ပြတင်းပေါက်ကနေတဆင့် ထိုးကျလာသည့် ခပ်နွေးနွေးနေရောင်ခြည်လေးက အခန်းငယ်လေးရဲ့ဖွဲ့စည်းပုံကို ထင်းလင်းစေသည် ။
အခန်းပတ်ပတ်လည်တွင် ပိတ်စအဖြူအုပ်ထားသည့် ပန်းချီကားပေါင်း မြောက်မြားစွာ
ရှိနေပြီး ပန်းချီကား တစ်ကားကို ရေးဆွဲနေသည့် လူတစ်ယောက်လည်း အခန်းငယ်လေးထဲမှာ ရှိနေသည် ။
အသေးစိတ်ရေးဆွဲသည့် ထိုပန်းချီကားလေးက ပန်းတစ်ပွင့် ဖြစ်ဟန်တူပြီး အကြမ်းဖျင်း
ရေးဆွဲထားရုံသာ ရှိသေးသည် ။
ဖုန်းမြည်သံက ဆိတ်ငြိမ်နေသည့်အခန်းငယ်လေးရဲ့ တိတ်ဆိတ်မှုကို ဖြိုခွဲလိုက်လေသည် ။
ဂျောင်းဂုက ရေးဆွဲနေသည့် စုတ်တံကို ခုံပေါ်မှာ ချထားလိုက်ပြီး ဖုန်းကိုင်လိုက်သည် ။
" ဟယ်လို "
" သားရေ...ရောက်ခါနီးပြီလား ။ အမေက သားကြိုက်တဲ့ဟင်းတွေချည်း ချက်ထားတာ "
မစ္စဂျွန်က ပျော်ရွှင်မြူးတူးသည့်အသံဖြင့် ပြောလာသည် ။
" ကားပိတ်နေလို့ နည်းနည်း နောက်ကျမယ် အမေ ။ "
ဒီနေ့ကိစ္စကို သူ မေ့သွားတာကြောင့် မတတ်သာသည့်အဆုံး ဂျောင်းဂု လိမ်လိုက်မိသည် ။
" ဟုတ်လား ။ အေး...အေး ကားကို ဂရုစိုက်မောင်းဦးနော် "
" ဟုတ် အမေ ။ ကားမောင်းနေလို့ ဖုန်းချလိုက်တော့မယ်နော် "
သူ ဖုန်းချလိုက်ပြီး အခန်းငယ်လေးထဲကနေ ထွက်လာလိုက်သည် ။
ဂျောင်းဂုမှာ သူ့မိဘတွေနဲ့အိမ်ခွဲနေပြီးကတည်းက ပိတ်ရက်နှစ်ရက်မှာ တစ်ရက်တော့ မိဘအိမ်ကို မဖြစ်မနေသွားရောက်ရသည် ။ ထိုကဲ့သို့ မလုပ်လျှင် သူ့မိဘတွေက သူ့ကို အိမ်ခွဲနေခွင့်ပြုမည် မဟုတ်ပေ ။ အလုပ်တွေများလွန်းတာကြောင့် ဒီနေ့သွားလည်ရမည်ကို သူ မေ့သွားခဲ့ရသည် ။
ဂျောင်းဂုက ခပ်မြန်မြန်ပင် အဝတ်အစားလဲလိုက်ပြီး အိမ်ထဲကနေ ထွက်လာလိုက်သည် ။
မနက်စာစားပြီး ပန်းကန်ဆေးနေစဥ်မှာပင် တံခါးဖွင်သံကြားလိုက်တာကြောင့် ဘယ်သူလာမှန်း ယွန်းဂီ သိလိုက်သည် ။
ESTÁS LEYENDO
Please Love Me
Fanficမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
