براءة

إعتذار

من ناحية إني مدينة بإعتذار ف أنا فعلاً لازم اعتذر عن التأخير في تحديث فصول الرواية..

و ده لأسباب كتير هكتبها و اللي مش حابب يقرأها يسكيب البارت ده..
المهم
1- من كام شهر كده قولتلكو جدتي اتوفت و كانت نور العيلة و بيت العيلة، العقد انفرطت حباته بعد وفاتها بس كنا بنحاول نتجمع علي قد م نقدر ل4 شهور تقريباً بعد وفاتها قررنا نسافر كعيلة كاملة سوا، و حصل و سافرنا و بدأ اليوم كأعظم يوم ممكن عيلة تقضية في مزرعة، بس بدون دخول في تفاصيل كتير اليوم انتهي بكارثة و رجعنا من رحلتنا السعيدة بجثتين غرقانين لعمي و بنته قدام عنينا و مقدرناش ننقذهم، رجعنا و علي أكتافنا ألم يهد جبل، لأن عمي ده شب في التلاتين من عمره و عنده 3 أبناء بنت منهم ماتت معه، او هو مات عشان ينقذها، كان أكتر حد بار بأمه و كنا بنحبه و هو اللي كان م جهزلنا السفرية و دايما كان بيفرحنا و يسأل علينا، كان دايما اطيب و اجدع راجل قابلته، عيلة كاملة اتكسرت و لسه مش قادرين نستوعب المشهد اللي حصل قدام عنينا
*ربنا يرحمهم ويغفر لهم و يرحم موتانا و موتي المسلمين*

2- فوقت من الاكتئاب ده علي مسئوليه في نشاط طلابي في جامعتي، مسؤولة فيه عن تيم التسويق كله للمكان

3- غير أني لغة و دراستي مش سهلة محتاجة طول الوقت تطوير

4- عندي صفحة ببيع فيها شغل هدايا و ديكورات هاند ميد و شغالين عليها حالياً

أنا بشرية زيكو و عندي حياتي اللي مضغوطة فيها و مشغولة بس نوعا ما الحمدلله مبسوطة فيها، ف شئ طبيعي اتأخر و شيء طبيعي مقدرش أنزل طول الوقت لأني بنزل البارت 1000 و شويه بكتب فيهم علي مدار فترة طويلة كل م يسمح الوقت بالكتابة بكتب عشان أنا بحب الرواية و بحب الفكرة و متعلقة ببراءة اكتر من اي حد دي بنتي اللي اتولدت و اترسمت شخصيتها و أفكارها و تساؤلاتها علي ايدي، أنا بحب الكتابة عشان بحب الكتابة و رسم هوية لشخص مجهول و رسم طريقه اللي هيمشي فيه، بكتب عشان بحب اكتب و اسمع رأيكو و كلامكو اللي بيشجعني
لما بتأخر في الكتابة بنسي التفاصيل الصغيرة و الأحداث اللي مرتباها عليها فبضطر اقرأ الرواية تاني و تالت و رابع عشان علي قد م اقدر ابقي مستوعبة الأحداث زيي زيكو

اعذروني عشان بتأخر بس حياتي فيها كتير اوي غير الكتابة اللي هي جزء من حياتي الأساسية بس مش الكل ❤️