"MAY isang hindi matahimik na Amor. Pilit niyang hinahanap ang totoong ibig sabihin ng pag-ibig. Matinding pagod at uhaw ang kaniyang nararamdaman sa paghahanap ng salitang nawala sa kaniyang puso."
"Grabe po ang mga kuwento niyo, lola. Nakakatakot." Napangiti ang matandang babae. "Dapat ay palagi mong tingnan kung ano ang ibig sabihin ng pagmamahal. Kailanman ay hindi ito maramot, hindi rin para sa sariling interes. Matatag at malaya ito."
"Sino po ba talaga kasi ang makapagbibigay ng greatest love, lola?" Hinaplos ng matanda ang buhok ng kaniyang apo. Kung noon ay tungkol sa mga Prince Charming ang nais malaman ng batang babae, ngayon naman ay mas lumalalim ito habang ito ay nagdadalaga.
"Kahit sino ay maaaring makapagbigay ng greatest love, iha. Maaring ang ating ama, mga nakatatandang kapatid, o mga mas batang kapatid, mga kaibigan, ang ating magiging asawa o ikaw mismo. Ngunit isang patunay ng walang hanggang pagmamahal ay ang pagmamahal ng ina para sa kaniyang anak. Hindi ito nasusukat. Hindi humihinto ang ina na magmahal. Hindi kayang tiisin ng ina ang anak. Walang hinihinging kapalit na pagmamahal ang ina. Buong puso niya itong ibinibigay kasabay ng mga maliliit na pagsasakripisyong hindi natin alintana sa araw-araw."
Napangiti ang dalaga. Mayroong panibagong aral siyang natutunan.
"Sa susunod ulit, lola ay dadalaw ako rito. Sana mahanap na ni Lilith ang tunay na ibig sabihin ng pag-ibig at sana ay makahanap rin ako ng lalaking kasing kisig at ubod ng bait na tulad ni Lolo. At promise po, hindi na ako magiging bad kay mommy. Hindi na po ako sasagot nang pabalang sa kanya." Matingkad na ngumiti ang matandang babae.
"Mabuti 'yon, apo. Nahihirapan ang iyong ina sa pag-aalaga at paglilinis ng bahay. Dapat ay ilagay mo sa iyong isipan na habang nabubuhay ang iyong ina ay mahalin at respetuhin mo siya gayundin ang iyong ama."
"Opo, lola. Sige po. Maraming salamat po." Humalik sa pisngi ng matanda ang dalaga.
NANG makaalis ito ay tiningnan lamang ng matanda ang pasalubong ng bata na burger at fries. Ilang sandali ay dumating ang kaniyang asawa.
"Nanggaling dito ang apo natin?"
"Oo, fries ko. May pasalubong siya para sa 'yo."
Tiningnan ng matandang lalaki ang nasa lamesa at napangiti.
"Bawal na sa atin 'yan, my burger." Nagtawanan ang dalawang matanda habang nakatitig sa isa't isa.
•••••
A/N: May isa pang Special Chapter na available sa book. Published by Inkspired Publishing House, First Printing 2021.
Maraming salamat po sa mga taong sumuporta sa AMOR. Lagi po nating tandaan na ang pagmamahal ay maaaring ibigay ng kahit sino sa lahat ng tao. Salamat.🌸🌸🌸
BINABASA MO ANG
AMOR
RomancePublished under INKSPIRED PUBLISHING HOUSE. ➶ ♡➶♡➶♡ Hanggang saan ang kaya mong gawin para sa pag-ibig? Matagal nang may pagtingin ang isang simpleng babae na si Ava sa kanyang makisig at maginoong kaibigan na si Angelo. Sa pagnanais niyang mahalin...
