးလား"
ဝမ်ရိပေါ်လက်ညိုးညွှန်ပြတဲ့ကောင်မလေးက ရှောင်းကျန့်တို့နဲ့ခပ်လှမ်းလှမ်းကိုတောင်ရောက်နေပြီ ။
"သူ့ကိုကြည့်တာမဟုတ်ဘူး...ဟိုကိုကြည့်တာ"
မလှမ်းမကမ်းမှာရှိနေတာက အသားကင်တွေရောင်းတဲ့ဆိုင် ။ ပူပူနွေးနွေးပေါက်စီတွေကလည်း အငွေ့တစ်ထောင်းထောင်းနဲ့ခင်းကျင်းပြထားသေးသည် ။ ရွှေရောင်သမ်းပြီးကြွပ်ရွနေမဲ့ ဖက်ထုပ်ကြော်လေးတွေကလည်း ဆီဝနေလို့ ဝါဝါဝင်းဝင်းနဲ့ ။ ရှောင်းကျန့်တံတွေးမြိုချမိတာ မဆန်းပေ ။ ညဈေးလာတာ စားဖို့သောက်ဖို့ ။ ဒါကိုဝမ်ရိပေါ်ကြီးကဖုန်းပဲကြည့်ပြီး လျှောက်သွားနေတယ် ။
"အာ...စားချင်လို့လား"
"မဟုတ်ဘူးဟေ့...အာချောင်ပြီးပြတာ!!"
စိတ်မရှည်စွာအော်ချလိုက်တိုင်း ဝမ်ရိပေါ်ကြီးကပြုံးစိစိလုပ်တော့တာပါပဲ ။
YOU ARE READING
My Youth Is Yours
FanfictionYizhan "ေဝအိေဖာ္နဲ႔ေဂ်ာင္းဂ်န္႔ဟာတူနယ္ဂ်င္းေတြပါ။ တိေန့ေသာအထာရန္ဂ်စ္ဂ်။ ေဝအိေဖာ္ကႏွထန္းနဲ႔ခ် ေဂ်ာင္ေဂ်ာင္းဂ်န္႔ယဲ့မက္နာ၀ယ္ ခ်ေတြးကြက္ေတြကကြယ္ ဘယ္ကရတလဲဆိုရင္ေတာ့...ေဝအိေဖာ္မြမြလုပ္လို႔ေပါ့...ခ္ခ္.." "ဝေအိဖော်နဲ့ဂျောင်းဂျန့်ဟာတူနယ်ဂျင်းတွေပါ။ တိနေ့သေ...
