🔥បងប្រុសក្រៅត្រកូល🔞 (Completed ✔️)

ភាគទី21: រនុកក្នុង😼

     រាងតូចកាលបើបានឪពុកមកដល់ហើយ ក៏ហាក់កក់ក្ដៅក្នុងចិត្តព្រោះគេគិតថាលោកផាកបានមកជួយគេទាន់ពេល។ Jiminបង្ហើបសួរទៅបុរសជាប៉ាដោយសម្ដីដាច់ៗត្បិតបំពង់កនៅគាំងព្រោះតែការឈឺចាប់ខាងក្នុង <<ប៉ាជាអ្នកយកខ្ញុំមកមន្ទីរពេទ្យមែនទេ? ម៉េចក៏ប៉ាដឹងថាខ្ញុំនៅខាងក្រៅ?>>។ ឮបែបនេះលោកផាកយកដៃអង្អែលក្បាលកូនប្រុសតិចៗមុននឹងតបដោយកុហក តាមតែកំហឹងគាត់ពេលនេះមិនចង់ឲ្យSugaត្រូវទទួលគុណសម្បត្តិអ្វីឡើយ <<គឺមានអ្នកស្គាល់ប៉ាម្នាក់ គេឃើញកូនដេកសន្លប់នៅតាមផ្លូវទើបខលមកប្រាប់ប៉ា>>

     រាងស្ដើងស្ទុះងើបក្រសោបដៃរបស់ឪពុក គិតចង់ថ្លែងអំណរគុណដែលអ្នកដែលជួយជីវិតខ្លួនភ្លាមៗ<<ពិតមែនហ្អេស៎? ចឹងកូនសុំជួបគាត់បានទេ? កូនចង់អរគុណគាត់>>

    ឃើញដូចនេះ លោកផាកក៏ដឹងថាខ្លួននិយាយជ្រួលហើយ កូនប្រុសគាត់ចិត្តល្អយ៉ាងនេះ ទោះម្នាក់នោះនៅសែនឆ្ងាយប៉ុណ្ណាក៏រំអុកសុំជួបដែរ គាត់ក៏បន្តកុហកតាមតែអាចធ្វើបាន <<ស្ដាប់ប៉ាណាJimin គឺគេនិយាយថាសុំមិនជួបកូនទេ គេគ្រាន់តែជួយខលហៅប៉ា មិនបានធ្វើអីច្រើនឯណា កុំខ្វល់អី!>>

    <<តែប៉ា...កូនពិតជា...>>

    <<ស្ដាប់ប៉ាឬអត់!>>

    Jiminធ្វើមុខអេះអុញ រួចក៏ដកដៃចេញពីខ្លួនអ្នកជាប៉ា តបទាំងទឹកមុខមិនសមទំនង<<បាទ ចឹងក៏បាន>>

    <<ឆាប់សម្រាកទៅ នឹងបានឆាប់ជា ប៉ានាំឯងទៅផ្ទះវិញ>>

     នាយកម្លោះផ្ដេកខ្លួនថ្នមៗតាមបញ្ជាតែភ្នែកក៏ដៀងឆ្វេងស្ដាំរកមើលមនុស្សដែលគេទន្ទឹងចង់ជួបមុនគេគ្រប់ពេលដែលបើកភ្នែកឡើង <<លោកប៉ា! ចុះបងប្រុសវិញ ពេលនេះគាត់នៅឯណា?>>

      លោកផាកដែលកំពុងក្ដៅក្រហាយមិនទាន់បាត់ផង កាលបើឮសំណួរបែបនេះគាត់កាន់តែទុកចិត្តមិនបាន មិនគួរណាកូនរបស់គាត់សួររកអាមេបញ្ហានឹងសោះ នេះមិនដឹងថាគេគិតអីទេ។

    <<កុំទៅខ្វល់អី! គិតតែពីខ្លួនឯងទៅ!>>

    <<តែក្រែងគាត់នៅជាមួយខ្ញុំតើ នេះគាត់មានរបួសផង! ប៉ាយកបងហ្កាទៅណា? ប៉ា!>>រាងតូចអង្រួនដៃក្រាស់របស់ប៉ាទៅមក គេម៉េចនឹងអាចភ្លេចបានទៅ ខ្លួនគេបាត់ស្មារតីនៅលើដៃSugaច្បាស់ណាស់ បងប្រុសប្រាកដជានៅទីនេះដែរហើយ គេត្រូវរបួសធ្ងន់ជាងខ្លួនទៀត តើអាចទៅណាឆ្ងាយនោះ?