اكتفيتُ منكَ عشقًا

مناقشة

حبة اتكلم في نقطة كوثر ومحمود وليلى و واحدة واحدة مع بعض كدة علشان فيه قمرات مش مقتنعين بقصتهم.

اول حاجة الاتنين غلطانين سواء كوثر أو محمود محدش فيهم صح..

يعني كوثر اهملته وهمها الاول والاخير هو الفلوس حتى ولادها مش مهتمة بيهم يعني ولا مرة فكرت تقرب من مهرة وتكلم معاها حتى آدم حاولت تقومه على ميرنا وتكرهه فيها وفي ليلى.

طيب ومحمود برضو غلطان لانه جرحها حتى لو فيها عيوب الدنيا كان المفروض يقدر العشرة اللي بينهم..بس هو معلمش ده وجرحها بجوازه اللي هو مش حرام اكيد بس هو وقع في غلط كبير مخدش باله منه وعيشهم في بيت واحد واللي هو بيت العيلة وكمان انه بعد عن ولاده يعني لولا بسام لحق آدم كان زمانه بقى شخصية بشعة وكان هيعمل مصايب..

طيب اللي مش مقتنعين بقى هسالكم كام سؤال.

هل مفيش راجل بيتجوز على مراته بسبب إهمالها؟؟؟
=مع الاسف الإجابة فيه..وفيه كمان اللي بيجوز على مراته من غير أسباب يعني ممكن تكون قيداله صوابعها العشرة شمع وبرضو مفيش فايدة...

السؤال التاني هل في ست زي ليلى بتقبل انها تبقى زوجه تانية؟
=الإجابة برضو فيه والا مكنتش انتشرت حالات الزوجة التانية..

ودلوقتي عندنا محمود حب أنه ينهي جوازه مع كوثر..ولما واجهها بده كان متوقع انها ترفض وتفضل على ذمته بس مش حبا فيه اكيد حبًا في فلوسه..مكنش متخيل أن كرامتها تنقح عليها وتحس انه عشان سكتت من الاول التمادي اكتر واكتر وبقى عنده استعداد ينفصل عنها هى ويكمل مع التانية..فحبت انها تيجي منها هي وتحافظ على اللي فاضل من كرامتها..
وعلى فكرة قصتهم لسة مخلصتش ولسة في تكملة ليهم في الخاتمة و والله القصة موجودة فعلًا وبيحصل كمان الاسوء من كدة....
استنوا الخاتمة يوم التلات بأذن الله وهعلن معاها عن مفاجأة هتعجبكم بأذن الله ❤️

دمتم سالمين.