سحر عينيك

الحلقة الـ٣٨

رواية سحر عينيك
الحلقة الـ٣٨
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- بوسط روحي حضنتك طيف ❤️.

___________________________

ام شاهين :- شاهين بعد ما شفته صار ضابط وين ما يشوفونه ياخذون له تحَية والناس تحمد بأخلاقه بديت اقنع بي يتزوج وهوَ رافض هاي الفكرة بتاتًا

تغيرت شخصيته حيل بعد ما شاف العذاب وكُل انواع الصدمات من ابوه صار شخصية ثانية من شَب تغيرت وصار

انسَان غامض
ما يحجي هادئ وهدوئه يخوفنه عليه

شگد ما حاولت افهمه احجي ويا ما جان اكو نتيجة
بديت اقنعه يتزوج وهوَ ما يقبل ويرفض بسرعة لحد ما زعلت منه وقطعت الكلام ويا حتىٰ يقبل يتزوج

وهذا اسوء شي سويته بحياتي لو ما انه ما چان صار الـ صار وقضيت علىٰ ما تبقىٰ منه .

هوَ ما تحمل يشوفني ما احجي رغم كُل شي صار ويا بقىٰ حنين وياي ويا البنات ما جان ينام اذا ما يشوفني ويشوفهن

حاول يقنعني اترك هاي الفكرة وجنت مصممة عليها الا ان رضخ للواقع وگالي

شاهين :- هايهيه سوي الي تريدينه بس لا تبقين زعلانه عليّ .

بعد كلامه فرحت حيل والدنيا ما وسعت فرحتي لأن جنت ميأسه اشوفه متزوج وناسي كُل شي مر بي .

جنت مخليه عيني علىٰ بنت عمه رواء جانت قريبه من عمره واشوفها بنية حبابه وهيَ هم جانت عيونها علىٰ شاهين
ابوها جان متوفي وهيَ عايشة ويا امها

گتله عليها بلبداية رفض ما يريد گرابه بس قنعته وتزوجها ...

مرت الاشهر وبدت تطلع علىٰ حقيقتها .
ما اريد اذمها بنيتي الله يرحمها بس جانت متلبسة اكثر قناع وختمتها بشغله وگفت شعر راسي

قضت علىٰ اخر ما تبقىٰ من ابني .

اخذت نفس تنهدت وكملت واني مصدومة وگلبي يرجف واحس هسه ياله بديت افهم الموضوع شنو هوَ

ام شاهين :- خانته يوم ...

فتحت عيوني مصدومة
كلمتين كفيلة تخلي جسمي يرجف من الصدمة
ما جنت متوقعة لهل درجة يكون الموضوع !

اردفت بنبرة مصدومة
وتين :- شنو خالة ؟؟ تحچين صدگ !

اجاني صوتها تعبان وكأنُ تذكرت كُل شي مرو بي
ام شاهين :- اي يوم خانته ابني بهذاك اليوم انتهىٰ اي شخص اذا جان رجل او امرأة ما راح يگدر يتحمل يشوف هيج منضر

وتين :- شنو المنضر خالة ؟ عقلي وگف علىٰ التفكير ممصدگة الي داسمعه

ام شاهين :- شافهم يوم عايشين علاقة كأي زوجين ...