رواية سحر عينيك
الحلقة الـ٢٩
بقلمي سارة ياسين .
قلبي لاتنسون التصويت ، التعليق بين الفقرات ، مُتابعة لحسابي 🫶🏻 .
- وَألمّك لَمّة الخَاطِر بـِ العتاب
وأنْشدّك مِن عطشتَك ليش مَا جِيت ؟.
- عَريان السيد خَلفْ.
_________________________
دخلت زهراء بسرعة ووجهه مخطوف ، صاحت
زهراء :- وولج وتييين لحگي بيبي مدري شبيهاا
نصدمت من كلامها
وتين :- شنوو شبيها بيبي .
طلعت اركض وتلفوني بيدي من الخوف حتىٰ ما سديت الخط وبقىٰ شاهين علىٰ الخط
دخلنه لغرفة بيبي والخوف احتلني
لگيتهم ملتمين عليها وهي متخربطة ووجهه اصفر
جمدت بمكاني واتذكر بيبي شلون توفت !
معقولة هم راح تعوفني مثل ما عافتني بيبي ؟
حجيت بصوت يرجف
وتين :- شبيها بيبي شبيها
حجه احمد وهو يقيس ضغطها
احمد :- اهدئو يابه ماكو شي بس ضغطها صاعد شوية لا تفاولون عليها بالشر
بلعت ريگي واحس جسمي يرجف
مثل الي نهبطت ، گعدت علىٰ القنفة اخذ نفس
مسحت وجهي بأيديني المُرتجفة
واباوع لبيبي بدت تصحىٰ وفتحت عيونها
اخذت نفس براحة وزفرت
وتذكرت بسرعة شاهين علىٰ الخط !
بسرعة اخذت الموبايل لگيته المُكالمة مفتوحة
گلت بگلبي عزا بعينج وتين شتلتي علىٰ الخط شگد فشلة
رفعت التلفون وحچيت
وتين :- شاهين
اجاني صوته ونبرة صوته قلقة
شاهين :- شنو الصار ؟ شبيها بيبيتچ
وتين :- تخربطت ضغطها صاعد
شاهين :- شلون صارت هسه ؟
وتين :- لا الحمدلله زينة فتحت عيونها ، اعذرني خليتك علىٰ الخط
شاهين :- لا عادي ما صار شي .
بقينة نحجي شوية ونهيت المُكالمة
رحت سويت لبيبي نومي بصرة حتىٰ ينزل ضغطها
لأن حيل صاعد
وتين :- ها بيبي شلون صرتي ؟
اردفت بصوت تعبان
بيبي :- الحمدلله بيبي شبيكم هيچ خايفين مابيه شي
غيث :- اي نعرفچ جميلة لن تستسلمي
بيبي :- اسكت لا بارك الله بيك مابيه حيل احجي
أنت تقرأ
سحر عينيك
Romanceفتاة تعاني من التفكك الاسري لاتعلم من عائلتها بالضبط ولا تعلم ماهو الدفيء العائلي تبدأ صدماتها عند خساره المرأة التي احتضنتها وهي في عمر الطفوله ، تتمادى الدنيا معها لتتعرض الى خسارات عديده تنتج عنها فتاة مضلومه خاسرة ، تُطرد بلا مأوى ولا مسكن داف...
