سحر عينيك

الحلقة الـ٢٧

رواية سحر عينيك
الحلقة الـ٢٧
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- ‏"ثُمَّ يأتيكَ اللّٰه ‏بأشدِّ ما يتمنّاهُ قلبُكَ
‏عِوَضًا عن أيامٍ ثقالٍ ‏وجبرًا عن قسوةِ العالم"

_____________________________

بلعت ريگي وحچيت برجفة
وتين :- احجي شاهين شنو النتيجة ؟

باوع لي واردف
شاهين :- النتيجة أيجابية ...

بقيت جامدة بمكاني
عيوني مفتوحة علىٰ وسعهم
جسمي رجف
ايدي ترجف
اطرافي بلگوه حاملاتني

هربت دمعة من عيوني
تلتها دمعة ثانية وثالثة الا أن صارت دموعي عبارة علىٰ شلال من الدموع

غطيت وجهي بأيدي ونهاريت
شهگت بلبجي
بجيت بحرگة گلب
بجيت بقهر علىٰ السنين الضاعت واحنه بعيدين عن بعض

بقيت اردد بصوت هامس
وتين :- اختي عايشة
اختي ما متوفية
لگيت اختي .

تقرب لي شاهين بسرعة بعد ايدي عن وجهي واردف
شاهين :- اش لا تبجين المفروض تفرحين لگيتي اختج

باوعت له وحجيت برجفة
وتين :- شاهين عقلي مدا يستوعب دينيز اختي ؟ اختي الي أجت لبيتي وما حضنتها حتىٰ ؟

شاهين :- النتيجة ايجابية والتحليل يأكد دينيز اختج .

رمشت عيوني والدمعة وگعت من عيني
اتذكر من أجت لـ يمي واني ما اعرف بيها اختي !
اجت لـ يمي وما حضنتها حتىٰ !

باوعت لشاهين وحجيت
وتين :- شاهين ، شاهين اجت يمي واني ما ادري بيها اختي حتىٰ ما حضنتها
اختي اخر ريحة لي من امي ، سنين صارلي ما شايفتها .

بجيت بحرگة قلب وحجيت

وتين :- شاهين اتذكر كلام ابوي عليها ، اتذكر من يگول لي

جبر :- خايف لا اموت وانا ما شايفها ، خايف اموت وانا ما حافظت علىٰ أمانة أمجن .

جسمي جان يرجف بطريقة مو طبيعية
تقرب عليّ شاهين
ما حسيته غير يحضني  ويطوقني بـ أيديه
ويهمس

شاهين :- اش اهدئي ابوية انتهىٰ كلشي وراح تشوفين اختج ، لا ترجفين هيج وتين

بجيت وحضنته بقوة ورديت بهمس
وتين :- شلون ما أبچي واني لگيت اختي بعد هاي السنين الطويلة

حضني أقوة
حسيت روحي بدت تغيب عني
والرؤية تغوشت علىٰ عيوني
جسمي ارتخىٰ

اخر شي سمعته شاهين وهو يصيح ويضرب علىٰ خدي
شاهين :- وتين شبيج ، وتييين

وأغمىٰ عليّ ...

بعد مرور ساعات ..

فتحت عيوني ببطئ والرؤية مغوشة عليّ
غلقت عيوني ورجعت فتحتهم
توضحت الرؤية عليّ شوية