سحر عينيك

الحلقة الـ٤١ الأخير

رواية سحر عينيك
الحلقة الـ٤١ الأخيرة
بقلمي سارة ياسين .

قلبي لاتنسون التصويت ، التعليق بين الفقرات ، مُتابعة لحسابي 🫶🏻 .

- وكم مِن كُربةٍ أبكتْ عيونًا
‏فهوَّنها الكريمُ لنا فهانتْ
‏وكم مِن حاجةٍ كانت سرابًا
‏أرادَ اللهُ لُقياها فحانتْ
‏وكم ذُقنا المرارة مِن ظروفٍ
‏برغمِ قساوةِ الأيامِ لانتْ
‏هي الدنيا لنا فيها شؤونٌ
‏فإن زيّنتها بالصبر زانتْ

___________________

بلعت ريگي وحچيت برجفة من كلامه الي صدمني
وتين :- احچي عفية

صاح بي شاهين
شاهين :- وولك احچي شگد لا تخوفها

ضحك عمر واردف
عمر :- هههههههههه يابه الف مبروك مُعدلچ ٩٩

هوَ حچه جملته
واني الدنيا دارت بيه وتلاشت الرؤية عندي
غمضت عيوني واغمى عليه واسمع صيحت شاهين

شاهين :- وتيين وتيين

حاوطتني ايديه وبعدها الضلام احتل رؤيتي
بعدها بفترة قصيرة فتحت عيوني ببطئ
صار گدامي شاهين والعائلة كلهم واگفين وشاهين يذب علىٰ وجهي مي

شهكَت من برودة المي
وهمَ انضارهم صارت عليه بسرعة ووجوهم قلقة وخايفة

عدلت گعدتي
وذاكرتي بسرعة رجعت لكلام عمر
دمعت عيوني وجسمي يرجف ممصدكَة كلامه

حچيت بنبرة ترجف
وتين :- شاهين شاهين صدگ كلامه ؟ صدگ نجحت ؟ عفية اني مو بحلم مو

عدل لي شالي واردف بنبرة هادئة ونضراته كُلها فخر
شاهين :- لا ابوية مو حلم سويتيها ورفعتي راسنه

بجيت بشهكَة
وشاهين يهدئ بيه والعائلة تبارك لي
واني ابچي ممصدگة معقولة بعد كُلشي مريت بي انجح ؟ واطلع هذا المعدل ؟

باركو لي العائلة وهمَ فرحانين اكثر مني
ونضراتهم فخورة بيه
بس مو مثل نضرات شاهين ألي چانت كلها فخر وكأنُ حاسس اني راح انجح واطلع مُعدل عالي

چان بكل لحضة مريت بيها وياي
ايام وهوَ ما ينام بسببي حتىٰ يدرسني
لو يخليني انام شوية اكسر نومتي ويبقىٰ گاعد حتىٰ يگعدني ويرجع يدرسني

من بعد رب العالمين جان اله فضل كُلش جبير عليه
هوَ واهلي الي ما عافوني ابدًا يومية يتصلون ويسألون عليه وعلىٰ امتحاناتي واذا شي مفاهمته يگعدون يفهموني

رب العالمين من بعد العذاب
والتعنيف
النفسي والجسدي
ويُتم الحنان والاهتمام الي مريت بي ووعيت عليه
عوضني بيهم
عوضني عوض خلاني اسجد فرحانة بعوضه الي

الي مريت بي مو شوية
والعذاب الي شفته مو سهل عليّ ابدًا
ما نسيت بس تناسيت ولو شوية
لحد هسه ذاكرتي تتذكر كل لحضة مريت بيها