سحر عينيك

الحلقة الـ٣٤

رواية سحر عينيك
الحلقة الـ٣٤
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

يولو من هسه حضرو مشاعركم 😭♥️

- دافئ أنتَ مثل مصافحةِ يدَيْن بعد تلاشي أزمة ♥️.

_______________________________

وگع التلفون من أيدي
ايدي رخت
عيوني مفتوحة علىٰ وسعهم

جمدت بمكاني ماگدرت اتحرك خطوة وحدة
ترددت ببالي الكلام
گلبي زادت دگاته
رجف جسمي

اردفت بصوت يرجف
وتين :- لا لا م مو صدكَ لاا

بديت استوعب الي صار
عطت بصوت عالي

وتين :- شاهيييين لاااا

بجيت
نهد حيلي
گعدت بالگاع وابجي واصيح
ما مصدگة الي سمعته
روحي فرفحت

دخلوا اهلي يركضون علىٰ الغرفة
باوعو لي بصدمة من حالتي

تقدم عليه ابوي حضني واردف بخوف
جبر :- وتين بابا شبيج شصاير ليش تبجين

الشهگة شگت صدري
بلعت ريگي وجسمي يرجف
وتين :- شاهين شاهين

جبر :- شبي بابا شبيج لا ترجفيين وتيين

اردفت بلا وعي
وتين :- شاهين راح بابا رااح

نهاريت بالبجي
واتذكر كلامه
نبرة صوته
نضراته لي
واخر كلمة له

ماحسيت غير ابوي يضربني راشدي ويهزني
جبر :- ااااش كااافي شبييج بابااا شصاااير شبي شاهين احجي

سكتت وابچي
وتين :- شاهين بابا شاهين جان يخابرني وصار صوت انفجار يمه وواحد صاح لا سيدي وانگطع الخط

بجيت وكملت
وتين :- بابا شاهين رااح

نصدمو اهلي من كلامي
واني روحي بدت تغيب
اخواني شالو تلفوناتهم يخابرونه وما چان اكو أي رد ...

روحي فرفحت
بهاي اللحضة عرفت بروحي
اني احب شاهين
حسيت بروحي شگد احبه
ومن ردت اخسره عرفت روحي احبه
بس شنو الفايدة ؟
شاهين ماكو
ما يفيد اعترافي بشي ولا راح اشوفه بعد

عقلي بده يتخيل شغلات سوداء
اهلي محاوطيني ويخابرون علىٰ اهل شاهين
وهماتين محد يرد منهم
يأست وگلت هايهيه الـ سَمعته صدگ وشاهين صار له شي وما يجابون

بلعت ريگي وحجيت بتعب
وتين :- هسه ترجعوني للبصرة

جبر :- بابا السَاعة نص ليل وين تروحين ؟ ثاني شي اهدئي بنتي مابي شي ان شاءالله ويجوز صح انفجار بس ما صارله شي وبسبب الانفجار نگطع الخط

بيبي :- اي بنيتي فدوة اروحلچ اهدي شوفي شسويتي بروحچ علىٰ كيفچ يا امي رب العالمين وياه وان شاءالله مابي شي لا تفاولين بالشر