سحر عينيك

الحلقة الـ٢٢

رواية سحر عينيك
الحلقة الـ٢٢
بقلمي سارة ياسين .

قلبي لاتنسون التصويت ، التعليق بين الفقرات ، متابعة لحسابي 🫶🏻 .

- وأنة بَلياك ضَايع، تايّه، ومَنسيٰ
مَامِش درب يَندلني ولا باب يتلگاني
ولا شفه التگلي أرتاح
لا چف اليباريني
ولا چلمة التَداريني
ولا غيمة مَحبة التروي گيعاني
وبس عتاب ضَيمك يَلچ بِلساني

_____________________________

باوعت لخالة بخوف وطلعت بسرعة من الغرفة
لگينه عمو ابو شاهين واگع بلگاع وهي تصحي بي !

ركضنه عليّ زينب من الخوف بس تبجي هي وجوان ما جان لا عمر موجود ولا علي

بسرعة اخذت مي وتقربت عليّ
رشيت المي ؏ وجهه
ما صحىٰ رجعت مرة ثانية
رشيت عليّ عَكمش عيونه

البنات يفركون بـ ايديه وخالة مخليه راسه بحضنها
صحت بـ البنات

وتين :- بنات خالة شبيكم هاي گعد مابي شي على كيفكم

اردفت خالة وهي تبجي
ام شاهين :- يا يمة يا گعد شوفي وجهه جنه كركمة صار

حاجت جوان
ام شاهين :- گومي گعدي اخووج

وهي تحجي نزَل شاهين علىٰ صياحنه
جان قلقان والخوف بسبب صياح البنات طاغي عليّ
بس باوع النه ركض على عمو

شاهين :- شكوو هاي شبيي ابوووي

اردفت زينب وهي تشهگ
زينب :- م ماعرف اجيت للمطبخ لگيته واگف بالصالة حسيته بلگوه وتگف ، سئلته

زينب :- ها بابا تريد شي ؟

ابو شاهين :- لا بنيتي بس جيبي لي مي

هزيت راسه اله ومشيت خطوة وحده للمطبخ
ماحسيت غير صوت وگعة صار وراي
نداريت لگيته واگع ...

جانت وهي تحجي تشهگ بلبجي
البنات حيل متعلقات بـ خالة وعمو ابو شاهين

صاح بيها شاهين
شاهين :- كافي بجي هاي گاعد مابي شي

ورجع نزل راسه لعمو واردف
شاهين :- ها يابه تگدر تگوم ؟

هز له عمو راسه بتعب
- أي ابني اگدر مابيه شي

واندار ؏ البنات الي موتو روحهم بلبچي
ابو شاهين :- كافي بنياتي مابيه شي لا تبچون

گومه شاهين ودخله لغرفة خالة وعمو
وجاب جِهاز قياس الضغط والسكر
قاس السكر بلبداية

شاهين :- هاي ليش يابه ؟ ليش تقهر روحك ؟ سكرك ٣٥٠ لو صاير لك شي ؟

اردف عمو بتعب
ابو شاهين :- أبني عادي مابيه شي

باوع شاهين عليّ ولم شفته داخل حلگه
عرفته يحس هو السبب بحالة عَمو حاليًا
قاس له الضغط لگاه هم صاعد