اكتفيتُ منكَ عشقًا

عيد سعيد💫💜

كل سنة وأنتم طيبين يا قمراتي وعيد سعيد عليكم يارب وعلى كل حبايبكم 💜💜💜
ومتنسوش بكرة الفصل هينزل والرواية خلاص بتفنش عشان كدة حبة اعرفكم عن نفسي شوية عشان اللي ميعرفنيش 🙊
انا فاطمة محمد عندي ٢٢ سنة من القاهرة متخرجة من كلية حقوق وشهر تسعة اللي جاي هكمل سنتين في مجال الكتابة، اول ما بدأت كنت بسلي نفسي وبضيع وقتي وبعدين حبيت الموضوع وحبيت الكتابة وبقيت حبة أطور من نفسي اكتر واكتر واقدم افكار جديدة، واللي متابعني من الاول اكيد لاحظ ده سواء في افكار الروايات أو طريقة السرد أو حبكة الرواية...

ودي أعمالي كلها عشان البنات اللي طلبوا اسمائهم :
غرام الفارس (جزء اول + تاني)
وإذا تملكك الهوى.
طغيان قلب.
هوس مُتيم.
دهب.
العشق الذي أحياني.
زيغه الشيطان (مشتركة مع فاطمة سلطان).

ورواية اكتفيت منك عشقًا دي بذات احب رواية على قلبي حرفيًا في كل اللي كتبتهم لاني حقيقي بذلت فيها مجهود واتحديت نفسي...وعيشت معاهم واتعلقت بيهم...
في كتير حبوا الرواية وفي اللي محبهاش وشايفها مملة وبطيئة والخ..

بس انا شايفة انها اذواق، يعني مش لازم الكل يحبها، انا حاولت على قد ما اقدر ادي الرواية حقها وادي الشخصيات نفسها حقها المشاهد اللي البعض شافها مملة دي تفاصيل مهمة غيره يحب يشوفها..تخيلوا كدة لو مشاهد كتير اتكروتت واتشالت كان ايه اللي هيحصل ؟
كان في حاجات كتير هتقع منكم انتم والرواية كانت هتبوظ...
الجزء التالت اللي احنا في دلوقتي حاولت أني أظهر جانب تاني من الشخصيات...
حبيت انكم تعيشوا معاهم كل لحظاتهم سواء السعيدة أو الحزينة..زي ما أنا عيشت معاهم..حبيت أني اخلي الرواية متنوعة بتجمع بين الغموض و الاجتماعي و الرومانسي و العائلي و حتى الكوميدي..

وفي النهاية حبة اشكر كل اللي وصل لهنا عشان عارفة أني رغيت كتير بس حقيقي بحبكم كتيررر...❤️💫

فاطمة محمد.